ഇലകരിച്ചിലും കടചീയലും മൂലം നശിച്ചുപോയ കാവല്ലൂര്‍ പാടശേഖരത്തിലെ കൃഷിയിടങ്ങള്‍ കാര്‍ഷിക സര്‍വ്വകലാശാലയിലെ വിദഗ്ദസംഘം സന്ദര്‍ശിച്ചു.
മണ്ണ് ശാസ്ത്ര വിഭാഗം അസി. പ്രൊഫസര്‍ എം.ആര്‍. മായാദേവിയുടെ നേതൃത്വത്തിലുള്ള സംഘമാണ് സന്ദര്‍ശനം നടത്തിയത്. കാവല്ലൂര്‍ പാടശേഖരത്ത് ബാധിച്ചത് കുമിള്‍ രോഗവും, ബാക്ടീരിയയുമാണെന്ന് പ്രാഥമിക പരിശോധനയില്‍ മനസിലായതെന്ന് അസി. പ്രൊഫസര്‍ എം.ആര്‍. മായാദേവി അഭിപ്രായപ്പെട്ടു. മണ്ണില്‍ ചിലയിടങ്ങളില്‍ പൊട്ടാഷ്യം, കുമ്മായം എന്നിവയുടെ കുറവുണ്ട്. ആയതിനാല്‍ വിശദമായ പരിശോധനകള്‍ ആവശ്യമാണ്. മണ്ണ് പരിശോധനയ്ക്കുള്ള സാമ്പിളുകള്‍ അടിയന്തരമായി കൃഷിഭവനുകളില്‍ എത്തിക്കാന്‍ നിര്‍ദേശം നല്‍കിയതായും അവര്‍ പറഞ്ഞു.നെല്ലില്‍ വിഷാംശം കലര്‍ന്നിട്ടോ എന്നറിയാന്‍ പ്രത്യേക പരിശോധനയ്ക്ക് വിധേയമാക്കുമെന്നും ഉദ്യോഗസ്ഥര്‍ അറിയിച്ചു. പാത്തോളജി വിഭാഗം …
