സംസ്ഥാനത്തെ പാലം വികസനങ്ങളില്‍ അഞ്ചുവര്‍ഷംകൊണ്ട് പൂര്‍ത്തീകരിക്കാന്‍ ലക്ഷ്യമിട്ടത് മൂന്നു വര്‍ഷത്തിനുള്ളില്‍ പൂര്‍ത്തീകരണത്തിലേക്ക് അടുക്കുകയാണെന്ന് പൊതുമരാമത്ത് മന്ത്രി പി.എ. മുഹമ്മദ് റിയാസ്
പുതുക്കാട് ചെറുവാള്‍ റോഡിലെ കേളിതോടിന് കുറുകെയുള്ള കേളിത്തോട് പാലത്തിന്റെ ഉദ്ഘാടനം ഓണ്‍ലൈനായി നിര്‍വഹിച്ച് സംസാരിക്കുകയായിരുന്നു മന്ത്രി. അഞ്ചുവര്‍ഷംകൊണ്ട് സംസ്ഥാനത്തുടനീളമായി നൂറു പാലങ്ങളുടെ നിര്‍മ്മാണമാണ് ലക്ഷ്യം വെച്ചത്. മൂന്നുവര്‍ഷം പൂര്‍ത്തീകരിക്കുമ്പോള്‍ തന്നെ ലക്ഷ്യപദത്തിലേയ്ക്ക് എത്തുകയാണ്. പശ്ചാത്തല വികസനത്തില്‍ പാലം നിര്‍മാണത്തിനുള്ള പങ്ക് വളരെ വലുതാണ്. പാലം നിര്‍മ്മാണത്തില്‍ എല്ലാമാസവും തുടര്‍ന്നുപോരുന്ന പരിശോധനകള്‍, അവലോകനങ്ങള്‍, പ്രശ്‌നപരിഹാരങ്ങള്‍ എന്നിവയാണ് സമയബന്ധിതമായി ലക്ഷ്യപ്രാപ്തിയില്‍ എത്തിക്കാന്‍ സഹായകരമായതെന്നും മന്ത്രി കൂട്ടിച്ചേര്‍ത്തു. കേളിത്തോട് പാലത്തിനു സമീപം നടന്ന ഉദ്ഘാടന പരിപാടിയില്‍ കെ.കെ. രാമചന്ദ്രന്‍ എംഎല്‍എ അധ്യക്ഷത …
