പറപ്പൂക്കര പള്ളത്ത് പോലീസ് നടത്തിയ പരിശോധനയിൽ രണ്ട് സ്ഥലങ്ങളിൽ വിൽപനക്കായി സൂക്ഷിച്ച 25 ലിറ്റർ ഇന്ത്യൻ നിർമ്മിത വിദേശ മദ്യം പിടികൂടി. പള്ളത്ത് ഹോട്ടലിൻ്റെ മറവിൽ മദ്യവിൽപ്പന നടത്തിയിരുന്ന കരവട്ട് സുനിൽകുമാറാണ് അറസ്റ്റിലായത്. ഇയാളിൽ നിന്ന് 8 ലിറ്റർ മദ്യം പിടികൂടി. പറപ്പൂക്കര പള്ളം പനിയത്തുപറമ്പിൽ രതീഷിൻ്റെ വീട്ടിൽ നിന്ന് 17 ലിറ്റർ മദ്യം പിടികൂടി. പോലീസിനെ കണ്ട് പ്രതി ഓടിരക്ഷപ്പെട്ടു
ആറു വര്‍ഷമായി മുടങ്ങി കിടക്കുന്ന റേഷന്‍ വ്യാപാരികളുടെ വേതന പാക്കേജ് പരിഷ്‌കരിച്ച് മിനിമം വേതനം 30,000 രൂപയാക്കി വര്‍ദ്ധിപ്പിക്കുക, കേന്ദ്ര ഗവണ്‍മെന്റ് വെട്ടിക്കുറച്ച റേഷനരിയും ഗോതമ്പും പഞ്ചസാരയും മണ്ണണ്ണയും പുന:സ്ഥാപിക്കുക, റേഷന്‍ വ്യാപാരികള്‍ക്ക് കിട്ടാനുള്ള കമ്മീഷന്‍ കുടിശ്ശഖ ലഭ്യമാക്കുക, കേന്ദ്ര വേതന വിഹിതം വര്‍ദ്ധിപ്പിക്കുക, സെര്‍വര്‍ തകരാര്‍ പരിഹരിച്ച് വിതരണത്തിലെ തടസ്സങ്ങള്‍ ഒഴിവാക്കുക എന്നീ ആവശ്യങ്ങള്‍ ഉന്നയിച്ചാണ് സംസ്ഥാന വ്യാപകമായി സമരം നടക്കുന്നത്. പ്രതിഷേധപരിപാടികള്‍ എകെആര്‍ആര്‍ഡിഎ സംസ്ഥാന സെക്രട്ടറി പി.ഡി. പോള്‍ ഉദ്ഘാടനം ചെയ്തു. കെഎസ്ആര്‍ആര്‍ഡിഎ താലൂക്ക് …
പുതുക്കാട് മണ്ഡലത്തിലെ നാഷണല്‍ ഹൈവയുമായി ബന്ധപ്പെട്ട ഗതാഗത പ്രശ്‌നങ്ങള്‍ സംബന്ധിച്ച ജനപ്രതിനിധികളുടെയും ഉദ്യോഗസ്ഥരുടെയും യോഗത്തിലാണ് എംഎല്‍എ ഇ ആവശ്യം ഉന്നയിച്ചത്. യോഗത്തില്‍ തൃശ്ശൂര്‍ എം.പി ടി.എന്‍ പ്രതാപന്‍, പഞ്ചായത്ത് പ്രസിഡന്റുമാരായ ഇ.കെ അനൂപ്, ടി.എസ് ബൈജു, കെ.എം. ബാബുരാജ്, പ്രിന്‍സണ്‍ തയ്യാലക്കല്‍, ജില്ലാ പഞ്ചായത്ത് അംഗങ്ങളായ വി.എസ് പ്രിന്‍സ്, ജോസഫ് ടാജറ്റ്, കൊടകര ബ്ലോക്ക് പഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍മാന്‍ അല്‍ജോ പുളിക്കന്‍, ചാലക്കുടി ഡിവൈഎസ്പി പി.എസ്. സിനോജ്, പുതുക്കാട് എസ്എച്ച്ഒ യു.എച്ച്. സുനില്‍ദാസ്, ദേശീയപാത പ്രൊജക്റ്റ് …
വൈസ് പ്രസിഡന്റ് ഷൈനി ജോജു അദ്ധ്യക്ഷയായിരുന്നു. പഞ്ചായത്തംഗങ്ങളായ സെബി കൊടിയന്‍, രതി ബാബു, സി.സി. സോമന്‍, ഷാജു കാളിയേങ്കര, ആന്‍സി ജോബി, പ്രീതി ബാലകൃഷ്ണന്‍, രശ്മി ശ്രീഷോബ്, അനൂപ് മാത്യു, ഹിമ ദാസന്‍, സുമ ഷാജു, ഫിലോമിന ഫ്രാന്‍സീസ്, സെക്രട്ടറി ഉമ ഉണ്ണികൃഷ്ണന്‍, അസി. സെക്രട്ടറി എം.പി. ചിത്ര, വിഇഒ മാരായ ധന്യ, ലാലി ഘോഷ്, കുടുബശ്രീ ചെയര്‍പേഴ്‌സണ്‍ അമ്പിളി ഹരി എന്നിവര്‍ പ്രസംഗിച്ചു.
