Local News

വരന്തരപ്പിള്ളി പൗണ്ടില്‍ വ്യാഴാഴ്ച വൈകിട്ടുണ്ടായ ഇടിമിന്നലില്‍ കനത്ത നാശനഷ്ടം. രണ്ടു വീടുകളിലാണ് നാശനഷ്ടം സംഭവിച്ചത്. ഗൃഹോപകരണങ്ങളും വയറിംഗ് സാമഗ്രികളും കത്തി നശിച്ചു. ചെമ്പന്‍ സുള്‍ഫീക്കറിന്റെ വീടിന്റെ തറ ഇടിഞ്ഞു. സ്വിച്ച് ബോര്‍ഡുകള്‍, എസി, മോട്ടോര്‍, ഇന്‍വെര്‍ട്ടര്‍, ഫാനുകള്‍ എന്നിവ കത്തി നശിച്ചു. പൂച്ചേരി ജയയുടെ വീട്ടിലെ ഫാനുകള്‍, ടിവി, സ്വിച്ച് ബോര്‍ഡുകള്‍ ടിവി സെറ്റ് ടോപ്പ് ബോക്‌സ് എന്നിവയും കത്തി നശിച്ചു. കഴിഞ്ഞദിവസവും സമാനരീതിയില്‍ ഇടിമിന്നലേറ്റ് വെട്ടിങ്ങപ്പാടം താര്യം കണ്ടത്തില്‍ ത്രേസ്യാമ്മയുടെ വീട്ടിലും നാശനഷ്ടമുണ്ടായി.

കോണ്‍ഗ്രസ് നേതാവായിരുന്ന എം.പി. ഭാസ്‌കരന്‍ നായരുടെ 3-ാം ചരമവാര്‍ഷികദിനത്തില്‍ വൊണ്ടോരില്‍ അനുസ്മരണസമ്മേളനം സംഘടിപ്പിച്ചു. സമ്മേളനം മുന്‍ സ്പീക്കര്‍ തേറമ്പില്‍ രാമകൃഷ്ണന്‍ ഉദ്ഘാടനം ചെയ്തു. ഡിസിസി പ്രസിഡന്റ് ജോസ് വള്ളൂര്‍ അധ്യക്ഷനായി. ടി.ജെ. സനീഷ്‌കുമാര്‍ എംഎല്‍എ മുഖ്യപ്രഭാഷണം നടത്തി. യുഡിഎഫ് ജില്ലാ ചെയര്‍മാന്‍ എം.പി. വിന്‍സെന്റ്, മുന്‍ എംഎല്‍എ ടി.വി. ചന്ദ്രമോഹന്‍, എം.കെ. പോള്‍സണ്‍, കെപിസിസി സെക്രട്ടറി സുനില്‍ അന്തിക്കാട്, ഡിസിസി വൈസ് പ്രസിഡന്റ് ജോസഫ് ടാജറ്റ്, ഡിസിസി ജനറല്‍ സെക്രട്ടറി കെ. ഗോപാലകൃഷ്ണന്‍, സെബി കൊടിയന്‍, അലക്‌സ്

വരന്തരപ്പിള്ളി പഞ്ചായത്തിലെ കുഞ്ഞക്കര റോഡ് നവീകരിക്കുന്നു. റോഡിന്റെ നിര്‍മ്മാണോദ്ഘാടനം കെ.കെ. രാമചന്ദ്രന്‍ എംഎല്‍എ നിര്‍വഹിച്ചു. വരന്തരപ്പിള്ളി ഗ്രാമപഞ്ചായത്ത് പ്രസിഡന്റ് അജിത സുധാകരന്‍ അധ്യക്ഷത വഹിച്ചു. ഗ്രാമപഞ്ചായത്ത് വൈസ് പ്രസിഡന്റ് ടി.ജി. അശോകന്‍, വാര്‍ഡ് അംഗം പുഷ്പക്കാരന്‍ ഒറ്റാലി, ശ്രുതി രാഗേഷ്, കൊടകര ബ്ലോക്ക് പഞ്ചായത്ത് അസിസ്റ്റന്റ് എഞ്ചിനീയര്‍ രോഹിത് മേനോന്‍ എന്നിവര്‍ പ്രസംഗിച്ചു. എംഎല്‍എയുടെ മണ്ഡലം ആസ്തി വികസന ഫണ്ടില്‍ നിന്നും 30 ലക്ഷം രൂപ ചെലവഴിച്ചാണ് നിര്‍മാണം.

