Local News

 ജില്ലായൂണിയന്‍ പ്രസിഡന്റ് കെ.ജി. ശിവാനന്ദന്‍ ഉദ്ഘാടനം ചെയ്തു. ചാലക്കുടി ഡിവിഷന്‍ കമ്മിറ്റി പ്രസിഡന്റ് ടി.ആര്‍. ബാബു അധ്യക്ഷത വഹിച്ചു. സെക്രട്ടറി എം.സി. രാജഗോപാല്‍, പി.സി. രാമകൃഷ്ണന്‍, രാധാകൃഷ്ണന്‍, ജയശങ്കര്‍, പി. ശ്രീകുമാര്‍ എന്നിവര്‍ പ്രസംഗിച്ചു. ചാലക്കുടി ഡിവിഷനിലെ വെള്ളിക്കുളങ്ങര, പാലപ്പിള്ളി, പരിയാരം റേഞ്ചുകളില്‍ സെപ്റ്റംബര്‍ മുതലുള്ള വേതനം കുടിശികയാണെന്നും ഉത്സവബത്തയും ലഭ്യമായിട്ടില്ലെന്നും കേരള സ്റ്റേറ്റ് ഫോറസ്റ്റ് വര്‍ക്കേഴ്‌സ് യൂണിയന്‍ ഭാരവാഹികള്‍ പറഞ്ഞു. സമരത്തെ തുടര്‍ന്ന് ഡിഎഫ്ഒ, ഭാരവാഹികളുമായി നടത്തിയ ചര്‍ച്ചയെ തുടര്‍ന്ന് കുടിശിക ഉടന്‍ വിതരണം ചെയ്യാനുള്ള …

വേതന കുടിശിക ഉടന്‍ വിതരണം ചെയ്യണമെന്നാവശ്യപ്പെട്ട് കേരള സ്റ്റേറ്റ് ഫോറസ്റ്റ് വര്‍ക്കേഴ്‌സ് യൂണിയന്‍ ചാലക്കുടി ഫോറസ്റ്റ് ഓഫീസിന് മുന്നില്‍ ഏകദിന സത്യാഗ്രഹ സമരം നടത്തി.  Read More »

 രാവിലെ ക്ഷേത്രം തന്ത്രിയുടെ കാര്‍മ്മികത്വത്തില്‍ മഹാ ഗണപതി ഹോമം നടന്നു. തുടര്‍ന്ന് ശ്രീഭൂതബലിക്ക് ശേഷം പഞ്ചവാദ്യത്തിന്റെ അകമ്പടിയോടെ പുറത്തേക്കെഴുന്നള്ളിപ്പ് നടന്നു. ഉച്ചതിരിഞ്ഞ് 9 കരയോഗങ്ങളില്‍ നിന്നെത്തിയ ഗജവീരന്‍മാരെ അണിനിരത്തി പാണ്ടിമേളത്തിന്റെ അകമ്പടിയോടെ കാഴ്ച്ചശീവേലി നടന്നു. വൈകീട്ട് തായമ്പക, വിവിധ ദേശങ്ങളില്‍ നിന്നെത്തിയ താലവരവ് എന്നിവയും ഉണ്ടായി. രാത്രി അത്താഴപൂജയ്ക്ക് ശേഷം പഞ്ചാരിമേളത്തോടെ വിളക്കിനെഴുന്നള്ളിപ്പ് നടന്നു.

തരിശുനില കൃഷിയുടെ ഉദ്ഘാടനം കെ.കെ. രാമചന്ദ്രന്‍ എംഎല്‍എ നിര്‍വ്വഹിച്ചു. പഞ്ചായത്ത് പ്രസിഡന്റ് അശ്വതി വിബി അദ്ധ്യക്ഷത വഹിച്ചു. വൈസ് പ്രസിഡന്റ് കെ.വി. ഉണ്ണികൃഷ്ണന്‍, കൃഷി ഓഫീസര്‍ എം.പി. ഉണ്ണികൃഷ്ണന്‍, പഞ്ചായത്ത് അംഗങ്ങളായ ശിവരാമന്‍ പോതിയില്‍, സനല ഉണ്ണികൃഷ്ണന്‍, വി.എസ്. നിജില്‍, ദിവ്യ സുധീഷ്, കെ.ആര്‍. ഔസേപ്പ്, ഹിതേഷ്, ശാലിനി, ഗ്രീഷ്മ, പാടശേഖര പ്രസിഡന്റ് വിജയലക്ഷ്മി എന്നിവര്‍ പ്രസംഗിച്ചു

