latest news

മറ്റത്തൂര്‍ മാങ്കുറ്റിപ്പാടത്ത് വീണ്ടും പുലിയെ കണ്ടതായി നാട്ടുകാര്‍. ടാപ്പിങ്ങ് തൊഴിലാളികളായ മാങ്കുറ്റിപാടം സ്വദേശിയായ മുരിയന്‍കോരിയില്‍ മോനച്ചനും കുടുംബവും ആണ് പുലികളെ കണ്ടത്. തിങ്കളാഴ്ച്ച പുലര്‍ച്ചെ ടാപ്പിംഗിനെത്തിയതാണ് മോനച്ചനും ഭാര്യയും മകനും അടങ്ങുന്ന തൊഴിലാളികളാണ് രണ്ടുപുലികളെ കണ്ടത്. കാവുങ്ങല്‍ ജോര്‍ജിന്റെ റബര്‍ തോട്ടത്തില്‍ ടാപ്പിങ്ങിന് എത്തിയതായിരുന്നു ഇവര്‍. പുലിയെ കണ്ട് ഭയന്ന് ടാപ്പിങ്ങ് നിര്‍ത്തി ഓടിപോവുകയായിരുന്നു ഇവര്‍. വനം വകുപ്പ് അധികൃതര്‍ എത്തി സ്ഥലത്ത് പുലിയെ നിരീക്ഷിക്കുന്നതിനായി ക്യാമറ സ്ഥാപിച്ചിട്ടുണ്ട്. കഴിഞ്ഞ പതിനഞ്ചാം തിയ്യതി സമീപത്തെ തോട്ടത്തില്‍ പട്ടിയെ

മറ്റത്തൂര്‍ പഞ്ചായത്തിലെ ചെമ്പുചിറയില്‍ പുലിയെ കണ്ടതായി നാട്ടുകാര്‍. ചെമ്പുചിറ ലക്ഷം വീട് പരിസരത്ത് എടത്താടന്‍ വാസു എന്നയാളുടെ വീടിനു പുറകു വശത്തെ പാടത്താണ് കഴിഞ്ഞ രാത്രി പുലിയെ കണ്ടതായി പറയുന്നത്. വിവരമറിയിച്ചതിനെ തുടര്‍ന്ന് വെള്ളിക്കുളങ്ങര റേഞ്ചിലെ വനപാലകര്‍ സ്ഥലത്തെത്തി പരിശോധന നടത്തി. പത്തു ദിവസം മുമ്പ് മറ്റത്തൂരിലെ മാങ്കുറ്റിപ്പാടം പ്രദേശത്ത് പുലിയിറങ്ങി വളര്‍ത്തു നായയെ കൊന്നിരുന്നു. തൊട്ടടുത്ത ദിവസം ചേലക്കാട്ടുകര പ്രദേശത്തും നാട്ടുകാര്‍ പുലിയെ കണ്ടതായി പറഞ്ഞിരുന്നു.