അതി ദാരിദ്ര പട്ടികയില്‍ ഗുണഭോക്താക്കളെ ദാരിദ്ര്യമുക്തരാക്കുന്നതിനുള്ള ഗ്രാമപഞ്ചായത്തിന്റെ പ്രവര്‍ത്തനത്തിന് പിന്തുണ നല്‍കി ഒരു അതിദാരിദ്ര്യ കുടുബത്തിന്റെ ചികിത്സ, ഭക്ഷണം, അടിസ്ഥാന സൗകര്യങ്ങള്‍ എന്നിവ നല്‍കുന്നതിലേക്കായി നെന്മണിക്കര ഗ്രാമപഞ്ചായത്തിലെ ഹരിതകര്‍മ്മസേനയും പങ്കാളികളാവുകയാണ്. തങ്ങള്‍ക്ക് ലഭിക്കുന്ന വേതനത്തില്‍ നിന്നും 15,000 രൂപ അതിദരിദ്രര്‍ക്കായി നല്‍കിക്കൊണ്ടാണ് ഹരിത കര്‍മ്മ സേന മാതൃകയായത്. നെന്മണിക്കര ഗ്രാമപഞ്ചായത്ത് എംസിഎഫില്‍ നടന്ന ചടങ്ങില്‍ ഗ്രാമപഞ്ചായത്തിന് വേണ്ടി ഹരിതകര്‍മ്മ സേനയില്‍ നിന്നും കെ.കെ. രാമചന്ദ്രന്‍ എംഎല്‍എ തുക ഏറ്റുവാങ്ങി. ചടങ്ങില്‍ നെന്മണിക്കര ഗ്രാമപഞ്ചായത്ത് പ്രസിഡന്റ് ടി.എസ്. ബൈജു,

സമാപന സമ്മേളനം കെ.കെ. രാമചന്ദ്രന്‍ എംഎല്‍എ ഉദ്ഘാടനം ചെയ്തു. ഓഫ് സ്‌റ്റേജ്, ഓണ്‍ സ്‌റ്റേജ്, സ്‌പോര്‍ട്‌സ്, ഗെയിംസ് വിഭാഗത്തിലായി 400 ല്‍ അധികം മത്സരാര്‍ത്ഥികളാണ് പങ്കെടുത്തത്. സമാപന സമ്മേളനത്തില്‍ വിജയികള്‍ക്കുള്ള സര്‍ട്ടിഫിക്കറ്റും ട്രോഫിയും കൈമാറി. അളഗപ്പനഗര്‍ ഗ്രാമപഞ്ചായത്ത് 418 പോയിന്റ് നേടി ഒന്നാം സ്ഥാനം കരസ്ഥമാക്കി. മറ്റത്തൂര്‍ ഗ്രാമപഞ്ചായത്തിനാണ് രണ്ടാം സ്ഥാനം. കൊടകര ബ്ലോക്ക് പഞ്ചായത്ത് പ്രസിഡന്റ് എം.ആര്‍. രഞ്ജിത്ത് സമാപന സമ്മേളനത്തിന് അധ്യക്ഷത വഹിച്ചു. മറ്റത്തൂര്‍ ഗ്രാമപഞ്ചായത്ത് പ്രസിഡന്റ് അശ്വതി വിബി, അളഗപ്പനഗര്‍ ഗ്രാമപഞ്ചായത്ത് പ്രസിഡന്റ്