കെ.കെ. രാമചന്ദ്രന്‍ എംഎല്‍എ കരടു പദ്ധതി രേഖ പ്രകാശനം ചെയ്തുകൊണ്ട്  ഉദ്ഘാടന കര്‍മ്മം നിര്‍വഹിച്ചു. ബ്ലോക്ക് പഞ്ചായത്ത് പ്രസിഡന്റ് എം.ആര്‍. രഞ്ജിത്ത് അധ്യക്ഷത വഹിച്ചു. മറ്റത്തൂര്‍ സിഎച്ച്‌സി, പുതുക്കാട് താലൂക്ക് ആശുപത്രി എന്നിവിടങ്ങളിലെ 9 കോടി വീതമുള്ള പദ്ധതികള്‍ കേന്ദ്രസര്‍ക്കാരിന് ശുപാര്‍ശ ചെയ്തിട്ടുള്ളതായി എംഎല്‍എ പറഞ്ഞു. ജില്ലയില്‍ 3 ശുപാര്‍ശകളില്‍ 2 എണ്ണം കൊടകര ബ്ലോക്കിന്റെതാണ്. വിവിധ ഗ്രാമപഞ്ചായത്ത് പ്രസിഡന്റ്മാരായ അശ്വതി വിബി, കെ.എം. ബാബുരാജ്, സൈമണ്‍ നമ്പാടന്‍, നെന്മണിക്കര ഗ്രാമപഞ്ചായത്ത് വൈസ് പ്രസിഡന്റ് വി.ടി. വിജയലക്ഷ്മി …

 കൊടകര ബ്ലോക്ക് പഞ്ചായത്തിന്റെ 2023 -24 വര്‍ഷത്തെ ജനകീയാസൂത്രണ പദ്ധതികളുടെ ഭാഗമായി വികസന സെമിനാര്‍ നടത്തി.  Read More »

പാലപ്പിള്ളി കുള്ളന്‍ എന്ന പേരില്‍ അറിയപ്പെടുന്ന നാടന്‍ ഇനത്തില്‍പ്പെട്ട കന്നുകാലികളില്‍ വൈറസ് അതിവേഗമാണ് വ്യാപിക്കുന്നത്. മുഴ പൊട്ടിയൊലിച്ച് വൃണമായ കന്നുകാലികള്‍ തോട്ടങ്ങളില്‍ അലഞ്ഞുനടക്കുന്നത് ആശങ്കക്കിടയാക്കുന്നുണ്ട്. 1300 ലേറെ കന്നുകാലികളാണ് മേഖലയിലുള്ളത്. ഇതില്‍ ഭൂരിഭാഗവും ഉടമസ്ഥരില്ലാതെ തോട്ടങ്ങളില്‍ അലഞ്ഞു നടക്കുന്നവയാണ്.  വരന്തരപ്പിള്ളി മൃഗാശുപത്രി അധികൃതരുടെ നേതൃത്വത്തില്‍ പ്രതിരോധ പ്രവര്‍ത്തനങ്ങള്‍ ആരംഭിച്ചു കഴിഞ്ഞുവെങ്കിലും വാക്‌സിന്റെ ക്ഷാമം നേരിടുകയാണ്. 200 ഡോസ് വാക്‌സിനാണ് ഇതുവരെ ലഭിച്ചത്. വൈറസ് ബാധിക്കാത്ത പ്രദേശങ്ങളില്‍ ഈ വാക്‌സിന്‍ ഉപയോഗിച്ചു കഴിഞ്ഞതായും, കൂടുതല്‍ വാക്‌സിന്‍ ലഭിക്കുന്ന മുറക്ക് …