പുതുക്കാട് നിയോജകമണ്ഡലത്തിലെ വിവിധ വികസന പ്രവര്‍ത്തികളുടെ അവലോകനയോഗത്തിലാണ് എംഎല്‍എ ആവശ്യമുന്നയിച്ചത്. കേളിത്തോട് പാലത്തിന്റെയും കുറുമാലി തൊട്ടിപ്പാള്‍ മുളങ്ങ് റോഡിന്റെയും നിര്‍മ്മാണം പുരോഗമിക്കുന്നതായും യോഗം വിലയിരുത്തി. നിര്‍മ്മാണം പൂര്‍ത്തീകരിച്ച ഉങ്ങിന്‍ചുവട് കടലശ്ശേരി വല്ലച്ചിറ റോഡ് ഉദ്ഘാടനം സജ്ജമായതായും യോഗത്തില്‍ പൊതുമരാമത്ത് ഉദ്യോഗസ്ഥര്‍ അറിയിച്ചു. കെ.കെ. രാമചന്ദ്രന്‍ എംഎല്‍എയുടെ അധ്യക്ഷതയിലാണ് യോഗം ചേര്‍ന്നത്. കൊടകര ബ്ലോക്ക് പഞ്ചായത്ത് പ്രസിഡന്റ് എം.ആര്‍. രഞ്ജിത്ത്, പഞ്ചായത്ത് പ്രസിഡന്റ്മാരായ ഇ.കെ. അനൂപ്, അശ്വതി വിബി, വിവിധ വകുപ്പ് ഉദ്യോഗസ്ഥര്‍, മണ്ഡലം മോഡല്‍ ഓഫീസര്‍ ആര്‍. …
കോഴിക്കോട് ചെമ്പനോട പനയ്ക്കല്‍ വീട്ടില്‍ മാത്യുവിനെയാണ് വരന്തരപ്പിള്ളി പൊലീസ് അറസ്റ്റ് ചെയ്തത്. ഏപ്രില്‍ 10ന് ആറ്റപ്പിള്ളി പയ്യൂര്‍ക്കാവ് ക്ഷേത്രത്തിന് സമീപം അരീക്കാടന്‍ ഫെര്‍ണാണ്ടസിന്റെ വീട്ടിലാണ് കവര്‍ച്ച നടന്നത്. അലമാരയിലിരുന്ന സ്വര്‍ണവും പണവും വിലപ്പെട്ട രേഖകളും നഷ്ടപ്പെട്ടിരുന്നു. ഫെര്‍ണാണ്ടസ് വിദേശത്തായതിനാല്‍ മാതാപിതാക്കളായ ജോര്‍ജും ആലീസുമാണ് വീട്ടിലുണ്ടായിരുന്നത്. ഇവര്‍ മറ്റൊരു മകനായ അലക്‌സാണ്ടറിന്റെ വീട്ടില്‍ പോയപ്പോഴാണ് മോഷണം നടന്നത്. സംഭവത്തില്‍ വരന്തരപ്പിള്ളി പൊലീസ് കേസെടുത്ത് അന്വേഷണം നടത്തി വരികയായിരുന്നു. ചാലക്കുടിയില്‍ നിന്നുമാണ് പ്രതിയെ പൊലീസ് പിടികൂടിയത്.