വ്യാഴാഴ്ച രാവിലെ 8 മണിക്കായിരുന്നു സംഭവം. ഗേറ്റിന് മുന്നില്‍ നിര്‍ത്തിയിട്ടിരുന്ന സ്വകാര്യബസ് ബ്രേക്ക് നഷ്ടപ്പെട്ട് പുറകിലേക്ക് ഇറങ്ങി 5 ഇരുചക്രവാഹനങ്ങളിലേക്ക് കയറിയിറങ്ങിയാണ് അപകടം ഉണ്ടായത്. ഗേറ്റ് തുറക്കാനായി കാത്തുകിടന്നിരുന്ന വാഹനങ്ങളാണ് അപകടത്തില്‍പ്പെട്ടത്. ബസ് വരുന്നത് കണ്ട ഇരുചക്ര വാഹനങ്ങളിലെ യാത്രക്കാര്‍ വാഹനങ്ങളില്‍ നിന്നും ചാടിയിറങ്ങിയതിനാല്‍ വന്‍ ദുരന്തമാണ് ഒഴിവായത്. ഇരുചക്രവാഹനങ്ങള്‍ ബസിനടിയില്‍പ്പെട്ടു. ഓടിയിറങ്ങിയ യാത്രക്കാരില്‍ 2 പേര്‍ക്ക് നിസാര പരുക്കേറ്റു. വാഹനങ്ങള്‍ ഭാഗികമായി തകര്‍ന്നു. ചേര്‍പ്പില്‍ നിന്നും പുതുക്കാടേക്ക് വരികയായിരുന്ന ശ്രീ വടക്കുനാഥന്‍ എന്ന ബസാണ് അപകടത്തിനിടയാക്കിയത്.

സംഘം പ്രസിഡന്റ് പറപ്പൂക്കര സ്വദേശി നന്തിക്കര മുല്ലയ്ക്കല്‍ വീട്ടില്‍ ജയലാലിനെയാണ് നിക്ഷേപകരുടെ പരാതിയില്‍ പൊലീസ് കസ്റ്റഡിയില്‍ വാങ്ങിയത്. നിക്ഷേപകരില്‍ നിന്ന് പണം തട്ടി ഒളിവില്‍ പോയ ഇയാള്‍ക്കെതിരെ ഇരിങ്ങാലക്കുട മജിസ്‌ട്രേറ്റ് കോടതി വാറണ്ട് പുറപ്പെടുവിച്ചിരുന്നു. ഇതേ തുടര്‍ന്ന് പുതുക്കാട് പൊലീസ് ജയലാലിനെ കഴിഞ്ഞ 19 ന് അറസ്റ്റ് ചെയ്തിരുന്നു. പറപ്പൂക്കര സ്വദേശികളായ പ്രസന്നകുമാര്‍, ജോസ് എന്നിവരുടെ പരാതിയില്‍ കൂടുതല്‍ ചോദ്യം ചെയ്യുന്നതിനാണ് പ്രതിയെ കസ്റ്റഡിയില്‍ വാങ്ങിയത്. നന്തിക്കരയില്‍ പ്രവര്‍ത്തിച്ചിരുന്ന സംഘത്തിലെ 300 ഓളം പേരില്‍ നിന്നായി 1.40

റോഡിന്റെ നിര്‍മ്മാണോദ്ഘാടനം കെ.കെ. രാമചന്ദ്രന്‍ എംഎല്‍എ നിര്‍വഹിച്ചു. വരന്തരപ്പിള്ളി ഗ്രാമപഞ്ചായത്ത് പ്രസിഡന്റ് അജിത സുധാകരന്‍ അധ്യക്ഷത വഹിച്ചു. ബ്ലോക്ക് പഞ്ചായത്ത് അംഗം ഹേമലത നന്ദകുമാര്‍ സന്നിഹിതയായിരുന്നു. എംഎല്‍എയുടെ മണ്ഡലം ആസ്തി വികസന ഫണ്ടില്‍ നിന്നും 19 ലക്ഷം രൂപ ചെലവിലാണ് നവീകരണ പ്രവര്‍ത്തികള്‍ നടക്കുന്നത്

