മറ്റത്തൂര്‍ പഞ്ചായത്തിലെ വാസുപുരത്ത് റോഡരുകില്‍ സൂക്ഷിച്ചിട്ടുള്ള അജൈവമാലിന്യങ്ങള്‍ നീക്കം ചെയ്യണമെന്ന് ആവശ്യമുയരുന്നു
വാസുപുരം ചെമ്പുച്ചിറ റോഡരുകില്‍ നിര്‍മിച്ചിട്ടുള്ള മിനി എം സി എഫിലും പരിസരത്തുമായാണ് മാസങ്ങളായി മാലിന്യചാക്കുകള്‍ കൂടിക്കിടക്കുന്നത്. ഹരിത കര്‍മസേന വീടുകളില്‍ നിന്ന് ശേഖരിക്കുന്ന മാലിന്യങ്ങളാണ് ചാക്കുകളിലാക്കി മിനി എംസിഎഫിനുള്ളില്‍ സൂക്ഷിച്ചിട്ടുള്ളത്. ഇതി നിറഞ്ഞതോടെ പുതിയതായി ശേഖരിക്കുന്ന മാലിന്യങ്ങള്‍ ചാക്കുകളിലാക്കി പുറത്ത് റോഡരുകിലാണ് അടുക്കി വെച്ചിട്ടുള്ളത്. സ്വകാര്യ വ്യക്തികള്‍ അനധികൃതമായി ഇവിടെ മാലിന്യം കൊണ്ടുവന്നു തള്ളുന്നതായും പരാതിയുണ്ട്.
