പറപ്പൂക്കര മുത്രത്തിക്കര അക്കാളിപ്പറമ്പില്‍ അപ്പു മകന്‍ അനീഷ് (39) അന്തരിച്ചു.
സംസ്‌ക്കാരം ഇന്ന് വൈകീട്ട് 3ന് ഇരിഞ്ഞാലക്കുട എസ്എന്‍ മുക്തിസ്ഥാനില്‍. ഭാര്യ- രേഷ്മ, മക്കള്‍ : അഞ്ജന, ഐശാനി
പൊലിമ പുതുക്കാട് പദ്ധതിയുടെ ഭാഗമായി ഇറക്കിയ കൃഷിയുടെ പറപ്പൂക്കര പഞ്ചായത്ത് തല വിളവെടുപ്പ് നടത്തി.
മുളങ്ങില്‍ നടന്ന വിളവെടുപ്പ് കെ.കെ. രാമചന്ദ്രന്‍ എംഎല്‍എ ഉദ്ഘാടനം ചെയ്തു. പഞ്ചായത്ത് പ്രസിഡന്റ് ഇ.കെ. അനൂപ് അധ്യക്ഷത വഹിച്ചു. പഞ്ചായത്ത് അംഗം ദിനേഷ് വെള്ളപ്പാടി, കുടുംബശ്രീ സിഡിഎസ് ചെയര്‍പേഴ്‌സണ്‍ സരിത തിലകന്‍, സിഡിഎസ് അംഗം രമ്യ ഷൈജു എന്നിവര്‍ പ്രസംഗിച്ചു. കോളിഫ്‌ളവര്‍, തക്കാളി, ചീര, പയര്‍, വെണ്ട എന്നിവയാണ് വിളവെടുത്തത്. പുതുക്കാട് മണ്ഡലത്തില്‍ 40,000 വനിതകളെ കൃഷിയിലേക്ക് ഇറക്കുന്നതിനായി ആവിഷ്‌കരിച്ച പദ്ധതിയാമ് പൊലിമ പുതുക്കാട്.
പാലപ്പിള്ളി കാരികുളം പിള്ളത്തോട് ജനവാസ മേഖലയില്‍ പകല്‍ സമയത്ത് കാട്ടാനക്കൂട്ടമിറങ്ങി ഭീതി പരത്തി.
ഇരുപതോളം ആനകളാണ് ഞായറാഴ്ച രാവിലെ പത്തുമണിയോടെ പ്രദേശത്ത് ഇറങ്ങിയത്. കാരികുളത്ത് വീട്ടുപറമ്പുകളില്‍ നിലയുറപ്പിച്ച കാട്ടാനക്കൂട്ടത്തെ കണ്ട് വീട്ടുകാര്‍ ഓടിരക്ഷപ്പെട്ടു. നാട്ടുകാര്‍ ഒത്തുകൂടി പടക്കം പൊട്ടിച്ചും പാട്ടകൊട്ടിയും ആനകളെ തുരത്താന്‍ ശ്രമിച്ചെങ്കിലും ഫലമുണ്ടായില്ല. പിന്നീട് റബ്ബര്‍ തോട്ടത്തില്‍ കയറിയ ആനകള്‍ പിള്ളത്തോട് ഭാഗത്ത് റോഡ് മുറിച്ചുകടന്നാണ് നടാപാടം ഭാഗത്തെ കാട്ടിലേക്ക് പോയത്. വനപാലകരും പഞ്ചായത്തംഗം എം.ബി. ജലാലും നാട്ടുകാരും ചേര്‍ന്നാണ് ജനവാസ മേഖലയില്‍ നിന്ന് ആനകളെ കാട്ടിലേക്ക് തുരത്തിയത്. കഴിഞ്ഞ ദിവസം രാത്രിയില്‍ എത്തിയ കാട്ടാനക്കൂട്ടം ജനവാസ മേഖലയിലാണ് …
വരാക്കര ഭഗവതി ക്ഷേത്രത്തിലെ പൂരത്തിന് കൊടിയേറി. ക്ഷേത്രം തന്ത്രി ടി.എസ്.വിജയന്‍ കാരുമാത്ര കൊടിയേറ്റ് കര്‍മ്മം നിര്‍വ്വഹിച്ചു.