കല്ലൂര്‍ നായരങ്ങാടിയില്‍ ടാങ്കര്‍ലോറിയും സ്‌കൂട്ടറും കൂട്ടിയിടിച്ച് സ്‌കൂട്ടര്‍ യാത്രികന് പരുക്കേറ്റു. തിരൂര്‍ സ്വദേശിയായ യുവാവിനാണ് പരുക്കേറ്റത്. കൈയ്ക്ക് ഗുരുതരമായി പരുക്കേറ്റ യുവാവിനെ തൃശൂര്‍ ജനറല്‍ ആശുപത്രിയില്‍ പ്രവേശിപ്പിച്ചു. വെള്ളിയാഴ്ച ഉച്ചയോടെയായിരുന്നു അപകടം സംഭവിച്ചത്.
ബസുകളില്‍ ക്യാമറ സ്ഥാപിക്കാനുള്ള സമയപരിധി മൂന്നുമാസം കൂടി നീട്ടി. ജൂണ്‍ 30ന് മുന്‍പ് സ്ഥാപിക്കണമെന്നായിരുന്നു നിര്‍ദേശം. സെപ്റ്റംബര്‍ മുപ്പതിനുള്ളില്‍ സ്ഥാപിക്കണമെന്നാണ് പുതിയ നിര്‍ദേശം. സമയം നീട്ടി നല്‍കണമെന്ന് കെഎസ്ആര്‍ടിസിയും സ്വകാര്യ ബസ് ഉടമകളും ആവശ്യപ്പെട്ടിരുന്നു. സ്വകാര്യ ബസുകളുടെ മത്സരയോട്ടം മൂലമുള്ള അപകടസാഹചര്യങ്ങള്‍ ചര്‍ച്ച ചെയ്യാന്‍ കൊച്ചിയില്‍ ഗതാഗത മന്ത്രി ആന്റണി രാജു വിളിച്ചു ചേര്‍ത്ത യോഗത്തിലാണ് തീരുമാനം. കെഎസ്ആര്‍ടിസി ഉള്‍പ്പെടെ സംസ്ഥാനത്തോടുന്ന എല്ലാ ബസുകളിലും ഫെബ്രുവരി 28ന് മുന്‍പ് ക്യാമറകള്‍ സ്ഥാപിക്കാന്‍ തീരുമാനിച്ചിരുന്നു. ഈ തീരുമാനം പലതവണ …
പീച്ചി ഇടതുകര കനാലിന്റെ വശങ്ങളില്‍ ചാക്കുകളിലായാണ് മാലിന്യം തള്ളിയിരിക്കുന്നത്. തുടര്‍ന്ന് നാട്ടുകാര്‍ പഞ്ചായത്തധികൃതരെ വിവരം അറിയിക്കുകയായിരുന്നു. തൃശൂര്‍ വടക്കേ സ്റ്റാന്റിനു സമീപമുള്ള സ്വകാര്യ ഹോട്ടലിന്റെ ബില്ലുകളും മറ്റു അനുബന്ധ രേഖകളും മാലിന്യത്തില്‍ നിന്ന് ലഭിച്ചു. തൃക്കൂര്‍ പഞ്ചായത്ത് പ്രസിഡന്റിന്റെ നേതൃത്വത്തിലാണ് പരിശോധന നടത്തി തെളിവുകള്‍ കണ്ടെത്തിയത്. പഞ്ചായത്തംഗം മേരികുട്ടി വര്‍ഗീസ്, നാട്ടുകാരായ, ജോജു, വിക്രമന്‍, പ്രകാശന്‍ ബിനോയ് എന്നിവരും സന്നിഹിതരായിരുന്നു. പഞ്ചായത്ത് പ്രസിഡന്റ് സൈമണ്‍ നമ്പാടന്‍ വരന്തരപ്പിള്ളി പോലീസില്‍ വിവരം അറിയച്ചതിനെ തുടര്‍ന്ന് പോലീസ് സ്ഥലത്ത് എത്തി …
ആധാര്‍ കാര്‍ഡുമായി പാന്‍ കാര്‍ഡ് ലിങ്ക് ചെയ്യണ്ടതിനുള്ള സമയ പരിധി വെള്ളിയാഴ്ച അവസാനിക്കും. ആധാറുമായി പാന്‍ ലിങ്ക് ചെയ്തില്ലെങ്കില്‍ ശനിയാഴ്ച മുതല്‍ പാന്‍ കാര്‍ഡ് പ്രവര്‍ത്തന രഹിതമാകും. പാന്‍കാര്‍ഡുമായി ആധാര്‍ ബന്ധിപ്പിക്കുന്നതിന് നിലവില്‍ 1000 രൂപയാണ് പിഴ അടയ്‌ക്കേണ്ടത്. 2023 മാര്‍ച്ച് 31 ആയിരുന്നു ആദ്യത്തെ സമയപരിധി. പിന്നീട് ജൂണ്‍ 30 വരെ നീട്ടുകയായിരുന്നു.
