പതിവുതെറ്റിക്കാതെ ഈ ലോകകപ്പു കാലത്തും തന്റെ ഇഷ്ട ടീമിനോടുള്ള ആരാധന വേറിട്ട രീതിയില് പ്രകടിപ്പിക്കുകയാണ് കോടാലി സ്വദേശി നെല്ലിക്കാവിള ബാബു. അര്ജന്റീന ടീമിന്റെ കടുത്ത ആരാധകനായ ബാബു തന്റെ ബൈക്കിന് അര്ജന്റീന പതാകയുടെ നിറം കൊടുത്തിരിക്കുകയാണ്. ബൈക്കിന്റെ പെട്രോള് ടാങ്കിനു പുറത്ത് അര്ജന്റീന ടീമിലെ കളിക്കാരുടെ ചിത്രവും 48 കാരനായ ബാബു പതിച്ചിട്ടുണ്ട്. ഇതിനെല്ലാം പുറമെ തന്റെ മുടി താഴ്ത്തി വെട്ടി ഫുട്ബോളിന്റെ മാതൃകയിലാക്കുക കൂടി ചെയ്തിരിക്കുകയാണ് ബാബു. 2018ലും 2014ലും ലോകകപ്പ് കാലത്ത് ഇതേ രീതിയില് ബാബു തന്റെ ഇഷ്ട ടീമിനോടുള്ള ആരാധന പ്രകടമാക്കിയിരുന്നു.
തല ഫുട്ബോളാക്കിയും ബൈക്ക് നിറം മാറ്റിയും അര്ജന്റീനിയുടെ ആരാധകന്