മേല്‍ശാന്തി സി.എന്‍. വത്സന്‍, ശാന്തിമാരായ കെ.ജി. സജീവന്‍, പി.വി. അശോക് കുമാര്‍ എന്നിവര്‍ സഹകാര്‍മ്മികരായി. ജനുവരി 14നാണ് പ്രസിദ്ധമായ വരാക്കര പൂരം. കൊടിയേറ്റം മുതല്‍ ഉത്സവ ദിവസം വരെ വിവിധ കരയോഗങ്ങളുടെ നേതൃത്വത്തില്‍ കലാപരിപാടികള്‍ അരങ്ങേറും. 20 പൂര സെറ്റ് കരയോഗങ്ങളുടെ സഹകരണത്തോടെയാണ് വരാക്കര പൂരം ആഘോഷിക്കുന്നത്. ക്ഷേത്ര യോഗം ഭാരവാഹികളായ സി.എം. സോമന്‍, പി.കെ. ഹരിദാസ്, സി.ആര്‍. രാജന്‍, കെ.വി. സുരേഷ്, കെ.ഡി. ഹരിദാസ്, സി.എസ്. സുനേഷ്, കെ.കെ. ശ്രീനിവാസന്‍ എന്നിവര്‍ കൊടിയേറ്റ ചടങ്ങുകള്‍ക്ക് നേതൃത്വം …
പാലപ്പിള്ളി എച്ചിപ്പാറ റോഡില്‍ തിങ്കളാഴ്ച മുതല്‍ ഭാഗികമായി ഗതാഗതം നിയന്ത്രണം
പാലപ്പിള്ളി എച്ചിപ്പാറ റോഡില്‍ ബിഎം ബിസി പ്രവര്‍ത്തികള്‍ ആരംഭിക്കുന്നതിനാല്‍ തിങ്കളാഴ്ച മുതല്‍ പണി പൂര്‍ത്തീകരിക്കുന്നതുവരെ ഈ റോഡില്‍ ഭാഗികമായി ഗതാഗതം നിയന്ത്രണമേര്‍പ്പെടുത്തിയതായി അസി. എഞ്ചിനീയര്‍ അറിയിച്ചു.
മറ്റത്തൂര്‍ പഞ്ചായത്തിനെ സീറോ ബഫര്‍ സോണ്‍ പ്രദേശമായി പ്രഖ്യാപിക്കണമെന്നാവശ്യപ്പെട്ട് വെള്ളിക്കുളങ്ങര മണ്ഡലം കോണ്‍ഗ്രസ് കമ്മിറ്റിയുടെ നേതൃത്വത്തില്‍ കോടാലി സെന്ററില്‍ ജനകീയ സദസ്സ് സംഘടിപ്പിച്ചു.
കെപിസിസി സെക്രട്ടറി സുനില്‍ അന്തിക്കാട് ഉദ്ഘാടനം ചെയ്തു. മണ്ഡലം പ്രസിഡന്റ് ഷാഫി കല്ലുപറമ്പില്‍ അദ്ധ്യക്ഷത വഹിച്ചു. ഡിസിസി ജനറല്‍ സെക്രട്ടറി ടി.എം. ചന്ദ്രന്‍, പഞ്ചായത്ത് അംഗം കെ.എസ്. സൂരജ്, മോളി തോമസ്, ഗോപാലകൃഷ്ണന്‍ മാടപ്പാട്ട്, ഇ.എം. ഉമ്മര്‍, ലിജോ ജോണ്‍, ലിനോ മൈക്കിള്‍, ബൈജു ഇഞ്ചക്കുണ്ട്, പി.സി. വേലായുധന്‍, തങ്കമണി മോഹനന്‍, തങ്കച്ചന്‍ എടത്തിനാല്‍ എന്നിവര്‍ പ്രസംഗിച്ചു. , ബഫര്‍സോണ്‍ വിഷയത്തില്‍ ജനങ്ങളുടെ ആശങ്കകള്‍ ദൂരീകരിക്കണമെന്നും കോണ്‍ഗ്രസ് കമ്മിറ്റി ഭാരവാഹികള്‍ ആവശ്യപ്പെട്ടു.