പുതുക്കാട് ഗ്രാമ പഞ്ചായത്ത് പ്രസിഡന്റ് കെ.എം ബാബുരാജ് ഉദ്ഘാടനം ചെയ്തു. മണ്ഡലം കോണ്‍ഗ്രസ് പ്രസിഡന്റ് ടി.എസ്. രാജു അധ്യക്ഷനായിരുന്നു. യുഡിഎഫ് ചെയര്‍മാന്‍ കെ.എല്‍. ജോസ്, ഷാജു കാളിയേങ്കര, ടി.വി. പ്രഭാകരന്‍, ഡേവീസ് അക്കര, രഞ്ജിത്ത് കൈപ്പിള്ളി, രജനി സുധാകരന്‍, ജോണ്‍സണ്‍ സാനി, വി.കെ. വേലുക്കുട്ടി, ടി.സി. രാജന്‍, ഷൈനി ജോജു, സുധന്‍ കാരയില്‍ എന്നിവര്‍ പ്രസംഗിച്ചു.

മഹാനവമി ദിനത്തില്‍ ക്ഷേത്രങ്ങളില്‍ സരസ്വതീപൂജ, ഗ്രന്ഥപൂജ, ആയുധപൂജ, വാഹനപൂജ എന്നിവ നടന്നു. നവരാത്രി പ്രമാണിച്ചു ക്ഷേത്രങ്ങളിലെ സരസ്വതീ മണ്ഡപത്തില്‍ വൈകിട്ടു സംഗീതാര്‍ച്ചനകളും മറ്റു കലാപരിപാടികളും ഒരുക്കിയിരുന്നു. വിജയദശമി ദിനത്തില്‍ ആദ്യാക്ഷരം കുറിക്കാനൊരുങ്ങുകയാണ് കുരുന്നുകള്‍. നാവിലും അരിയിലും ഹരിശ്രീ കുറിച്ച് ആചാര്യന്മാര്‍ കുരുന്നുകള്‍ക്ക് ആദ്യാക്ഷര മധുരമേകും. ആരാധനയുടെയും സംഗീതത്തിന്റെയും നൃത്തത്തിന്റെയും വിദ്യാരംഭത്തിന്റെയും ഉത്സവ ദിനമാണ് വിജയദശമി. ചൊവ്വാഴ്ച രാവിലെ സരസ്വതി പൂജയ്ക്ക് ശേഷമാണ് പൂജയെടുപ്പ്. തുടര്‍ന്ന് വിദ്യാരംഭം നടക്കും. ക്ഷേത്രങ്ങളിലും സാംസ്‌കാരിക കേന്ദ്രങ്ങളിലും അക്ഷരോപാസനാ കേന്ദ്രങ്ങളിലും വിദ്യാരംഭത്തിന് ഒരുക്കങ്ങള്‍

ടോള്‍ ഗേറ്റ് തുറന്നുവിട്ട് ടോള്‍ പിരിവ് നഷ്ടപ്പെടുത്തിയതിലും ഓട്ടോമാറ്റിക് ബാരിയറുകളും ക്യാമറകളും തകര്‍ത്തതിലുമാണ് നഷ്ടം. പൊതുമുതല്‍ നശിപ്പിച്ചതിന് ടോള്‍ കരാര്‍ കമ്പനിയുടെ പരാതിയില്‍ എംപിമാരായ ടി.എന്‍. പ്രതാപന്‍, രമ്യ ഹരിദാസ്, ഡിസിസി പ്രസിഡന്റ് ജോസ് വള്ളൂര്‍, അനില്‍ അക്കര, ജോസഫ് ടാജറ്റ് തുടങ്ങി കണ്ടാലറിയാവുന്ന 150 പേര്‍ക്കെതിരെ പുതുക്കാട് പൊലീസ് കേസെടുത്തു.