3 മാസങ്ങള്‍ക്കുശേഷം പാലപ്പിള്ളിയില്‍ കാട്ടാനകള്‍ തിരിച്ചെത്തി. മുപ്ലി, പിള്ളത്തോട് പ്രദേശത്ത് കാട്ടാനക്കൂട്ടം ഇന്നലെ രാത്രിയും ഇന്നു രാവിലെയുമായി വിഹരിക്കുന്നുണ്ടായിരുന്നു. രാവിലെ ടാപ്പിങിനു ഇറങ്ങുന്ന തൊഴിലാളികളും നാട്ടുകാരും ജാഗ്രത പാലിക്കണമെന്ന് പാലപ്പിള്ളി റേഞ്ച് ഓഫീസര്‍ കെ.പി. പ്രേംഷമീര്‍ അറിയിച്ചു.
പദ്ധതിയില്‍ പങ്കാളികളായി വിജയിച്ചവര്‍ക്കുള്ള പുരസ്‌കാര വിതരണവും മൂന്നാംഘട്ട പ്രവര്‍ത്തനങ്ങളുടെ ഉദ്ഘാടനവും കെ.കെ. രാമചന്ദ്രന്‍ എംഎല്‍എ നിര്‍വഹിച്ചു. പുതുക്കാട് മണ്ഡലത്തിലെ എട്ട് പഞ്ചായത്തുകളിലെ 2411 അയല്‍ക്കൂട്ടങ്ങളില്‍ അംഗങ്ങളായ 40,000 കുടുംബശ്രീ വനിതകളുടെ സംയുക്ത പ്രവര്‍ത്തനമാണ് പൊലിമ പുതുക്കാട്. 29 ഹെക്ടര്‍ സ്ഥലത്ത് ഇത്തവണ പൊലിമ കൂട്ടായ്മ വിളയിച്ചത് 120 ടണ്‍ പച്ചക്കറിയാണ്. ഇവരില്‍ നിന്നും മികവുപുലര്‍ത്തിയ ഓരോ പഞ്ചായത്തിലെയും ആദ്യത്തെ മൂന്നു സ്ഥാനീയര്‍ക്കാണ് പുരസ്‌കാരങ്ങള്‍ നല്‍കിയത്. മറ്റത്തൂര്‍ പഞ്ചായത്തില്‍ നിന്നും ഒന്നാം സ്ഥാനം നേടിയ നന്മയാണ് ഏറ്റവും കൂടുതല്‍ …
യാത്രക്കാരും സ്‌കൂളിലേക്ക് പോകുന്ന വിദ്യാര്‍ഥികളും ഭീതിയിലാണ് ഇതുവഴി കടന്നുപോകുന്നത്. കൂട്ടത്തോടെയെത്തുന്ന തെരുവു നായ്ക്കളുടെ ആക്രമണത്തില്‍ നിന്ന് കഷ്ടിച്ചാണ് പലരും രക്ഷപ്പെടുന്നത്. വെട്ടിങ്ങപ്പാടത്തും കാടിനോട് ചേര്‍ന്നുള്ള റോഡിലുമാണ് തെരുവുനായ്ക്കള്‍ തമ്പടിച്ചിരിക്കുന്നത്. ഈ പ്രശ്‌നത്തിന് അടിയന്തര പരിഹാരം കാണണമെന്നാവശ്യപ്പെട്ട് മനുഷ്യാവകാശ പ്രവര്‍ത്തകനായ സുരേഷ് ചെമ്മനാടന്‍ വരന്തരപ്പിള്ളി പഞ്ചായത്ത് അധികൃതര്‍ക്ക് പരാതി നല്‍കി.