പാലപ്പിള്ളി എച്ചിപ്പാറ തോട്ടം മേഖലയിലെ കന്നുകാലികളില്‍ ചര്‍മ്മമുഴ രോഗം പടരുന്നു. Read More »

 സംസ്ഥാന വൈസ് പ്രസിഡന്റ് കെ.വി. അബ്ദുള്‍ ഹമീദ് ഉദ്ഘാടനം ചെയ്തു. യൂണിറ്റ് പ്രസിഡന്റ് ജോജോ കുറ്റിക്കാടന്‍ അധ്യക്ഷത വഹിച്ചു. കെ.കെ. രാമചന്ദ്രന്‍ എംഎല്‍എ മുഖ്യാതിഥിയായിരുന്നു. പുതുക്കാട് ഗ്രാമപഞ്ചായത്ത് പ്രസിഡന്റ് കെ.എം. ബാബുരാജ് അവാര്‍ഡ് ദാനം നടത്തി. ജില്ലാ ജനറല്‍ സെക്രട്ടറി എന്‍.ആര്‍. വിനോദ്കുമാര്‍ മെമ്പര്‍ഷിപ്പ് വിതരണോദ്ഘാടനം നടത്തി. ജില്ലാ ട്രഷറര്‍ ജോയ് മൂത്തേടന്‍ ചാരിറ്റി ഉദ്ഘാടനം ചെയ്തു. പുതുക്കാട് സെന്റ് ആന്റണീസ് ഫൊറോന പള്ളി വികാരി ഫാ. ജോണ്‍സണ്‍ ചാലിശ്ശേരി, പുതുക്കാട് സ്റ്റേഷന്‍ എസ്എച്ച്ഒ സുനില്‍ദാസ്, അസോസിയേഷന്‍ …

കേരള വ്യാപാരി വ്യവസായി ഏകോപന സമിതി പുതുക്കാട് യൂണിറ്റിന്റെ കുടുംബസംഗമവും ജില്ലാ നേതാക്കളെ ആദരിക്കലും അവാര്‍ഡ് ദാനവും സംഘടിപ്പിച്ചു.  Read More »

 കെ.കെ. രാമചന്ദ്രന്‍ എംഎല്‍എ ഉദ്ഘാടനം ചെയ്തു. പുതുക്കാട് ഗ്രാമപഞ്ചായത്ത് പ്രസിഡന്റ് കെ.എം. ബാബുരാജ് അധ്യക്ഷനായിരുന്നു. പുതുക്കാട് സ്്‌റ്റേഷന്‍ സിഐ സുനില്‍ദാസ് മുഖ്യപ്രഭാഷണം നടത്തി. ഫാ. ജോണ്‍സണ്‍ ചാലിശേരി വിസ്മയനഗര്‍ ഡയറക്ടറി പ്രകാശനം ചെയ്തു. അസോസിയേഷന്‍ പ്രസിഡന്റ് സെന്‍ജോ ജോണ്‍സണ്‍, സെക്രട്ടറി സുനന്ദ ശശി, രക്ഷാധികാരി റാഫേല്‍ ഐനിക്കല്‍, ട്രഷറര്‍ റോബസ് പറപ്പുള്ളി എന്നിവര്‍ പ്രസംഗിച്ചു.

റോഡ് പണി ആരംഭിക്കുന്നതിനാല്‍പുലക്കാട്ടുകര – മഠം ഷട്ടര്‍ റോഡിലെ വാഹനഗതാഗതം ചൊവ്വാഴ്ച മുതല്‍ പൂര്‍ണമായും തടസ്സപ്പെടുമെന്ന് അധികൃതര്‍ അറിയിച്ചു.

