ആമ്പല്ലൂര് പോളിടെക്നിക് കോളേജിന് സമീപത്തെ ആളൊഴിഞ്ഞ വീട്ടില് നിന്ന് കാട്ടുപൂച്ചയെ പിടികൂടി. പ്രദേശത്ത് കഴിഞ്ഞ കുറച്ചുകാലമായി കോഴികള് ഉള്പ്പെടെയുള്ള വളര്ത്തുമൃഗങ്ങളെ കാണാതാകുന്നത് പതിവായതോടെ നാട്ടുകാര് നടത്തിയ അന്വേഷണത്തിലാണ് ആളൊഴിഞ്ഞ വീട്ടിനുള്ളില് കാട്ടുപൂച്ചയെ കണ്ടെത്തിയത്.
കാട്ടുപൂച്ചയാണെന്ന് തിരിച്ചറിഞ്ഞതോടെ ഭീതിയിലായ പ്രദേശവാസികള് പഞ്ചായത്ത് അംഗത്തെ വിവരം അറിയിച്ചു. തുടര്ന്ന് അനിമല് റെസ്ക്യൂവര്മാരായ ദിനേശ് ആമ്പല്ലൂര്, ലിജോമോന്, അജിത് എന്നിവരുടെ നേതൃത്വത്തില് കാട്ടുപൂച്ചയെ പിടികൂടാനുള്ള ശ്രമം ആരംഭിച്ചു. രണ്ടുദിവസം മുമ്പ് കെണി സ്ഥാപിച്ചെങ്കിലും കാട്ടുപൂച്ച അതില് കുടുങ്ങിയിരുന്നില്ല. പിന്നീട് പ്രദേശവാസികള്ക്ക് ഭീഷണിയാകാന് സാധ്യത കണക്കിലെടുത്ത് വല വിരിച്ച് നടത്തിയ ശ്രമത്തിലാണ് കാട്ടുപൂച്ചയെ സുരക്ഷിതമായി പിടികൂടിയത്. പിടികൂടിയ കാട്ടുപൂച്ചയെ പാലപ്പിള്ളി വനംവകുപ്പ് അധികൃതര്ക്ക് കൈമാറി.