വാസുപുരം സെന്റ് ആന്റണീസ് ദേവാലയത്തിലെ വി. സെബസ്റ്റ്യാനോസിന്റെ തിരുനാളിന് കൊടിയേറി.
ഫാ. ജോണ്‍ തെക്കേത്തല കൊടിയേറ്റം നടത്തി. ശനി, ഞായര്‍ ദിവസങ്ങളിലായാണ് തിരുനാളാഘോഷങ്ങള്‍ നടക്കുന്നത്. ഞായറാഴ്ച നടക്കുന്ന തിരുനാള്‍ പാട്ടുകുര്‍ബാനക്ക് ഫാ. സിബു കള്ളാപറമ്പില്‍ കാര്‍മ്മികത്വം വഹിക്കും.
ലെയ്ന്‍ ട്രാഫിക് തെറ്റിക്കുന്നവരെ കണ്ടെത്താന്‍ മോട്ടോര്‍ വാഹന വകുപ്പിന്റെ വ്യാപക പരിശോധന.
സംസ്ഥാനത്ത് ലൈന്‍ ട്രാഫിക്ക് കണ്‍ട്രോള്‍ സിസ്റ്റം നടപ്പിലാക്കി മോട്ടോര്‍ വാഹനവകുപ്പ്. ഒരേ ദിശയില്‍ പോകുന്ന വാഹനങ്ങള്‍ മുന്നറിയിപ്പുകളോ സിഗ്നലുകളോ ഇല്ലാതെ ഇടത്തേക്കോ വലത്തേക്കോ കയറിയാല്‍ ഇനി മുതല്‍ പിഴ ഈടാക്കും. ആദ്യ ഘട്ടത്തില്‍ ബോധവത്ക്കരണവും തുടര്‍ന്ന് നടപടിയുമാണ് മോട്ടോര്‍ വാഹനവകുപ്പ് ലക്ഷ്യമിടുന്നത്. ദിശ തെറ്റിച്ചാല്‍ ഇനി മുതല്‍ വാഹന യാത്രക്കാരെ കാത്തിരിക്കുന്നത് കര്‍ശന നടപടികളാണ്. ഓരേ ദിശയില്‍ പോകുന്ന വാഹനങ്ങള്‍ മുന്നറിയിപ്പുകളില്ലാതെ അലക്ഷ്യമായി ഇടത്തേക്കും വലത്തേക്കും തിരിയുന്നത് നിരവധി വാഹനാപകടങ്ങള്‍ക്ക് കാരണമാകുന്നുണ്ട്. ഈ പശ്ചാത്തലത്തിലാണ് മോട്ടോര്‍ വാഹനവകുപ്പും …
ചെങ്ങാലൂർ : രണ്ടാംകല്ല് കോബാത്ത് സുധാകരൻ ഭാര്യ മണി (69) അന്തരിച്ചു.
സംസ്കാരം ഇന്ന്( 06.01.2023) ഉച്ചതിരിഞ്ഞ് 4 മണിക്ക്
മുഖ്യമന്ത്രിയുടെ തദ്ദേശീയ റോഡ് പുനരുദ്ധാരണ പദ്ധതിയില്‍ ഉള്‍പ്പെടുത്തി നവീകരിക്കുന്ന പുലക്കാട്ടുകര ഷട്ടര്‍ പാലം മഠം റോഡിന്റെ നിര്‍മ്മാണോദ്ഘാടനം കെ.കെ. രാമചന്ദ്രന്‍ എംഎല്‍എ നിര്‍വഹിച്ചു.