കണ്ണമ്പത്തൂര്‍ പുന്നത്തുക്കാട്ടില്‍ 35 വയസുള്ള രഞ്ചിത്തിനെയാണ് പുതുക്കാട് പൊലീസ് കാപ്പ ചുമത്തി നാടുകടത്തിയത്. വിവിധ സ്‌റ്റേഷനുകളിലായി 26 ഓളം കേസുകളില്‍ ഇയാള്‍ ഉള്‍പ്പെട്ടിട്ടുണ്ടെന്നാണ് പൊലീസ് പറയുന്നത്. പ്രതിക്ക് ഒരു വര്‍ഷത്തേക്ക് ജില്ലയില്‍ പ്രവേശിക്കുന്നതിനാണ് വിലക്ക്. ഇക്കാലയളവില്‍ ഏറ്റവും അടിയന്തിര ഘട്ടങ്ങളില്‍ കോടതി ഉത്തരവോടെ മാത്രമേ ജില്ലയില്‍ പ്രവേശിക്കാന്‍ അനുവദിക്കു. പൊലീസ് ഡെപ്യൂട്ടി ഇന്‍സ്‌പെക്ടര്‍ ജനറല്‍ പുട്ട വിമലാദിത്യയുടെ ഉത്തരവിന്‍ പ്രകാരം തൃശൂര്‍ റൂറല്‍ ജില്ലാ പൊലീസ് മേധാവി ഐശ്വര്യ ഡോങ്ഗ്രയുടെ നിര്‍ദേശപ്രകാരമായിരുന്നു അറസ്റ്റ്.

 19 കിലോയുടെ വാണിജ്യ സിലിണ്ടറുകള്‍ക്ക് 25 രൂപയാണ് വര്‍ധിപ്പിച്ചത്. ഗാര്‍ഹിക സിലിണ്ടറുകള്‍ക്ക് വില വര്‍ധിപ്പിച്ചിട്ടില്ല. വാണിജ്യ പാചക വാതക സിലിണ്ടറുകളുടെ നിരക്ക് വര്‍ധിച്ചതോടെ ഹോട്ടല്‍ ഭക്ഷണത്തിന്റെ വിലയെയും ഇത് ബാധിച്ചേക്കും

രാവിലെ ആഘോഷമായ വിശുദ്ധ കുര്‍ബാന നടത്തി. റവ.ഫാ. സിന്റോ തൊറയന്‍ റവ.ഫാ. ജോസ് പല്ലിശേരി എന്നിവര്‍ കാര്‍മ്മികത്വം വഹിച്ചു. റവ.ഫാ. ഷിന്‍സ് പോട്ടോക്കാരന്‍ തിരുനാള്‍ സന്ദേശം നല്‍കി. വൈകീട്ട് ദിവ്യകാരുണ്യ ആരാധന, കരുണ കൊന്ത, തുടര്‍ന്ന് പ്രദക്ഷിണവും നടത്തി. ബാന്‍ഡ് സംഗീതവിരുന്ന് അരങ്ങേറി. വികാരി റവ.ഫാ. സോണി കിഴക്കൂടന്‍, സിസ്റ്റര്‍ ലിസിയ, കൈക്കാരന്മാരായ അലക്‌സ് ചുക്കിരി, ജോഷി ആട്ടോക്കാരന്‍, ഹരണ്‍ ബേബി, പൊറുത്തൂക്കാരന്‍, ജനറല്‍ കണ്‍വീനര്‍ ഡെയ്‌സന്‍ നേരെപറമ്പില്‍, ജോയിന്റ് കണ്‍വീനര്‍ പോളി പണ്ടാരി, ജോയിന്റ് കണ്‍വീനര്‍ …

വരാക്കര സൗത്ത് ഇന്‍ഫന്റ് ജീസസ് പള്ളിയില്‍ ഉണ്ണീശോയുടെയും വിശുദ്ധ സെബസ്ത്യാനോസിന്റെയും സംയുക്ത തിരുനാള്‍ ആഘോഷിച്ചു.  Read More »

വികാരി ഫാ. വര്‍ഗീസ് തരകന്‍, അസി. വികാരി ഗോഡ്‌വിന്‍ എടക്കളത്തൂര്‍, തിരുനാള്‍ കണ്‍വീനര്‍ സജി പനോക്കാരന്‍, ട്രസ്റ്റിമാരായ ജോഷികളപ്പുര, പോള്‍സണ്‍ പൂക്കോടന്‍, തോമസ് തോട്ടുപുറത്ത്, ലിജോ പാറേക്കാട്ടില്‍ എന്നിവര്‍ നേതൃത്വം നല്‍കി. ജനുവരി 10,11,12, തീയതികളിലായാണ് തിരുനാള്‍ ആഘോഷിക്കുന്നത്.

