അപകടത്തില്‍ പരുക്കേറ്റ് ചികില്‍സയിലായിരുന്ന ഗൃഹനാഥന്‍ മരിച്ചു
കൊടകര പുലിപ്പാറക്കുന്ന് നിശാശേരി വീട്ടില്‍ വേലായുധന്റെ മകന്‍ ശശിയാണ് മരിച്ചത്. 56 വയസായിരുന്നു. കഴിഞ്ഞ ദിവസം ആളൂരിലായിരുന്നു അപകടം. സംസ്‌കാരം നടത്തി. മായയാണ് ഭാര്യ. മക്കള്‍ : ഭദ്ര, ഭഗത്.
പീച്ചി റിസര്‍വോയറിന്റെ ഇടതുകര വലതുകര കനാലില്‍ കൂടി വ്യാഴാഴ്ച മുതല്‍ 10 ദിവസത്തേയ്ക്ക് ജലം ഒഴുക്കി വിടും
റവന്യൂ മന്ത്രി കെ. രാജന്റെ അധ്യക്ഷതയില്‍ ചേര്‍ന്ന ഇറിഗേഷന്‍ വകുപ്പിന്റേയും ബന്ധപ്പെട്ട പഞ്ചായത്ത് പ്രസിഡണ്ടുമാരുടേയും യോഗത്തിലാണ് തീരുമാനം. കേരള വാട്ടര്‍ അതോറിട്ടി വിതരണത്തിനായി നീക്കിവെച്ച ജലത്തിന്റെ ഒരു ഭാഗം കൂടി ഉള്‍പ്പെടുത്തിയാകും കനാലിലൂടെയുള്ള ജല വിതരണം. ഉപാകനാലുകളിലൂടെയും ജലം ഒഴുക്കും. ജലവിതരണത്തിനു മുമ്പായി കനാലുകളിലെ മാലിന്യം നീക്കം ചെയ്യുന്നതിനും ജലം പാഴാകാതിരിക്കുന്നതിനാവശ്യമായ നടപടികള്‍ അതത് പഞ്ചായത്തുകള്‍ സ്വീകരിക്കുന്നതിനും ജില്ലാ കളക്ടര്‍ വി.ആര്‍. കൃഷ്ണ തേജ പഞ്ചായത്ത് ഡെപ്യൂട്ടി ഡയറക്ടര്‍ക്ക് നിര്‍ദേശം നല്‍കി.
വെള്ളിക്കുളങ്ങര കുണ്ടനി പ്രകാശന്‍ അന്തരിച്ചു
. 55 വയസായിരുന്നു. സംസ്‌കാരം നടത്തി. ജിഷയാണ് ഭാര്യ. ശീതള്‍, വിതുല്‍ എന്നിവര്‍ മക്കളും രാഘുല്‍ മരുമകനുമാണ്
മറവാഞ്ചേരി മഹാദേവക്ഷേത്രത്തിലെ പ്രതിഷ്ഠാദിനമഹോത്സവം ആഘോഷിച്ചു
നിര്‍മാല്യം, അഭിഷേകം, മഹാഗണപതിഹോമം,നവകം,പഞ്ചഗവ്യം, ശിവേലി,പഞ്ചാരിമേളം, കാഴ്ചശിവേലി, പഞ്ചവാദ്യം, പാണ്ടിമേളം, വിളക്കെഴുന്നള്ളിപ്പ് , ആനന്ദപുരം ഉദിമാനത്തിന്റെ തെയ്യം, തീയ്യാട്ടം എന്നിവയുണ്ടായി. ക്ഷേത്രച്ചടങ്ങുകള്‍ക്ക് തന്ത്രി ആല നാരായണന്‍കുട്ടിശാന്തി, ആല ബിജു ശാന്തി, മേല്‍ശാന്തി എടത്താടന്‍ മനീഷ്ബാബു എന്നിവര്‍ കാര്‍മികത്വം വഹിച്ചു. എഴുന്നള്ളിപ്പിന് 3 ആനകള്‍ അണിനിരന്നു. ബാസ്റ്റിയന്‍ വിനയസുന്ദര്‍ ദേവന്റെ തിടമ്പറ്റി. മേളത്തിന് കിഴക്കൂട്ട് അനിയന്‍മാരാരും പഞ്ചവാദ്യത്തിന് കല്ലുവഴി ബാബുവും നേതൃത്വം നല്‍കി.