തൃക്കൂര്‍ പഞ്ചായത്ത് പ്രസിഡന്റ് സൈമണ്‍ നമ്പാടന്‍ അദ്ധ്യക്ഷത വഹിച്ചു. ജില്ലാ പഞ്ചായത്ത് അംഗം ജോസഫ് ടാജറ്റ് മുഖ്യാതിഥിയായി. ബ്ലോക്ക് പഞ്ചായത്ത് അംഗം പോള്‍സണ്‍ തെക്കുംപീടിക, വൈസ് പ്രസിഡന്റ് ഹേമലത സുകുമാരന്‍, പഞ്ചായത്തംഗങ്ങളായ സലീഷ് ചെമ്പാറ, അനു പനംങ്കൂടന്‍, കപില്‍രാജ്, മോഹനന്‍ തൊഴുക്കാട്ട്, കെ.കെ. സലീഷ് എന്നിവര്‍ പ്രസംഗിച്ചു. രണ്ടാംഘട്ട നിര്‍മ്മാണത്തിനായി 43 ലക്ഷം രൂപ അനുവദിച്ചതായും ആയതിന് ഭരണാനുമതി ലഭിച്ചതായും എംഎല്‍എ അറിയിച്ചു. 30 ലക്ഷം രൂപ ചിലവിലാണ് റോഡ് നവീകരണ പ്രവര്‍ത്തികള്‍ നടക്കുന്നത്
വരന്തരപ്പിള്ളി വേപ്പൂരില്‍ ആളൊഴിഞ്ഞ പറമ്പില്‍ ചാരായം വാറ്റുന്നതിനിടെ 150 ലിറ്റര്‍ വാഷും വാറ്റുപകരണങ്ങളുമായി ഒരാളെ എക്‌സൈസ് സംഘം പിടികൂടി.
. വേപ്പൂര്‍ കാട്ടുപറമ്പന്‍ വേലായുധനെയാണ് അറസ്റ്റ് ചെയ്തത്. കൂടെയുണ്ടായിരുന്ന കളരിക്കല്‍ സോമന്‍ ഓടിരക്ഷപ്പെട്ടു.ബുധനാഴ്ച്ച വൈകിട്ടായിരുന്നു സംഭവം. ഇരിങ്ങാലക്കുട എക്‌സൈസ് ഇന്‍സ്‌പെക്ടര്‍ കെ.എ. അനീഷിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. പ്രിവെന്റീവ് ഓഫീസര്‍മാരായ എം.ഒ.അബ്ദുഗലീല്‍, സി.ബി. ജോഷി, പി.കെ. ഷെന്നി, സിവില്‍ എക്‌സൈസ് ഓഫീസര്‍മാരായ എം.പി. ജീവേഷ് , ഐ.വി.സാബു, ശ്യാമ ലത എന്നിവരും സംഘത്തിലുണ്ടായിരുന്നു.
കേരള സ്റ്റേറ്റ് കര്‍ഷക തൊഴിലാളി ഫെഡറേഷന്‍ ബികെഎംയു ജില്ലാ സമ്മേനത്തിന്റെ പ്രചാരണ ലോഗോ ബികെഎംയു സംസ്ഥാന പ്രസിഡന്റ് എ.കെ.ചന്ദ്രനും സെക്രട്ടറി പി.കെ. കൃഷ്ണനും ചേര്‍ന്ന് പ്രകാശനം ചെയ്തു.
സ്വാഗത സംഘം ചെയര്‍മാന്‍ വി.എസ്. പ്രിന്‍സ് അധ്യക്ഷത വഹിച്ചു. സി.സി. മുകുന്ദന്‍ എംഎല്‍എ, ബികെഎംയു സംസ്ഥാന എക്‌സിക്യൂട്ടീവംഗം രജനി കരുണാകരന്‍, സിപിഐ മണ്ഡലം സെക്രട്ടറി പി.കെ. ശേഖരന്‍, അസി. സെക്രട്ടറി സി.യു. പ്രിയന്‍, കെ.കെ. സുധീര്‍, സി.യു. അബൂബക്കര്‍ തുടങ്ങിയവര്‍ പ്രസംഗിച്ചു. ജനുവരി 21, 22 തിയ്യതികളില്‍ ആമ്പല്ലൂരിലാണ് സമ്മേളനം നടക്കുന്നത്.
ചര്‍മ്മമുഴ രോഗം പടര്‍ന്നു പിടിക്കുന്ന സാഹചര്യത്തില്‍ വരന്തരപ്പിള്ളി പഞ്ചായത്തിന്റെ വിവിധ ഭാഗങ്ങളിലായി നൂറ് കന്നുകാലികള്‍ക്ക് പ്രതിരോധ വാക്‌സിന്‍ കുത്തിവെപ്പ് നടത്തി.
