ഡെങ്കിപ്പനി ബാധിച്ച് യുവതി മരിച്ചു
ഡെങ്കിപ്പനി ബാധിച്ച് യുവതി മരിച്ചു. നെന്മണിക്കര ചിറങ്ങര ഇല്ലിക്കല്‍ നെല്‍സണ്‍ ഭാര്യ നീതു (32) ആണ് മരിച്ചത്. സംസ്‌കാരം ഇന്ന് (02.09.2023) വൈകീട്ട് 5ന് നെന്മണിക്കര സെന്റ് മേരീസ് പള്ളിയില്‍.
latest news
കുടുംബവഴക്കിനിടെ ഭാര്യാപിതാവിന് കുത്തേറ്റു; മരുമകനെ പൊലീസ് കസ്റ്റഡിയിലെടുത്തു
വെള്ളിക്കുളങ്ങര നീരാട്ടു കുഴിയില്‍ കുടുംബ വഴക്കിനെ തുടര്‍ന്ന് യുവാവ് ഭാര്യ പിതാവിനെ കുത്തി പരുക്കേല്‍പ്പിച്ചു. കഴുത്തില്‍ ആഴത്തില്‍ കുത്തേറ്റ നീരാട്ടുകുഴി തെക്കേടത്ത് സന്തോഷിനെ (50) ചാലക്കുടി സെന്റ് ജെയിംസ് ആശുപത്രിയില്‍ പ്രവേശിപ്പിച്ചു. ഇയാളുടെ മരുമകന്‍ പരിയാരം സ്വദേശി രഞ്ജിത്തിനെ വെള്ളിക്കുളങ്ങര പൊലിസ് കസ്റ്റഡിയിലെടുത്തു.
ദേശീയപാത 544 ലെ പാലിയേക്കര ടോളില്‍ നിരക്ക് വര്‍ധിപ്പിച്ച കരാര്‍ കമ്പനിയുടെ നീക്കം പ്രതിഷേധാര്‍ഹമാണെന്ന് കെ.കെ. രാമചന്ദ്രന്‍ എംഎല്‍എ അറിയിച്ചു
കരാറില്‍ പറഞ്ഞിട്ടുള്ള സര്‍വീസ് റോഡുകളുടെ നിര്‍മാണം പൂര്‍ത്തീകരിക്കാതെയും സൗകര്യങ്ങള്‍ ഏര്‍പ്പെടുത്താതെയുമാണ് ടോള്‍ കമ്പനി സെപ്റ്റംബര്‍ ഒന്നു മുതല്‍ നിരക്ക് വര്‍ധിപ്പിച്ചത്. അപകടം കുറയ്ക്കുന്നതിന് ആവശ്യമായ സുരക്ഷാ നടപടികള്‍ സ്വീകരിക്കുന്നതിനും കൃത്യമായ സിഗ്‌നല്‍ സംവിധാനങ്ങള്‍ ഏര്‍പ്പെടുത്തുന്നതിനും കരാര്‍ കമ്പനി പരാജയപ്പെട്ടിരിക്കുകയാണ്. ബസ്സ് ബേകളും ബസ്സ് സ്റ്റോപ്പുകളുടെ നിര്‍മ്മാണവും പൂര്‍ത്തീകരിക്കാതെയുമാണ് കരാര്‍ കമ്പനി നിരക്ക് വര്‍ദ്ധിപ്പിക്കുന്നത്. കരാര്‍ കമ്പനിയുടെ ഈ നീക്കം ജനങ്ങളോടുള്ള വെല്ലുവിളിയാണെന്നും എംഎല്‍എ കൂട്ടിച്ചേര്‍ത്തു.