കാവല്ലൂര്‍ കൈപ്പിള്ളി വസന്തകുമാരിയുടെയും പരേതനായ രാമനാട്ട് രാമചന്ദ്രന്റെയും മകന്‍ ശ്രീജിത്താണ് മരിച്ചത്. 35 വയസായിരുന്നു. ഈ മാസം 14ന് രാത്രി 9ന് വട്ടണാത്രയില്‍ ബൈക്ക് നിയന്ത്രണം വിട്ട് വൈദ്യുത പോസ്റ്റില്‍ ഇടിച്ചാണ് അപകടം ഉണ്ടായത്. അപകടത്തില്‍ തലയ്ക്ക് ഗുരുതരമായി പരുക്കേറ്റ ശ്രീജിത്ത് തൃശൂരിലെ സ്വകാര്യ ആശുപത്രിയില്‍ ചികില്‍സയിലായിരുന്നു. ശനിയാഴ്ച പുലര്‍ച്ചെ 5.30 ഓടെയായിരുന്നു മരണം.

പാലിയേക്കരയില്‍ ടോള്‍ കൊള്ള നടത്തുവെന്നാരോപിച്ച് തൃശൂര്‍ ജില്ലാ കോണ്‍ഗ്രസ് കമ്മിറ്റിയുടെ നേതൃത്വത്തില്‍ നടത്തിയ ടോള്‍പ്ലാസ വളയല്‍ സമരമാണ് സംഘര്‍ഷത്തിലേക്ക് എത്തിയത്. പാലിയേക്കരയില്‍ നിന്നുമാണ് പ്രകടനം ആരംഭിച്ചത്. തുടര്‍ന്ന് ജിഐപിഎല്‍ ഓഫീസിന് മുന്നില്‍ നടന്ന സമരം ടി.എന്‍. പ്രതാപന്‍ എംപി ഉദ്ഘാടനം ചെയ്തു. എംപിയ്ക്കും ഡിസിഡി പ്രസിഡന്റിനും ജിഐപിഎല്‍ ഉദ്യോഗസ്ഥരുമായി സംസാരിക്കണമെന്ന നേതാക്കളുടെ ആവശ്യം പൊലീസ് തടഞ്ഞതാണ് സംഘര്‍ഷാവസ്ഥയ്ക്ക് തുടക്കമായത്. ഇതേസമയം പ്രവര്‍ത്തകര്‍ ടോള്‍ ബൂത്തുകള്‍ തുറന്ന് വാഹനങ്ങള്‍ കടത്തിവിടുകയും ചെയ്തു. പ്രവര്‍ത്തകരും പൊലീസും തമ്മില്‍ ഉന്തും തള്ളുമുണ്ടായി.

ഇരിങ്ങാലക്കുട ജനറല്‍ ആശുപത്രി കോമ്പൗണ്ടില്‍ പ്രവര്‍ത്തിക്കുന്ന സഖി വണ്‍ സ്റ്റോപ്പ് സെന്ററിലെ വിവിധ തസ്തികളിലേക്ക്   കരാര്‍ അടിസ്ഥാനത്തില്‍ ഒരു വര്‍ഷത്തേക്ക് നിയമിക്കുന്നതിന് അപേക്ഷ ക്ഷണിച്ചു. സ്ത്രീകള്‍ക്ക് മാത്രമാണ് അപേക്ഷിക്കാന്‍ സാധിക്കുക.  തസ്തികകള്‍ സെന്റര്‍ അഡ്മിനിസ്‌ട്രേറ്റര്‍ ജോലിസമയം 24 മണിക്കൂര്‍ – ഒഴിവുകളുടെ എണ്ണം – ഒന്ന്. ഹോണറേറിയം 32000 രൂപ. പ്രായപരിധി 25 – 45 വയസ്സ് .  യോഗ്യത –  നിയമം / സോഷ്യല്‍ വര്‍ക്ക് / സോഷ്യോളജി/ സോഷ്യല്‍ സയന്‍സ് / സൈക്കോളജി