പാലപ്പിള്ളി മേഖലയില്‍ വൈറസ് ബാധയേല്‍ക്കാത്ത പശുക്കളിലാണ് കുത്തിവെപ്പ് നടത്തിയത്. ഉടമസ്ഥരില്ലാതെ തോട്ടങ്ങളില്‍ അലഞ്ഞുനടക്കുന്ന ഇവയെ പിടിച്ചുകെട്ടിയാണ് വാക്‌സിന്‍ നല്‍കിയത്. വരന്തരപ്പിള്ളി വെറ്റിനറി ഡോക്ടര്‍ ദേവിയുടെ നേതൃത്വത്തിലുള്ള സംഘമാണ് കുത്തിവെപ്പ് നടത്തിയത്. വേലൂപ്പാടം, പാലപ്പിള്ളി മൈസൂര്‍ എന്നിവിടങ്ങളിലും പശുക്കള്‍ക്ക് വാക്‌സിന്‍ നല്‍കി.
കേരള സ്റ്റേറ്റ് പെന്‍ഷനേഴ്‌സ് യൂണിയന്‍ മറ്റത്തൂര്‍ യൂണിറ്റിന്റെ കുടുംബസംഗമം അവിട്ടപ്പിള്ളിയില്‍ സംഘടിപ്പിച്ചു.
കുടുംബസംഗമം ജില്ലാ ട്രഷറര്‍ കെ.എ. ശിവരാമന്‍ ഉദ്ഘാടനം ചെയ്തു. ടി. ബാലകൃഷ്ണമേനോന്‍ അധ്യക്ഷത വഹിച്ചു. 80 വയസ് കഴിഞ്ഞ അംഗങ്ങളെ ബ്ലോക്ക് ജോയിന്റ് സെക്രട്ടറി കെ.വി. രാമകൃഷ്ണന്‍ പൊന്നാട അണിയിച്ച് ആദരിച്ചു. പുതിയ അംഗങ്ങള്‍ക്ക് സ്വീകരണം നല്‍കി. ജില്ലാ കമ്മറ്റി അംഗം സി.ടി. ത്രേസ്യ, ടി.വി. വേലായുധന്‍, ഐ.ആര്‍. ബാലകൃഷ്ണന്‍, ഒ.ആര്‍. നാരായണന്‍കുട്ടി, ടി. ഹരിദാസന്‍ മുല്ലപ്പിള്ളി. ഗിരിജ, വള്ളിയമ്മ മാധവന്‍ എന്നിവര്‍ പ്രസംഗിച്ചു.
മറ്റത്തൂര്‍ പഞ്ചായത്തിലെ 16-ാം വാര്‍ഡിലെ കുഞ്ഞാലിപാറ ഭഗവതിക്ഷേത്രം പാലം നാടിന് സമര്‍പ്പിച്ചു.
പാലത്തിന്റെ ഉദ്ഘാടനം ഗ്രാമപഞ്ചായത്ത് പ്രസിഡന്റ് അശ്വതി വിബി നിര്‍വ്വഹിച്ചു. പഞ്ചായത്തംഗം എം.എസ്. സുമേഷ് അദ്ധ്യക്ഷനായി. എഇ പി.കെ. അജയ്കുമാര്‍, എം.എം. കൃഷ്ണപ്രിയ, പി.കെ. സുരേന്ദ്രന്‍, എം.എ. വര്‍ഗീസ്, വിജിത് വര്‍ഗ്ഗീസ്, യു.കെ. മല്ലിക എന്നിവര്‍ പ്രസംഗിച്ചു. 12,30,000 രൂപ ചെലവഴിച്ചാണ് പാലം നിര്‍മിച്ചത്.
മറ്റൊരു കുടുംബാംഗത്തിന്റെ സഹായത്തോടെ ആധാറിലെ മേല്‍വിലാസം ആധാര്‍ പോര്‍ട്ടല്‍ വഴി അപ്‌ഡേറ്റ് ചെയ്യാം.