പ്രായാധിക്യംമൂലം സ്വാഭാവികമായാണ് ആന ചരിഞ്ഞതെന്ന് വനപാലകര്‍ പറഞ്ഞു. നാല് ദിവസം മുമ്പുവരെ പാലപ്പിള്ളി പ്രദേശത്ത് കണ്ടിരുന്ന ആനയെ ശനിയാഴ്ച രാവിലെയാണ് ചത്ത നിലയില്‍ കണ്ടത്. അവശനിലയിലായിരുന്നെ ആനയ്ക്ക് തീറ്റ തേടാന്‍ ബുദ്ധിമുട്ടുണ്ടായിരുന്നു. ചരിഞ്ഞ കാട്ടാന നേരത്തേ ജനവാസ മേഖലയില്‍ വ്യാപകമായി നാശനഷ്ടമുണ്ടാക്കിയിരുന്നതായി വനം വകുപ്പ് അധികൃതര്‍ പറഞ്ഞു. പോസ്റ്റുമോര്‍ട്ടത്തിനുശേഷം കാട്ടില്‍ തന്നെ ആനയുടെ ജഡം സംസ്‌കരിച്ചു.

ലൈസന്‍സില്ലാതെ പ്രവര്‍ത്തിച്ചിരുന്ന സ്ഥാപനം പഞ്ചായത്ത്, ആരോഗ്യവിഭാഗം അധികൃതരെത്തി വെള്ളിയാഴ്ച പൂട്ടിച്ചിരുന്നു. അറവുശാലകളില്‍ നിന്നും മൃഗങ്ങളുടെ തോല്‍ ശേഖരിച്ച് പുനരുപയോഗത്തിന് വൃത്തിയാക്കാനാണ് പാടംവഴിയ്ക്ക് സമീപം പഴയ ഓട്ടുകമ്പനിയില്‍ എത്തിച്ചിരുന്നത്. അസഹ്യമായ ദുര്‍ഗന്ധവും ഈച്ചശല്യവും അനുഭവപ്പെട്ടതോടെ നാട്ടുകാര്‍ നടത്തിയ തിരച്ചിലിലാണ് ഇത്തരത്തില്‍ ഒരു സംസ്‌കരണകേന്ദ്രം അനധികൃതമായി പ്രവര്‍ത്തിക്കുന്നതായി കഴിഞ്ഞദിവസം അറിയുന്നത്. തോല്‍ വൃത്തിയാക്കുമ്പോഴുള്ള മലിനജലം ഒഴിക്കിവിടുന്ന ടാങ്കുകള്‍ നിറഞ്ഞ് പ്രദേശത്ത് മലിനജലം കെട്ടികിടക്കുന്ന അവസ്ഥയിലുമായിരുന്നു. ശാസ്ത്രീയ മാര്‍ഗങ്ങള്‍ ഒന്നും സ്വീകരിക്കാതെ വൃത്തിഹീനമായ സാഹചര്യത്തിലാണ് കേന്ദ്രം പ്രവര്‍ത്തിച്ചിരുന്നത്.

ക്യാമ്പിന്റെ ഉദ്ഘാടനം ഗ്രാമപഞ്ചായത്ത് പ്രസിഡന്റ് ടി.എസ്. ബൈജു നിര്‍വഹിച്ചു. പഞ്ചായത്ത് വൈസ് പ്രസിഡന്റ് വി.ടി. വിജയലക്ഷ്മി അദ്ധ്യക്ഷത വഹിച്ചു. സിഡിഎസ് ചെയര്‍പേഴ്‌സണ്‍ സിന്ധു സുബ്രമണ്യന്‍, അസിസ്റ്റന്റ് സെക്രട്ടറി മാറ്റ്‌ലി എന്നിവര്‍ പ്രസംഗിച്ചു. രണ്ടു ദിവസമായി നടക്കുന്ന ക്യാമ്പില്‍ ചെസ് പരിശീലനം, ലഹരി വിരുദ്ധ ക്ലാസ്സ്, മോട്ടിവേഷന്‍ കാസ്സ് എന്നിവ ഉള്‍പെടുത്തിയിട്ടുണ്ട്.