ബസ് ജീവനക്കാരന്റെ മുങ്ങിമരണം കൊലപാതകം; മൂന്നര വര്‍ഷത്തിന് ശേഷം പ്രതി അറസ്റ്റില്‍.
മൂന്നര വർഷം മുൻപ് കുന്നംകുളത്ത് ബസ് ജീവനക്കാരന്‍ മുങ്ങിമരിച്ചതു കൊലപാതകമെന്നു തെളിയിച്ച് പൊലീസ്. നിരന്തര ചോദ്യം ചെയ്യലിലാണു കുറ്റം തെളിഞ്ഞത്. സുഹൃത്തും വരന്തരപ്പിള്ളി സ്വദേശിയുമായ സലീഷ് അറസ്റ്റിലായി. 2019 നവംബര്‍ 18ന് കൈപ്പറമ്പ് സ്വദേശി രാജേഷ് പുഴയില്‍ മുങ്ങിമരിച്ചെന്ന കേസിലാണ് നടപടി. മദ്യലഹരിയിലുണ്ടായ തര്‍ക്കത്തെ തുടര്‍ന്ന് രാജേഷിനെ സലീഷ് പുഴയിലേക്ക് തള്ളിയിടുകയായിരുന്നു.
റേഷൻ കടയടച്ച് സമരം
സെര്‍വര്‍ തകരാറുമൂലം റേഷന്‍ വിതരണം നടത്താന്‍ കഴിയാത്ത സാഹചര്യത്തില്‍ വിഷയത്തില്‍ അടിയന്തിര നടപടികള്‍ ആവശ്യപ്പെട്ട് സംസ്ഥാനത്ത് ഇന്ന് റേഷന്‍ വ്യാപാരി സംഘടനകള്‍ സംയുക്തമായി റേഷന്‍ കടകള്‍ അടച്ചിട്ട് സൂചന പണിമുടക്ക് നടത്താന്‍ തീരുമാനിച്ചു.
എഐടിയുസി മറ്റത്തൂര്‍ മേഖല സമ്മേളനം കോടാലിയില്‍ സംഘടിപ്പിച്ചു
എഐടിയുസി പുതുക്കാട് മണ്ഡലം സെക്രട്ടറി സി.യു. പ്രിയന്‍ ഉദ്ഘാടനം ചെയ്തു. മേഖല പ്രസിഡന്റ് പി.ആര്‍. കണ്ണന്‍ അദ്ധ്യക്ഷത വഹിച്ചു. വിവിധ ക്ഷേമനിധി ബോര്‍ഡുകളില്‍ നിന്നായി തൊഴിലാളികള്‍ക്ക് ലഭിക്കേണ്ട കുടിശ്ശിഖയുള്ള മുഴുവന്‍ തുകയും ഉടന്‍ വിതരണം ചെയ്യണമെന്ന് സമ്മേളനം പ്രമേയത്തിലൂടെ ആവശ്യപ്പെട്ടു. മറ്റത്തൂര്‍ ഗ്രാമപഞ്ചായത്ത് വൈസ് പ്രസിഡന്റ് കെ.വി. ഉണ്ണികൃഷ്ണന്‍, സിപിഐ മറ്റത്തൂര്‍ ലോക്കല്‍ കമ്മിറ്റി സെക്രട്ടറി കെ.പി. വിനോദ്, സി.ആര്‍. ദാസന്‍, രമാദേവി കാരണത്ത് എന്നിവര്‍ പ്രസംഗിച്ചു.
കേരള വ്യാപാരി വ്യവസായി ഏകോപന സമിതി കല്ലൂര്‍ ഈസ്റ്റ് യൂണിയന്റെ കുടുംബസംഗമവും ജില്ലാനേതാക്കള്‍, മുതിര്‍ന്ന അംഗങ്ങള്‍ എന്നിവര്‍ക്കുള്ള ആദരവും. കര്‍മ്മശ്രേഷ്ഠ അവാര്‍ഡ് ദാനവും സംഘടിപ്പിച്ചു
ജില്ലാ ജനറല്‍ സെക്രട്ടറി എന്‍.ആര്‍. വിനോദ്കുമാര്‍ ഉദ്ഘാടനം ചെയ്തു. യൂണിറ്റ് പ്രസിഡന്റ് തിലകന്‍ അയ്യഞ്ചിറ അധ്യക്ഷനായി. തൃക്കൂര്‍ പഞ്ചായത്ത് പ്രസിഡന്റ് സൈമണ്‍ നമ്പാടന്‍ വിശിഷ്ടാതിഥിയായി. ജില്ലാ ട്രഷറര്‍ ജോയ് മൂത്തേടന്‍ മുഖ്യപ്രഭാഷണം നടത്തി. യൂണിറ്റ് ജനറല്‍ സെക്രട്ടറി ജോയ് കാവില്‍, പ്രോഗ്രാം കണ്‍വീനര്‍ ഫ്രിജോ പോള്‍ ചെതലന്‍, യൂണിറ്റ് ട്രഷറര്‍ ആര്‍.ആര്‍. ഷിനില്‍ എന്നിവര്‍ പ്രസംഗിച്ചു. തുടര്‍ന്ന് വിവിധ കലാപരിപാടികളും അരങ്ങേറി.
