Author name: nctv news

മറ്റത്തൂർ ചാഴിക്കാട് സ്വകാര്യ വ്യക്തിയുടെ ഉടമസ്ഥതയിലുള്ള മരക്കമ്പനി വ്യാഴാഴ്ച പുലർച്ച ഭാഗികമായി കത്തി നശിച്ചു. സമീപവാസികളാണ് കമ്പനിയിൽ നിന്ന് പുലർച്ചെ നാലോടെ തീയും പുകയും ഉയരുന്നത് കണ്ടത്. നാട്ടുകാർ ഓടികൂടി തീയണച്ചു. ഷോർട് സർക്യൂട്ട് മൂലമാണ് തീപ്പിടുത്തമുണ്ടായതെന്ന് സംശയിക്കുന്നു. കമ്പനിയിലുണ്ടായിരുന്ന നാലു മോട്ടോറുകളും അനുബന്ധ സാമഗ്രികളും മരത്തടികളും കത്തി നശിച്ചു. പത്തുലക്ഷത്തിലേറെ നഷ്‌ടം സംഭവിച്ചതായി കമ്പനി ഉടമ തേവർപ്പാടം സ്വദേശി പള്ളിപ്പുറത്ത് ശരവണൻ പറഞ്ഞു.

കോടാലി: മാങ്കുറ്റിപ്പാടത്ത് പ്രവര്‍ത്തിക്കുന്ന തപസ്യ റീഹാബിലിറ്റേഷന്‍ കേന്ദ്രത്തിന്റെ കോമ്പൗണ്ടില്‍ നിന്നിരുന്ന ചന്ദനമരം മോഷണം പോയതായി പരാതി. തപസ്യ കേന്ദ്രത്തിന്റെ കോമ്പൗണ്ടില്‍ കനാല്‍ ബണ്ട് റോഡിനേടു ചേര്‍ന്നു നിന്നിരുന്ന 18 ഇഞ്ച് വണ്മമുള്ള വലിയ ചന്ദനമരമാണ് കഴിഞ്ഞ രാത്രി മോഷ്ടിക്കപ്പെട്ടത്. ചന്ദനം മുറിച്ചുനീക്കാനുള്ള അനുമതിക്കായി റീഹാബിലിറ്റേഷന്‍ കേന്ദ്രം നടത്തിപ്പുകാര്‍ അധികൃതരുടെ അനുമതിക്കായി അപേക്ഷ നല്‍കി കാത്തിരിക്കുന്നതിനിടെയാണ് ചന്ദനമരം മോഷ്ടിക്കപ്പെട്ടത്. വെള്ളിക്കുളങ്ങര പൊലീസില്‍ പരാതി നല്‍കി.

ശക്തമായ മഴയില്‍ മണ്ണംപേട്ട പൂക്കോടില്‍ വീട്ടുമതില്‍ ഇടിഞ്ഞുവീണു. പൂക്കോട് നെടുമാത്തുമ്മല്‍ ശ്രീകാന്തിന്റെ വീടിന്റെ പുറകുവശത്തെ മതിലാണ് ഇടിഞ്ഞത്. ശനിയാഴ്ച രാവിലെ 9 മണിയോടെയാണ് സംഭവം. മൂന്ന് മാസം മുന്‍പ് നിര്‍മ്മിച്ച കോണ്‍ക്രീറ്റ് മതിലാണ് തകര്‍ന്നുവീണത്. 50 മീറ്ററിലേറെ നീളത്തിലുള്ള മതില്‍ അഞ്ചടിയോളം താഴ്ചയിലേക്ക് പതിക്കുകയായിരുന്നു. മണ്ണിടിഞ്ഞതാണ് മതില്‍ തകരാന്‍ കാരണമെന്ന് കരുതുന്നു. വീട്ടുകാര്‍ വിവരമറിയിച്ചതിനെ തുടര്‍ന്ന് പഞ്ചായത്ത് അധികൃതർ സ്ഥലത്തെത്തി.

കനത്ത മഴയില്‍ ചെങ്ങാലൂരില്‍ കിണര്‍ ഇടിഞ്ഞുതാഴ്ന്നു. ചെങ്ങാലൂര്‍ മറവാഞ്ചേരി പൊന്‍മണിശ്ശേരി അന്തോണിയുടെ വീട്ടുകിണറാണ് വെള്ളിയാഴ്ച പെയ്ത കനത്ത മഴയില്‍ പൂര്‍ണ്ണമായും തകര്‍ന്നത്. അന്തോണിയുടെ വീടിനോട് ചേര്‍ന്നുള്ള കിണര്‍ പെട്ടെന്ന് വലിയ ശബ്ദത്തോടെ ഇടിഞ്ഞുതാഴുകയായിരുന്നു. കിണറിന്റെ മുകളില്‍ സ്ഥാപിച്ചിരുന്ന വാട്ടര്‍ മോട്ടോറും പൈപ്പുകളും ഉള്‍പ്പെടെയുള്ള സാമഗ്രികള്‍ ഇതോടൊപ്പം കിണറ്റിനുള്ളിലേക്ക് പതിച്ചു. വലിയ അളവില്‍ മണ്ണും അവശിഷ്ടങ്ങളും വീണതിനെ തുടര്‍ന്ന് മോട്ടോര്‍ പൂര്‍ണ്ണമായും മണ്ണിനടിയിലായ നിലയിലാണ്. വീട്ടിലെ ഏക കുടിവെള്ള സ്രോതസ്സാണ് മഴക്കെടുതിയില്‍ തകര്‍ന്നിരിക്കുന്നത്. സംഭവമറിഞ്ഞ് പഞ്ചായത്ത് അംഗം ജോയ്