 യോഗത്തില്‍ കെ.കെ. രാമചന്ദ്രന്‍ എംഎല്‍എ അദ്ധ്യക്ഷത വഹിച്ചു. കൊടകര ബ്ലോക്ക് പ്രസിഡന്റ് എം.ആര്‍. രഞ്ജിത്ത്, മറ്റത്തൂര്‍ പഞ്ചായത്ത് പ്രസിഡന്റ് അശ്വതി വിബി ഉള്‍പ്പടെയുള്ള ജനപ്രതിനിധികളും കിഫ്ബി മണ്ഡലം നോഡല്‍ ഓഫീസര്‍ &എക്‌സിക്യൂട്ടീവ് എഞ്ചിനീയര്‍ ശേഖര്‍, ബി ഡിഒ അജയഘോഷ്, വിവിധ വകുപ്പ് ഉദ്യോഗസ്ഥര്‍ കന്നാട്ടുപാടം ഗവ. എച്ച്എസ്,അളഗപ്പനഗര്‍ ജിഎച്ച്എസ്എസ്, നന്ദിപുലം ജിഎല്‍പിഎസ് തുടങ്ങിയ വിദ്യാലയങ്ങളുടെ കെട്ടിട നിര്‍മ്മാണം ജനുവരി മാസത്തില്‍ പൂര്‍ത്തിയാക്കി ഉത്ഘാടനം ചെയ്യും. പുതുക്കാട് മിനി സിവില്‍ സ്‌റ്റേഷന്‍ നിര്‍മ്മാണത്തിനായി സമയബന്ധിതമായി നടപടികള്‍ സ്വീകരിക്കുന്നതിനു യോഗത്തില്‍ …

പുതുക്കാട് മണ്ഡലത്തിലെ വിവിധ വികസന പ്രവര്‍ത്തികളുടെ അവലോകനയോഗം ചേര്‍ന്നു. Read More »

അന്ധവിശ്വാസങ്ങള്‍ക്കും അനാചാരങ്ങള്‍ക്കുമെതിരെ കേരള ഗ്രന്ഥശാല സമിതി നടത്തുന്ന വിളംബര യാത്രയുടെ ഭാഗമായിട്ടാണ് പരിപാടി സംഘടിപ്പിച്ചത്. കെ.വി. വേലായുധന്‍ സ്മാരക വായനശാല, എം.എ. കാര്‍ത്തികേയന്‍ സ്മാരക വായനശാലകളാണ് സ്വീകരണം ഒരുക്കിയത്. ജാഥാ ക്യാപ്റ്റന്‍ എം.കെ. ശിവദാസന്‍ സ്വീകരണം ഏറ്റുവാങ്ങി. സ്വാഗതസംഘം ചെയര്‍മാന്‍ കെ.ജെ. ഡിക്‌സണ്‍ അധ്യക്ഷത വഹിച്ചു. കൃഷ്ണന്‍ സൗപര്‍ണിക, കെ. മനോഹരന്‍, ശാസ്ത്രശര്‍മ്മന്‍, സി.പി. സജീവന്‍, എം.കെ. ശശിധരന്‍ എന്നിവര്‍ പ്രസംഗിച്ചു.