തൃക്കൂര്‍ മതിക്കുന്ന് ഭഗവതി ക്ഷേത്രത്തില്‍ ഭാഗവത സപ്താഹയജ്ഞത്തിന് തുടക്കമായി
കൃഷ്ണാത്മാനന്ദ സരസ്വതിയാണ് യജ്ഞാചാര്യന്. പുരളിപ്രം നീലകണ്്ഠന്‍ നമ്പൂതിരി, എം.കെ. പരമേശ്വരന്‍ നമ്പൂതിരി എന്നിവരാണ് സഹകാര്‍മ്മികര്‍. ഞായറാഴ്ച യജ്ഞാചാര്യന് പൂര്‍ണ്ണകുംഭം നല്‍കി സ്വീകരണം നല്‍കി. ക്ഷേത്രം ഉപദേശകസമിതി ചെയര്‍മാര്‍ ടി.എസ്. അനന്തരാമന്‍ ഭദ്രദീപം തെളിയിച്ചു. തുടര്‍ന്ന് ദീപാരാധന, ഭാഗവത മഹാത്മ്യ പാരായണവും പ്രഭാഷണവും നടത്തി. ഒന്നാം ദിനമായ തിങ്കളാഴ്ച വ്യാസ നാരദ സംവാദം, കുന്തിസ്തുതി, ഭീഷ്മ മുക്ത, പ്രായോപ്രവേശം, വരാഹ അവതാരം ഭാഗങ്ങള്‍ പാരായണം ചെയ്തു. 30ന് സപ്താഹം സമാപിക്കും.
കാട്ടുപന്നിയിടിച്ച് സ്‌കൂട്ടര്‍ യാത്രക്കാര്‍ക്ക് പരുക്കേറ്റു
പാലപ്പിള്ളിയില്‍ കാട്ടുപന്നിയിടിച്ച് സ്‌കൂട്ടര്‍ യാത്രക്കാരായ ടാപ്പിംഗ് തൊഴിലാളികള്‍ക്ക് പരുക്കേറ്റു. വേലൂപ്പാടം മഠം സ്വദേശികളായ മാവുക്കാടന്‍ 26 വയസുള്ള സാദിഖ്, പിതാവ് 59 വയസുള്ള ഹംസ എന്നിവര്‍ക്കാണ് പരുക്കേറ്റത്. തിങ്കളാഴ്ച രാവിലെ ആറ് മണിയോടെ മൈസൂര്‍ ഗേറ്റിന് സമീപത്തായിരുന്നു അപകടം. നിസാര പരുക്കേറ്റ ഇരുവരും പുതുക്കാട് താലൂക്ക് ആശുപത്രിയില്‍ ചികിത്സ തേടി.
കുറുമാലിക്കാവ് ഭഗവതി ക്ഷേത്രത്തിലെ പ്രതിഷ്ഠാദിനവും പൊങ്കാല സമര്‍പ്പണവും നടത്തി
രാവിലെ നടതുറപ്പ്, മഹാഗണപതിഹോമം തുടര്‍ന്ന് പ്രതിഷ്ഠാദിന ചടങ്ങുകളും നടത്തി. ക്ഷേത്രം തന്ത്രി അണിമംഗലം വല്ലഭന്‍ നമ്പൂതിരിയുടെ മുഖ്യകാര്‍മ്മികത്വത്തിലായിരുന്നു ചടങ്ങുകള്‍. മേള അകമ്പടിയില്‍ ശീവേലി എഴുന്നള്ളിപ്പ് നടന്നു. പ്രസാദഊട്ടും ഒരുക്കിയിരുന്നു. ക്ഷേത്ര ഉപദേശക സമിതി ഭാരവാഹികളായ കെ.എസ്. നന്ദകുമാര്‍, ബിജു കിഴക്കൂടന്‍, രാജന്‍ വരവട്ട്, ദേവസ്വം ഓഫീസര്‍ പി.വി. സജീവ് എന്നിവര്‍ നേതൃത്വം നല്‍കി.
