കേന്ദ്രസര്ക്കാറിന്റെ തൊഴില് കോഡുകള്ക്കെതിരെ തൊഴിലാളി സംഘടനകളുടെ 24 മണിക്കൂര് ദേശീയ പണിമുടക്ക് പൂര്ണം. പണിമുടക്ക് ജനജീവിതത്തെ ബാധിച്ചു. പുതുക്കാട്, കൊടകര മേഖലയില് പണിമുടക്ക് ബന്ദിന് സമാനമായിരുന്നു.
കടകമ്പോളങ്ങള് അടഞ്ഞുകിടന്നു. കെഎസ്ആര്ടിസി, സ്വകാര്യ ബസ്, ഓട്ടോ ടാക്സി തൊഴിലാളികള് ഉള്പ്പെടെ സമരത്തില് പങ്കെടുക്കുന്നതിനാല് പൊതുഗതാഗതത്തെ ബാധിച്ചു. യാത്രാസൗകര്യം ഇല്ലാത്തതിനാല് യാത്രക്കാര് വലഞ്ഞു. പെട്രോള് പമ്പുകള് ചിലയിടങ്ങളില് മാത്രമാണ് തുറന്നത്. അവശ്യസര്വീസുകള് മാത്രമാണ് പ്രവര്ത്തിച്ചത്. മെഡിക്കല് സ്റ്റോറുകള് തുറന്നിരുന്നു. സ്വകാര്യ വാഹനങ്ങള് മാത്രമാണ് നിരത്തിലിറങ്ങിയത്. മേഖലയിലെ ഗവ. സ്ഥാപനങ്ങളുടെ പ്രവര്ത്തനവും ഭാഗികമായിരുന്നു. പൊതുഗതാഗതമാര്ഗങ്ങള് ഇല്ലാത്തതിനാല് മിക്ക വിദ്യാഭ്യാസ സ്ഥാപനങ്ങളും പ്രവര്ത്തിച്ചില്ല. സര്ക്കാര് ജീവനക്കാരുടെ ഇടത് യൂണിയനുകള് സമരത്തില് പങ്കാളികളായിട്ടുണ്ട്. പണിമുടക്കിനെ നേരിടാന് സര്ക്കാര് ഡയസ്നോണ് പ്രഖ്യാപിച്ചിട്ടുണ്ട്. മതിയായ …