വിലാസം അപ്‌ഡേറ്റ് ചെയ്യാന്‍ നിലവില്‍ പുതിയ മേല്‍വിലാസം തെളിയിക്കുന്ന രേഖ നിര്‍ബന്ധമാണ്. അത്തരം രേഖകളില്ലാത്ത വ്യക്തിക്കും മറ്റൊരു കുടുംബാംഗത്തിന്റെ സഹായത്തോടെ വിലാസം അപ്‌ഡേറ്റ് ചെയ്യാം. ഓണ്‍ലൈന്‍ ആധാര്‍ സേവനത്തിലെ ‘ഹെഡ് ഓഫ് ഫാമിലി’ അധിഷ്ഠിത അപ്‌ഡേഷന്‍ സൗകര്യമാണ് ഇതിന് ഉപയോഗിക്കേണ്ടത്. 50 രൂപയാണ് അപേക്ഷാ ഫീസ്. ഇരുവരും തമ്മിലുള്ള ബന്ധം തെളിയിക്കുന്ന റേഷന്‍ കാര്‍ഡ്, വിവാഹ സര്‍ട്ടിഫിക്കറ്റ്, പാസ്‌പോര്‍ട്ട് തുടങ്ങിയ രേഖകളിലൊന്ന് സമര്‍പ്പിക്കണം. ഒടിപി അടിസ്ഥാനമാക്കിയാകും ഈ സൗകര്യം ലഭ്യമാകുക. ഒരാള്‍ക്ക് പേര് രണ്ട് തവണയും ജെന്‍ഡര്‍ …
ജനവാസ മേഖലകളെ പൂര്‍ണ്ണമായും ബഫര്‍സോണില്‍ നിന്നും ഒഴിവാക്കാനുള്ള നിര്‍ദ്ദേശം നല്‍കണമെന്നാവശ്യപ്പെട്ട് യൂത്ത് കോണ്‍ഗ്രസ് മറ്റത്തൂര്‍ മണ്ഡലം കമ്മിറ്റിയുടെ നേതൃത്വത്തില്‍ ബഫര്‍സോണ്‍ മാപ്പില്‍ കരിഓയില്‍ ഒഴിച്ച് പ്രതിഷേധിച്ചു
ബഫര്‍സോണ്‍ വിഷയത്തില്‍ പഞ്ചായത്ത് മൗനത്തിലാണെന്നും യൂത്ത് കോണ്‍ഗ്രസ് കുറ്റപ്പെടുത്തി. ഡിസിസി ജനറല്‍ സെക്രട്ടറി ടി.എം. ചന്ദ്രന്‍ ഉദ്ഘാടനം ചെയ്തു. യൂത്ത് കോണ്‍ഗ്രസ് മണ്ഡലം പ്രസിഡന്റ് ലിനോ മൈക്കിള്‍ അധ്യക്ഷത വഹിച്ചു. യൂത്ത് കോണ്‍ഗ്രസ് നിയോജക മണ്ഡലം പ്രസിഡന്റ് ലിന്റോ പള്ളിപറമ്പന്‍ വിശദീകരണ പ്രഭാഷണം നടത്തി. കോണ്‍ഗ്രസ് വെള്ളിക്കുളങ്ങര മണ്ഡലം പ്രസിഡന്റ് ഷാഫി കല്ലൂപറമ്പില്‍, ന്യൂനപക്ഷ കോണ്‍ഗ്രസ് സംസ്ഥാന കമ്മിറ്റി അംഗം എ.എം. ബിജു, പഞ്ചായത്ത് അംഗങ്ങളായ സൂരജ് കുണ്ടനി, ഷൈനി ബാബു, യൂത്ത് കോണ്‍ഗ്രസ് നിയോജക മണ്ഡലം …
വേതന കുടിശിക ഉടന്‍ വിതരണം ചെയ്യണമെന്നാവശ്യപ്പെട്ട് കേരള സ്റ്റേറ്റ് ഫോറസ്റ്റ് വര്‍ക്കേഴ്‌സ് യൂണിയന്‍ ചാലക്കുടി ഫോറസ്റ്റ് ഓഫീസിന് മുന്നില്‍ ഏകദിന സത്യാഗ്രഹ സമരം നടത്തി.