നെന്മണിക്കര മഹാദേവ ടീ സ്റ്റാള്‍ ഉടമ സന്തോഷാണ് പായസവിതരണം നടത്തിയത്. വഴിയാത്രക്കാര്‍ക്കും തന്റെ കടയിലെത്തിയവര്‍ക്കും സ്‌കൂള്‍ വിദ്യാര്‍ഥികള്‍ക്കും ഇദ്ദേഹം പായസം വിതരണം ചെയ്തു. കടയ്ക്കുമുന്നില്‍ വിഎസിന് ജന്മദിനാശംസകള്‍ നേര്‍ന്നുകൊണ്ട് ഫ്‌ളക്‌സ് ബോര്‍ഡും ഇദ്ദേഹം സ്ഥാപിച്ചിരുന്നു. വിഎസിനെ കുറിച്ചുള്ള പത്രവാര്‍ത്തകളും ഇദ്ദേഹം ചുമരില്‍ സ്ഥാപിച്ചിരുന്നു. വിഎസിന്റെ 99-ാം പിറന്നാളും സന്തോഷിന്റെ ചായക്കടയില്‍ ആഘോഷമായിരുന്നു. അന്ന് 99 പേര്‍ക്ക് ലഡു വിതരണം ചെയ്തു. 100-ാം ജന്മദിനത്തോടനുബന്ധിച്ച് 100 പേര്‍ക്കാണ് ഇത്തവണ പായസവിതരണം ചെയ്തത്. തന്നെയും സാധാരണക്കാരെയും ഏറ്റവും കൂടുതല്‍ സ്വാധീനിച്ച

പുത്തന്‍പള്ളി വികാരി ഫാ. ഫ്രാന്‍സിസ് പള്ളിക്കുന്നത് കാര്‍മ്മികത്വം വഹിച്ചു. സാന്ത്വനം ഡയറക്ടര്‍ ഫാ. ജോയ് മൂക്കന്‍, വികാരി ഫാ. വര്‍ഗീസ് തരകന്‍, ഫാ. ജോസ് വട്ടകുഴി, ഫാ. ജീസ് തുണ്ടത്തില്‍, ഫാദര്‍ ഡിക്‌സണ്‍ കുളമ്പുറത്ത്, തൃക്കൂര്‍ പഞ്ചായത്ത് പ്രസിഡന്റ് സൈമണ്‍ നമ്പാടന്‍, വാര്‍ഡ് അംഗം സലീഷ് ചെമ്പാറ, ജോഷി കളപുര, ലിജോ പാറേക്കാട്ടില്‍, പോള്‍സണ്‍ പൂക്കോടന്‍, സജി പനോകാരന്‍ എന്നിവര്‍ സന്നിഹിതരായിരുന്നു. 

വാഹനാപകടത്തില്‍ പരുക്കേറ്റ് ചികിത്സയിലായിരുന്ന വരന്തരപ്പിള്ളി സ്വദേശിയായ യുവാവിനു വേണ്ടിയുള്ള ധനസമാഹരണം ആരംഭിക്കുന്നതിനിടെയാണ് കാരുണ്യത്തിന് കാത്തുനില്‍ക്കാതെ യുവാവ് യാത്രയായത്. വേപ്പൂര്‍ സ്വദേശി ഇരുപ്പത്താനി സുരേന്ദ്രന്‍ മകന്‍ 25 വയസ്സുള്ള ജിഷ്ണുവാണ് മരിച്ചത്. സെപ്റ്റംബര്‍ 17 നാണ് ജിഷ്ണുവിന് ബൈക്ക് അപകടത്തില്‍ ഗുരുതരമായി പരുക്കേറ്റത്. വെന്റിലേറ്ററിന്റെ സഹായത്തോടെയാണ് ജീവന്‍ നിലനിര്‍ത്തിയിരുന്നത്. ഇരു വൃക്കകളും തകരാറിലായതിനെതുടര്‍ന്ന് ദിവസവും ഡയാലിസിസ് നടത്തിയായിരുന്നു മുന്നോട്ടു പോയിരുന്നത്. തുടര്‍ചികിത്സ നടത്താന്‍ സാധിക്കാതെ ക്ലേശിച്ച കുടുംബത്തെ സഹായിക്കുന്നതിന് അളഗപ്പനഗര്‍ പഞ്ചായത്ത് പ്രസിഡന്റും വാര്‍ഡ് അംഗവും നാട്ടുകാരും ചേര്‍ന്ന്