മാലിന്യസംസ്‌കരണത്തിന് ഹരിതമിത്രം ആപ്പുമായി ആളൂര്‍ ഗ്രാമപഞ്ചായത്ത്
മാലിന്യസംസ്‌കരണത്തിന്റെ ഭാഗമായി മുഴുവന്‍ വീടുകളിലും സ്ഥാപനങ്ങളിലും ഹരിതമിത്രം ആപ്പിന്റെ ക്യുആര്‍ കോഡ് പതിപ്പിക്കലിന്റെയും വിവരശേഖരണത്തിന്റെയും ഉദ്ഘാടനം ഗ്രാമപഞ്ചായത്ത് പ്രസിഡന്റ് കെ.ആര്‍. ജോജോ നിര്‍വഹിച്ചു. മാലിന്യശേഖരണത്തിന് സുതാര്യത ഉറപ്പ് വരുത്തുന്നതിനും ജനങ്ങളില്‍ അവബോധം ഉണ്ടാക്കുന്നതിനും കെല്‍ട്രോണുമായി സഹകരിച്ചു കൊണ്ടാണ് ഹരിതമിത്രം ആപ്പ് പദ്ധതി നടപ്പാക്കുന്നത്. പഞ്ചായത്തിലെ മുഴുവന്‍ വീടുകളിലും ക്യുആര്‍ കോഡ് പതിപ്പിക്കും. അത് സ്‌കാന്‍ ചെയ്താല്‍ ആ വീടിന്റെ റേഷന്‍ കാര്‍ഡ് നമ്പര്‍ അടക്കമുള്ള വിവരങ്ങള്‍ ലഭിക്കും. മാലിന്യ ശേഖരണത്തിനായി എത്തുന്ന ഹരിത കര്‍മ്മ സേന പ്രവര്‍ത്തകര്‍ക്ക് …
മാലിന്യസംസ്‌കരണത്തിന് ഹരിതമിത്രം ആപ്പുമായി ആളൂര്‍ ഗ്രാമപഞ്ചായത്ത് Read More »
അമ്പനോളി സെന്റ് ജോര്‍ജ്ജ് പള്ളിയില്‍ ഇടവക മദ്ധ്യസ്ഥനായ വി. ഗീവര്‍ഗ്ഗീസ് സഹദായുടെ തിരുനാളിന് കൊടിയേറി
ജലന്ധര്‍ രൂപതാംഗം ഫാ. സനീഷ് വടുക്കൂട്ട് കൊടിയേറ്റം നിര്‍വഹിച്ചു. വികാരി ഫാ. ആഷില്‍ കൈതാരന്‍ സഹകാര്‍മ്മികനായി. 28 വരെ വൈകുന്നേരം 5.30ന് പ്രസുദേന്തി വാഴ്ച്ച, വി. കുര്‍ബ്ബാന, ലദീഞ്ഞ്, നൊവേന, പ്രദക്ഷിണം എന്നിവ ഉണ്ടാകും. 29ന് വൈകുന്നേരം നാലിന് ഇരിങ്ങാലക്കുട രൂപത ബിഷപ്പ് മാര്‍ പോളി കണ്ണൂക്കാടന്റെ മുഖ്യ കാര്‍മ്മികത്വത്തില്‍ വി. കുര്‍ബ്ബാന, തിരുനാള്‍ പ്രസുദേന്തി വാഴ്ച്ച, വിശുദ്ധന്റെ രൂപം ഇറക്കല്‍ എന്നിവ നടക്കും. ഇടവക ഡയമണ്ട് ജൂബിലി സമാപനവും ഇടവക ദിനാഘോഷവും മതബോധന വാര്‍ഷികവും ബിഷപ്പ് …
പറപ്പൂക്കര സുബ്രഹ്മണ്യസ്വാമി ക്ഷേത്രത്തിലെ ഷഷ്ഠി മഹോത്സവത്തിന് തുടക്കമായി. ആഘോഷപരിപാടികളുടെ ഉദ്ഘാടനം കൊച്ചിന്‍ ദേവസ്വം ബോര്‍ഡ് പ്രസിഡന്റ് ഡോ. എം.കെ. സുദര്‍ശന്‍ നിര്‍വ്വഹിച്ചു