പ്ലാസ്റ്റിക് മാലിന്യം അലക്ഷ്യമായി കൈകാര്യം ചെയ്യുന്നവര്‍ക്ക് മുന്നറിയിപ്പ് നല്‍കി. പ്ലാസ്റ്റിക് മാലിന്യം ഹരിതകര്‍മ്മസേനക്ക് കൈമാറാതെ കത്തിക്കുകയും പൊതുസ്ഥലങ്ങളില്‍ വലിച്ചെറിയുകയും ചെയ്യുന്നവര്‍ക്കെതിരെ കേരള ഹൈക്കോടതി വിധിയുടെ അടിസ്ഥാനത്തില്‍ വരും ദിവസങ്ങളില്‍ ശക്തമായ നടപടി സ്വീകരിക്കുമെന്ന് പഞ്ചായത്ത് അധികൃതര്‍ അറിയിച്ചു. പുതുക്കാട് പഞ്ചായത്ത് അസിസ്റ്റന്റ് സെക്രട്ടറി എം.പി. ചിത്രയുടെ നേതൃത്വത്തില്‍ പഞ്ചായത്ത് തല ഹെല്‍ത്ത് ഇന്‍സ്‌പെക്ടര്‍ പി.ബി. കീര്‍ത്തി, ഉദ്യോഗസ്ഥരായ ടി.സി. സിന്ധു, കെ.ജെ. ജിന്‍സി, മുഹമ്മദ് റാഫി, കെ.കെ. ഓമന എന്നിവരടങ്ങിയ സംഘമാണ് പരിശോധന നടത്തിയത്.
ത്യാഗത്തിന്റെയും സഹനത്തിന്റെയും സമര്‍പ്പണത്തിന്റെയും സന്ദേശം പകരുന്ന ബലിപെരുന്നാള്‍. ഒന്നും തന്റേതല്ലെന്ന ലാളിത്യത്തിന്റെ പാഠമാണ് പെരുന്നാള്‍ നല്‍കുന്നത്. പെരുന്നാള്‍ നമസ്‌കാരത്തിനായി സംസ്ഥാനത്തെ ഈദ് ഗാഹുകള്‍ ഒരുങ്ങി ക്കഴിഞ്ഞു. ജീവിത സായാഹ്നത്തില്‍ ലഭിച്ച സ്വന്തം മകനെ ബലി നല്‍കണമെന്ന ദൈവ കല്‍പന ശിരസാ വഹിച്ച ഇബ്രാഹിം നബി യുടെ ത്യാഗത്തിന്റെ സ്മരണയാണ് ബലിപെരുന്നാള്‍. ഇബ്രാഹിമിന്റെയും മകന്റെയും അടിയുറച്ചവിശ്വാസത്തില്‍ സംപ്രീതനായ ദൈവം മകനുപകരം ആടിനെ ബലിനല്‍കിയാല്‍ മതിയെന്ന് അരുള്‍ ചെയ്തു. ആത്മത്യാഗത്തിന്റെ ഈ പാഠം ജീവിതത്തിലേക്ക് പകര്‍ത്താനാണ് വിശ്വാസികള്‍ പെരുന്നാള്‍ ആഘോഷിക്കുന്നത്. …
അവിട്ടപ്പിള്ളിയിൽ സ്വകാര്യ ബസ് കയറി വയോധിക മരിച്ചു. കുറ്റിച്ചിറ കൂർക്കമറ്റം നമ്പ്യാർ വീട് കുമാരൻ ഭാര്യ ശാന്ത (70) ആണ് മരിച്ചത്. ഇന്ന് രാവിലെയാണ് അപകടം. അവിട്ടപ്പിള്ളിയിലെ മരണ വീട്ടിലേക്ക് വന്ന ശാന്ത ബസിൽ നിന്നിറങ്ങുന്നതിനിടെ വീഴുകയായിരുന്നു. അതേ ബസ് മുന്നോട്ടെടുത്തപ്പോർ പിൻചക്രം തലയിലൂടെ കയറിയാണ് മരണം സംഭവിച്ചത്. മൃതദേഹം ചാലക്കുടി താലൂക്ക് ആശുപത്രിയിലേക്ക് മാറ്റി. വെള്ളിക്കുളങ്ങര പോലിസ് മേൽ നടപടി സ്വീകരിച്ചു
