മാപ്രാണത്ത് ചായക്കടയില് ഇരിക്കുകയായിരുന്ന വയോധികനെ യുവാക്കള് മര്ദ്ദിച്ചു. ശനിയാഴ്ച ഉച്ചതിരിഞ്ഞാണ് സംഭവം. മാപ്രാണം ബ്ലോക്ക് ജംഗ്ഷനിലുള്ള ചായകടയില് ഇരിക്കുകയായിരുന്ന സമീപവാസിയായ കളപ്പുരയ്ക്കല് വീട്ടില് രാജന് എന്നയാളെയാണ് കടയില് എത്തിയ രണ്ട് യുവാക്കള് ചേര്ന്ന് മര്ദ്ദിച്ചത്. സിഗരറ്റ് ചോദിച്ച് എത്തിയ യുവാക്കള് സിഗററ്റ് ഇല്ല എന്ന മറുപടിയില് പ്രകോപിതരായാണ് കട ഉടമയെയും രാജന് നേരെയും അക്രമണം നടത്തിയതെന്നും ഇവര് ലഹരിയിലായിരുന്നുവെന്നും നാട്ടുകാര് പറഞ്ഞു. ആക്രമണത്തിനിടെ രാജന്റെ കഴുത്തിലെ മാല ഇവര് പൊട്ടിച്ചു. പിന്നിട് നാട്ടുക്കാരുടെ ഇടപെടലിലൂടെ ഏറെ നേരത്തെ ശ്രമഫലമായാണ് മാല തിരികെ ലഭിച്ചത്. ഇരിങ്ങാലക്കുട പൊലിസില് വിവരം അറിയിച്ചതിനെ തുടര്ന്ന് പൊലീസ് എത്തി ഇരുവരെയും കസ്റ്റഡിയില് എടുത്തു. മുന്പും സമാന രീതിയില് മാപ്രാണത്ത് ഹോട്ടലില് യുവാക്കളുടെ അക്രമണം ഉണ്ടായതായും വ്യാപാരികള്ക്ക് സംരക്ഷണം വേണമെന്നും വ്യാപാരി വ്യവസായി ഏകോപന സമിതി ആവശ്യപ്പെട്ടു.
ചായക്കടയില് ഇരിക്കുകയായിരുന്ന വയോധികനെ യുവാക്കള് മര്ദ്ദിച്ചു