ക്ഷേത്ര ക്ഷേമ സമിതി പ്രസിഡന്റ് കെ.കെ. അരുണന്‍ അദ്ധ്യക്ഷനായി. സെക്രട്ടറി എം.കെ. നാരായണന്‍, ട്രഷറര്‍ പി.കെ. സന്തോഷ്, കൊച്ചിന്‍ ദേവസ്വം ബോര്‍ഡ് അസി. കമ്മിഷണര്‍ കെ. സുനില്‍ കര്‍ത്ത, ആഘോഷ കമ്മറ്റി പ്രസിഡന്റ് പി.എന്‍. ജയകൃഷ്ണന്‍, പ്രോഗ്രാം കമ്മറ്റി ചെയര്‍മാന്‍ പി.ആര്‍. മനോജ്കുമാര്‍ എന്നിവര്‍ പ്രസംഗിച്ചു. ധീരതക്കുള്ള രാഷ്ട്രപതിയുടെ ഉത്തം ജീവന്‍ രക്ഷാപഥക് നേടിയ നീരജ്, ഹയര്‍ സെക്കന്‍ഡറി കലോത്സവത്തില്‍ മലയാളം പദ്യംചൊല്ലല്‍, വഞ്ചിപ്പാട് എന്നിവയില്‍ എ ഗ്രേഡ് നേടിയ കെ.ജി. ലക്ഷ്മി, സംസ്ഥാന സ്‌കൂള്‍ കലോത്സവത്തില്‍ …
പുതുക്കാട് മണ്ഡലത്തിലെ പ്രധാന പാതയായ പുതുക്കാട് ചെറുവാള്‍ നെടുമ്പാള്‍ പാതയിലെ കേളിത്തോട് പാലത്തിന്റെ പുനര്‍നിര്‍മ്മാണോദ്ഘാടനം മന്ത്രി പി.എ. മുഹമ്മദ് റിയാസ് ഓണ്‍ലൈനായി നിര്‍വഹിച്ചു
കെ.കെ. രാമചന്ദ്രന്‍ എംഎല്‍എ ശിലാഫലകം അനാച്ഛാദനവും യോഗത്തിന് അധ്യക്ഷത വഹിക്കുകയും ചെയ്തു. കൊടകര ബ്ലോക്ക് പഞ്ചായത്ത് പ്രസിഡന്റ് എം.ആര്‍. രഞ്ജിത്ത്, നെന്മണിക്കര ഗ്രാമപഞ്ചായത്ത് പ്രസിഡന്റ് ടി.എസ്. ബൈജു, പുതുക്കാട് ഗ്രാമപഞ്ചായത്ത് പ്രസിഡന്റ് കെ.എം. ബാബുരാജ്, ജില്ലാ പഞ്ചായത്ത് അംഗം സരിത രാജേഷ്, ബ്ലോക്ക് പഞ്ചായത്ത് വികസനായ സ്റ്റാന്‍ഡിങ് കമ്മിറ്റി ചെയര്‍മാന്‍ അല്‍ജോ പുളിക്കന്‍, പഞ്ചായത്ത് അംഗങ്ങളായ ഭദ്ര മനു, കെ.എ. അനില്‍ കുമാര്‍, സി.പി. സജീവന്‍, ഫിലോമിന ഫ്രാന്‍സീസ്, പൊതുമരാമത്ത് വകുപ്പ് പാലം വിഭാഗം എക്‌സിക്യൂട്ടീവ് എന്‍ജിനീയര്‍ …
ബിജെപി അളഗപ്പനഗര്‍ പഞ്ചായത്ത് കമ്മറ്റിയുടെ നേതൃത്വത്തില്‍ മണ്ണംപേട്ടയില്‍ റോഡ് ഉപരോധിച്ചു
മണ്ണംപേട്ട -മാവിന്‍ചുവട് റോഡ് സഞ്ചാര യോഗ്യമാക്കണമെന്നാവശ്യപ്പെട്ടായിരുന്നു ഉപരോധം. ബിജെപി ആമ്പല്ലൂര്‍ മണ്ഡലം പ്രസിഡന്റ് എ.ജി. രാജേഷ് ഉദ്ഘാടനം ചെയ്തു. ബിജെപി അളഗപ്പനഗര്‍ പഞ്ചായത്ത് പ്രസിഡന്റ് ശ്രീകുമാര്‍ ആമ്പല്ലൂര്‍ അധ്യക്ഷത വഹിച്ചു. കെ.ബി. സന്ദീപ്, സജീവ് ആറ്റൂര്‍, ചന്ദ്രന്‍ പച്ചളിപ്പുറം, രാഹുല്‍ പുളിഞ്ചോട്, ജിനേഷ് മണ്ണംപേട്ട, മണികണ്ഠന്‍ കളരിക്കല്‍ എന്നിവര്‍ നേതൃത്വം നല്‍കി.