വാഹനമിടിച്ച് തകരാറിലായ പുതുക്കാട് റെയില്‍വേ ഗേറ്റിന്റെ അറ്റകുറ്റപ്പണികള്‍ പൂര്‍ത്തിയായി. ബുധനാഴ്ച രാവിലെയാണ് വാഹനമിടിച്ച് തകരാറിലായ പുതുക്കാട് റെയില്‍വേ ഗേറ്റ് അറ്റകുറ്റപ്പണികള്‍ക്കായി അടച്ചത്. ബുധനാഴ്ച പുലര്‍ച്ചെയാണ് വാഹനം ഇടിച്ച് ഗേറ്റ് തകരാറിലായതെന്നാണ് പ്രാഥമിക വിവരം. ഗേറ്റ് കണ്‍ട്രോള്‍ റൂമിന്റെ എതിര്‍വശത്തുള്ള ഗേറ്റാണ് തകരാറിലായത്. രണ്ടാഴ്ച മുന്‍പാണ് ഇവിടെ അറ്റകുറ്റപ്പണികള്‍ നടത്തിയത്. ഇടിച്ച വാഹനം കണ്ടെത്താനായിട്ടില്ല. പെട്ടെന്ന് ഗേറ്റ് അടച്ചിട്ടത് യാത്രക്കാരെയും വലച്ചിരുന്നു. ബുധനാഴ്ച ഉച്ചയ്ക്ക് 1.30 ഓടെയാണ് പ്രശ്‌നം പരിഹരിച്ചത്.

വരന്തരപ്പിള്ളി പഞ്ചായത്തിലെ നന്തിപുലം നിലംപതിമാട്ടുമല വരന്തരപ്പിള്ളി റോഡിന്റെ നിര്‍മ്മാണോദ്ഘാടനം ടി.എന്‍. പ്രതാപന്‍ എം.പി നിര്‍വ്വഹിച്ചു. ചടങ്ങില്‍ കെ.കെ. രാമചന്ദ്രന്‍ എംഎല്‍എ അധ്യക്ഷനായി. ജില്ലാ പഞ്ചായത്ത് അംഗങ്ങളായ വി.എസ്. പ്രിന്‍സ്, സരിത രാജേഷ് എന്നിവര്‍ മുഖ്യാതിഥികളായി. പഞ്ചായത്ത് പ്രസിഡന്റ് അജിത സുധാകരന്‍, ബ്ലോക്ക് പഞ്ചായത്ത് അംഗം ഹേമലത നന്ദകുമാര്‍, വരന്തരപ്പിള്ളി പഞ്ചായത്ത് വൈസ് പ്രസിഡന്റ് ടി.ജി. അശോകന്‍, ആരോഗ്യ വിദ്യാഭ്യാസ സ്റ്റാന്‍ഡിങ് കമ്മിറ്റി അധ്യക്ഷ റോസിലി തോമാസ്, പഞ്ചായത്തംഗങ്ങളായ രാധികാ സുരേഷ്, ജോജോ പിണ്ടിയാന്‍, രജനി ഷിനോയ്, കലാപ്രിയ

കല്ലേറ്റുങ്കര കെ. കരുണാകരന്‍ മെമ്മോറിയല്‍ മോഡല്‍ പോളിടെക്‌നിക് കോളജില്‍ ഡാറ്റ എന്‍ട്രി ഓപ്പറേറ്റര്‍ ട്രെയിനിയുടെ താത്കാലിക ഒഴിവുണ്ട്. ബിഎസ്‌സി കമ്പ്യൂട്ടര്‍ സയന്‍സ് അല്ലെങ്കില്‍ ബിരുദവും പി.ജി.ഡി.സി.എയും യോഗ്യത ഉള്ളവരെ പരിഗണിക്കും. കൂടിക്കാഴ്ച ഈ മാസം 20ന് രാവിലെ 10ന്.