 മറ്റത്തൂര്‍ ജിഎല്‍പിഎസ് നടക്കുന്ന സഹവാസ ക്യാമ്പ് കൊടകര ബ്ലോക്ക് പഞ്ചായത്ത് പ്രസിഡന്റ് എം.ആര്‍. രഞ്ജിത്ത് ഉദ്ഘാടനം ചെയ്തു. കൊടകര ബ്ലോക്ക് ആരോഗ്യ വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ സജിത രാജീവന്‍ അധ്യക്ഷത വഹിച്ചു. കൊടകര ബിപിസി ഫേബ കെ. ഡേവിഡ്, പഞ്ചായത്തംഗം ഷൈനി ബാബു, ഡയറ്റ് ഫാക്കല്‍റ്റി ഡോ. പി.സി. സിജി, മറ്റത്തൂര്‍ ജിഎല്‍പി സ്‌കൂള്‍ അധ്യാപിക പ്രീതി, പിടിഎ പ്രസിഡന്റ് പി.ആര്‍. വിമല്‍,  സ്‌പെഷ്യല്‍ എഡ്യൂക്കേറ്റര്‍ ലിന്‍സി ലോനപ്പന്‍ എന്നിവര്‍ പ്രസംഗിച്ചു. കരവിരുത്, കളിപ്പാട്ടം, പരിസ്ഥിതിയെ …

ഭിന്നശേഷിക്കാരായ കുട്ടികള്‍ക്കുവേണ്ടി കൊടകര ബിആര്‍സി യുടെ ആഭിമുഖ്യത്തില്‍ നടക്കുന്ന നക്ഷത്രക്കൂടാരം ദ്വിദിന സഹവാസ ക്യാമ്പിന് തുടക്കമായി. Read More »

സംഭവത്തില്‍ 4 യുവാക്കളെ പൊലീസ് അറസ്റ്റ് ചെയ്തു. കള്ള്ഷാപ്പ് ഗോഡൗണ്‍ മാനേജരായ കൊടുങ്ങല്ലൂര്‍ എസ്എന്‍ പുരം പനങ്ങാട് പഴു പറമ്പില്‍ സുധീഷ്സ്പിരിറ്റ് ഗോഡൗണില്‍ എത്തിച്ച കരുവന്നൂര്‍ പുത്തന്‍തോട് കുട്ടശ്ശേരി വീട്ടില്‍ അനീഷ്, പെരിഞ്ഞനം വടക്കേടത്ത് വീട്ടില്‍ ശ്രീദത്ത്, ചേര്‍പ്പ് ഇഞ്ചമുടി മച്ചിങ്ങല്‍ വീട്ടില്‍ രാകേഷ് എന്നിവരാണ് അറസ്റ്റിലായത്. ഇരിങ്ങാലക്കുട ഡിവൈഎസ്പി ബാബു കെ.തോമസ്, തൃശൂര്‍ റൂറല്‍ ജില്ലാ െ്രെകം ബ്രാഞ്ച് ഡിവൈഎസ്പി ഷാജ് ജോസ് എന്നിവരുടെ നേതൃത്വത്തിലാണ് പ്രതികളെ പിടികൂടിയത്. പുതുവത്സര ആഘോഷങ്ങളോട് അനുബന്ധിച്ച് തൃശൂര്‍ റൂറല്‍ …

ആളൂരില്‍ വന്‍ സ്പിരിറ്റ് വേട്ട. വെള്ളാന്‍ചിറ കള്ള്ഷാപ്പ് ഗോഡൗണില്‍ നിന്നും 250 ലിറ്ററോളം സ്പിരിറ്റും 400 ലിറ്ററോളം പഞ്ചസാര ലായനിയും തൃശൂര്‍ റൂറല്‍ ഡാന്‍സാഫ് സംഘവും ആളൂര്‍ പോലീസും ചേര്‍ന്ന് പിടികൂടി. Read More »

ബുധനാഴ്ച ഉച്ചയ്ക്ക് വിവിധ കാവടി ദേശക്കാരുടെ കാവടിസെറ്റുകള്‍ ക്ഷേത്രമൈതാനിയില്‍ എത്തിച്ചേര്‍ന്നു. ദീപാരാധനയ്ക്ക് ശേഷം കരോക്കെ ഗാനമേള, മാജിക് ഷോ അവതരണവും നടത്തി. ക്ഷേത്ര ഉപദേശക സമിതിയുടെ നേതൃത്വത്തിലായിരുന്നു ചടങ്ങുകള്‍ നടന്നത്.