ജില്ലായൂണിയന്‍ പ്രസിഡന്റ് കെ.ജി. ശിവാനന്ദന്‍ ഉദ്ഘാടനം ചെയ്തു. ചാലക്കുടി ഡിവിഷന്‍ കമ്മിറ്റി പ്രസിഡന്റ് ടി.ആര്‍. ബാബു അധ്യക്ഷത വഹിച്ചു. സെക്രട്ടറി എം.സി. രാജഗോപാല്‍, പി.സി. രാമകൃഷ്ണന്‍, രാധാകൃഷ്ണന്‍, ജയശങ്കര്‍, പി. ശ്രീകുമാര്‍ എന്നിവര്‍ പ്രസംഗിച്ചു. ചാലക്കുടി ഡിവിഷനിലെ വെള്ളിക്കുളങ്ങര, പാലപ്പിള്ളി, പരിയാരം റേഞ്ചുകളില്‍ സെപ്റ്റംബര്‍ മുതലുള്ള വേതനം കുടിശികയാണെന്നും ഉത്സവബത്തയും ലഭ്യമായിട്ടില്ലെന്നും കേരള സ്റ്റേറ്റ് ഫോറസ്റ്റ് വര്‍ക്കേഴ്‌സ് യൂണിയന്‍ ഭാരവാഹികള്‍ പറഞ്ഞു. സമരത്തെ തുടര്‍ന്ന് ഡിഎഫ്ഒ, ഭാരവാഹികളുമായി നടത്തിയ ചര്‍ച്ചയെ തുടര്‍ന്ന് കുടിശിക ഉടന്‍ വിതരണം ചെയ്യാനുള്ള …
കൊരേച്ചാല്‍ ദുര്‍ഗ്ഗ കിരാത പാര്‍വ്വതി ക്ഷേത്രത്തിലെ തൃക്കാര്‍ത്തിക മഹോത്സവം ആഘോഷിച്ചു.
രാവിലെ ക്ഷേത്രം തന്ത്രിയുടെ കാര്‍മ്മികത്വത്തില്‍ മഹാ ഗണപതി ഹോമം നടന്നു. തുടര്‍ന്ന് ശ്രീഭൂതബലിക്ക് ശേഷം പഞ്ചവാദ്യത്തിന്റെ അകമ്പടിയോടെ പുറത്തേക്കെഴുന്നള്ളിപ്പ് നടന്നു. ഉച്ചതിരിഞ്ഞ് 9 കരയോഗങ്ങളില്‍ നിന്നെത്തിയ ഗജവീരന്‍മാരെ അണിനിരത്തി പാണ്ടിമേളത്തിന്റെ അകമ്പടിയോടെ കാഴ്ച്ചശീവേലി നടന്നു. വൈകീട്ട് തായമ്പക, വിവിധ ദേശങ്ങളില്‍ നിന്നെത്തിയ താലവരവ് എന്നിവയും ഉണ്ടായി. രാത്രി അത്താഴപൂജയ്ക്ക് ശേഷം പഞ്ചാരിമേളത്തോടെ വിളക്കിനെഴുന്നള്ളിപ്പ് നടന്നു.
മറ്റത്തൂര്‍ ഗ്രാമപഞ്ചായത്തിലെ മാങ്കുറ്റിപ്പാടം പാടശേഖരത്തില്‍ ആറുവര്‍ഷങ്ങള്‍ക്കു ശേഷം വീണ്ടും കൃഷിയിറക്കുന്നു.
തരിശുനില കൃഷിയുടെ ഉദ്ഘാടനം കെ.കെ. രാമചന്ദ്രന്‍ എംഎല്‍എ നിര്‍വ്വഹിച്ചു. പഞ്ചായത്ത് പ്രസിഡന്റ് അശ്വതി വിബി അദ്ധ്യക്ഷത വഹിച്ചു. വൈസ് പ്രസിഡന്റ് കെ.വി. ഉണ്ണികൃഷ്ണന്‍, കൃഷി ഓഫീസര്‍ എം.പി. ഉണ്ണികൃഷ്ണന്‍, പഞ്ചായത്ത് അംഗങ്ങളായ ശിവരാമന്‍ പോതിയില്‍, സനല ഉണ്ണികൃഷ്ണന്‍, വി.എസ്. നിജില്‍, ദിവ്യ സുധീഷ്, കെ.ആര്‍. ഔസേപ്പ്, ഹിതേഷ്, ശാലിനി, ഗ്രീഷ്മ, പാടശേഖര പ്രസിഡന്റ് വിജയലക്ഷ്മി എന്നിവര്‍ പ്രസംഗിച്ചു