തൃക്കൂര്‍ ഗ്രാമപഞ്ചായത്ത് വാര്‍ഡ് 16 എഡിഎസ് വാര്‍ഷികം ആഘോഷിച്ചു
തൃക്കൂര്‍ പഞ്ചായത്ത് പ്രസിഡന്റ് സൈമണ്‍ നമ്പാടന്‍ ഉദ്ഘാടനം ചെയ്തു. പഞ്ചായത്തംഗം അനു പനങ്കുടന്‍ അധ്യക്ഷത വഹിച്ചു. കുടുംബശ്രീ ചെയര്‍പേഴ്‌സണ്‍ പ്രസന്ന ഷാജു, വൈസ് ചെയര്‍പേഴ്‌സണ്‍ ശാരി ഹരി, രാജീ മനോജ്, ഉഷാ കൊച്ചു, ഷീബ ജോര്‍ജ് എന്നിവര്‍ പ്രസംഗിച്ചു. തുടര്‍ന്ന് വിവിധ കലാപരിപാടികളും അരങ്ങേറി.
തൊട്ടിപ്പാള്‍ സെന്റ് മേരീസ് പള്ളിയില്‍ പരിശുദ്ധ കന്യകാമറിയത്തിന്റേയും വിശുദ്ധ സെബസ്ത്യാനോസിന്റെയും തിരുനാള്‍ ആഘോഷിച്ചു
ഞായറാഴ്ച രാവിലെ നടന്ന ആഘോഷമായ തിരുനാള്‍ പാട്ടുകുര്‍ബാനയ്ക്ക് ഫാ. സിബു കള്ളാപറമ്പില്‍ കാര്‍മ്മികനായി. ഫാ. ഡിബിന്‍ അലുവാശേരി സന്ദേശം നല്‍കി. വൈകീട്ട് വിശുദ്ധ കുര്‍ബാനയ്ക്ക് ശേഷം തിരുനാള്‍ പ്രദക്ഷിണം നടക്കും.
പുതുക്കാട് പഞ്ചായത്ത് 12-ാം വാര്‍ഡ് കുടുംബശ്രീ എഡിഎസ് വാര്‍ഷികം പഞ്ചായത്തംഗം ഷാജു കാളിയേങ്കര ഉദ്ഘാടനം ചെയ്തു
സിഡിഎസ് മെമ്പര്‍ സിലി ആന്റു അദ്ധ്യക്ഷയായിരുന്നു. ബ്ലോക്ക് പഞ്ചായത്തംഗം സതി സുധീര്‍, സിഡിഎസ് ഭാരവാഹികളായ ഒ.വി സുഭദ്ര, ബിന്ദു ടോണി, ഷെര്‍ളി ജോയ്, രാധ എന്നിവര്‍ പ്രസംഗിച്ചു.
ആഘോഷത്തിന്റെ നിറദീപം തെളിയിച്ച് വിഷു
മലയാളികളുടെ മനം നിറയെ ആഘോഷത്തിന്റെ നിറദീപം തെളിയിച്ച് വിഷു. മലയാള മാസത്തെ അടിസ്ഥാനമാക്കി മേടം ഒന്നിനാണ് കാര്‍ഷിക ഉത്സവം കൂടിയായ വിഷു ആഘോഷിക്കുന്നത്. അടുത്ത ഒരു കൊല്ലത്തെ കുറിച്ചാണ് വിഷുവിലൂടെ ജനങ്ങള്‍ ചിന്തിക്കുന്നത്. കേരളത്തില്‍ ശ്രീകൃഷ്ണന്റെ ആരാധനയുമായി ബന്ധപ്പെട്ട് വിഷുവിന് പ്രാധാന്യമുണ്ട്. വിഷു എന്നാല്‍ തുല്യമായത് എന്നാണ് അര്‍ഥം. അതായത് രാത്രിയും പകലും തുല്യമായ ദിവസം. മേടം ഒന്നിന് മേട വിഷുവും തുലാം ഒന്നിനു തുലാ വിഷുവും ഉണ്ട്. ഒരു രാശിയില്‍നിന്ന് അടുത്ത രാശിയിലേക്ക് സൂര്യന്‍ പോകുന്നതിനെ …