ബ്ലോക്ക് പഞ്ചായത്ത് പ്രസിഡന്റ് എം.ആര്‍. രഞ്ജിത്ത് അദ്ധ്യക്ഷത വഹിച്ചു. ബ്ലോക്ക് പഞ്ചായത്ത് വൈസ് പ്രസിഡന്റ് ഷീല മനോഹരന്‍, ആരോഗ്യ വിദ്യാഭ്യാസ സ്റ്റാന്റിംഗ് കമ്മറ്റി ചെയര്‍പേഴ്‌സണ്‍ സജിതാ രാജീവന്‍, ബ്ലോക്ക് അംഗങ്ങളായ ഇ.കെ. സദാശിവന്‍, പോള്‍സന്‍ തെക്കുംപീടിക, വി.കെ. മുകുന്ദന്‍, ടി.കെ. അസൈന്‍, ഷീല ജോര്‍ജ്ജ്, മിനി ഡെന്നി പനോക്കാരന്‍, ഹേമലത നന്ദകുമാര്‍, ബ്ലോക്ക് പഞ്ചായത്തിലെയും ഘടക സ്ഥാപനങ്ങളിലെയും ഉദ്യോഗസ്ഥര്‍ എന്നിവര്‍ ചടങ്ങില്‍ പങ്കെടുത്തു. ഇവിടെനിന്നും ലഭ്യമാകുന്ന കമ്പ്യൂട്ടര്‍ അധിഷ്ഠിത സേവനങ്ങള്‍ക്ക് അക്ഷയ കേന്ദ്രങ്ങള്‍ക്കായി സര്‍ക്കാര്‍ നിശ്ചയിച്ചിട്ടുള്ള നിരക്കുകള്‍ …
വ്യാജ സ്വര്‍ണ്ണം പണയം വച്ച് പണം വാങ്ങിയ മുന്‍ പൊലീസ് ഉദ്യോഗസ്ഥന്‍ പൊലീസ് കസ്റ്റഡിയില്‍. ചാലക്കുടി പോട്ടയില്‍ താമസിക്കുന്ന കാട്ടുമറ്റത്തില്‍ ശങ്കരന്റെ മകന്‍ മുന്‍ ഡിവൈഎസ്പി വിജയന്‍ (69)നെയാണ് കൊടകര പൊലീസ് വീട്ടില്‍ നിന്നും കസ്റ്റഡിയില്‍ എടുത്തത്. കൊടകര ഫാര്‍മേഴ്സ് സഹകരണ ബാങ്ക് അതികൃധരുടെ പരാതി അനുസരിച്ചായിരുന്നു പൊലീസ് നടപടി.10 മാസം 144.5 ഗ്രാം വ്യാജ സ്വര്‍ണ്ണം സഹകരണ ബാങ്കില്‍ പണയം വച്ച് 5,48,000 രൂപയാണ് പോലീസിലെ മുന്‍ ഡിവൈഎസ്പി യായ വിജയന്‍ കൈപ്പറ്റിയത്.
യൂണിയന്‍ ജില്ലാ പ്രസിഡന്റ് കോനിക്കര പ്രഭാകരന്‍ അധ്യക്ഷനായിരുന്നു. സംസ്ഥാന കമ്മിറ്റി അംഗം എ.സി. വേലായുധന്‍, ഏരിയ സെക്രട്ടറി എം.കെ. അശോകന്‍, എ.കെ. ബാലന്‍, എം.കെ. മോഹനന്‍, ടി.ആര്‍. ലാലു, എ. രാജീവ് എന്നിവര്‍ പ്രസംഗിച്ചു.
പുതുക്കാട് നിർത്തിയിട്ട ലോറിയിൽ ഇടിച്ച് നിയന്ത്രണംവിട്ട കണ്ടെയ്നർ ലോറി മറ്റൊരു ലോറിയുടെ മുകളിലേക്ക് മറിഞ്ഞു. അപകടത്തിൽ ആർക്കും പരിക്കില്ല.പുതുക്കാട് ദേശീയപാതയുടെ സർവീസ് റോഡിൽ പുലർച്ചെ മൂന്നരയോടെയായിരുന്നു അപകടം. കൊച്ചിയിൽ നിന്ന് കോയമ്പത്തൂരിലേക്ക് പോയ കണ്ടെയ്നർ ലോറിയാണ് അപകടത്തിൽപ്പെട്ടത്.നിർത്തിയിട്ട രണ്ട് ലോറികളിൽ ജീവനക്കാർ ഉറങ്ങുന്നുണ്ടായിരുന്നെങ്കിലും ഇവർ പരിക്കേൽക്കാതെ രക്ഷപ്പെട്ടു.