ലൈഫ് പദ്ധതി പ്രകാരം പറപ്പൂക്കര ഗ്രാമപഞ്ചായത്തിലെ പോങ്കാത്രയില്‍ നിര്‍മ്മാണം പൂര്‍ത്തീകരിച്ച വീട് എസ്‌സി ഗുണഭോക്താവിന് കൈമാറി
12-ാം വാര്‍ഡിലെ വടക്കുംകര അമ്മിണി വേലായുധനാണ് വീട് ലഭിച്ചത്. ലൈഫ് പദ്ധതി മുഖേന വീട് ലഭിക്കുന്ന ആദ്യ എസ്‌സി ഗുണഭോക്താവാണ് അമ്മിണി. കെ.കെ. രാമചന്ദ്രന്‍ എംഎല്‍എ താക്കോല്‍ദാനം നടത്തി. പറപ്പൂക്കര ഗ്രാമപഞ്ചായത്ത് പ്രസിഡണ്ട് ഇ.കെ. അനൂപ്, വികസന സ്റ്റാന്‍ഡിങ് കമ്മിറ്റി ചെയര്‍മാന്‍ കെ.സി. പ്രദീപ് എന്നിവര്‍ സന്നിഹിതരായിരുന്നു.
ചന്ദനം മുറിച്ചുകടത്തുന്നതിനിടെ 2 പേര്‍ പിടിയില്‍, പ്രതികളെ പിടികൂടുന്നതിനിടെ 4 വനപാലകര്‍ക്ക് പരുക്ക്, മറ്റു 2 പ്രതികള്‍ ഓടിരക്ഷപ്പെട്ടു
കോടശേരി റിസര്‍വ് വനത്തിലെ ചുങ്കാലില്‍ നിന്നും ചന്ദനമരങ്ങള്‍ മുറിച്ചു കടത്തുകയായിരുന്ന രണ്ടുപേരെ വനംവകുപ്പ് ഉദ്യോഗസ്ഥര്‍ സാഹസികമായി പിടികൂടി. സേലം ഏര്‍ക്കാട് കുത്തുമൂത്തൂല്‍ സ്വദേശി മാതേശ്വരന്‍(36), ഏര്‍ക്കാട് മാരാമംഗലം സ്വദേശി ദേവേന്ദ്രന്‍(34) എന്നിവരാണ് പിടിയിലായത്. മറ്റുരണ്ടുപേര്‍ ഓടി രക്ഷപ്പെട്ടു. പ്രതികളെ പിടികൂടുന്നതിനിടെ ചന്ദനമോഷ്ടാക്കളുടെ ആക്രമണത്തില്‍ വനപാലക സംഘത്തിലെ നാലുപേര്‍ക്ക് പരിക്കേറ്റു. സെക്ഷന്‍ ഫോറസ്റ്റ് ഓഫീസര്‍ സനീഷ്‌കുമാര്‍, ബീറ്റ് ഓഫീസര്‍മാരായ വി.എന്‍. വിനോദ്കുമാര്‍, അഭിലാഷ്, താല്‍ക്കാലിക വാച്ചര്‍ ടി.ആര്‍. അഖില്‍ എന്നിവര്‍ക്കാണ് പരിക്കേറ്റത്. ഇവരില്‍ വിനോദ്കുമാറിനെ തൃശൂര്‍ ജില്ല ആശുപത്രിയിലും …
കൊടകര ബ്ലോക്ക് പഞ്ചായത്ത് ഓണാഘോഷം 2023 സംഘടിപ്പിച്ചു
കെ.കെ. രാമചന്ദ്രന്‍ എംഎല്‍എ ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്റ് എം.ആര്‍. രഞ്ജിത്ത് അധ്യക്ഷത വഹിച്ചു. ബ്ലോക്ക് പഞ്ചായത്ത് വൈസ് പ്രസിഡന്റ് ഷീല മനോഹരന്‍, വികസനകാര്യ സ്റ്റാന്‍ഡിങ് കമ്മിറ്റി ചെയര്‍മാന്‍ അല്‍ജോ പുളിക്കന്‍, ബ്ലോക്ക് പഞ്ചായത്ത് സെക്രട്ടറി കെ.കെ. നിഖില്‍ എന്നിവര്‍ പ്രസംഗിച്ചു.
തൃക്കൂര്‍ പള്ളിയറ പാടംവഴിയിലെ റോഡരികില്‍ പെരുമ്പാമ്പിനെ ചത്തനിലയില്‍ കണ്ടെത്തി
ശനിയാഴ്ച രാവിലെയാണ് പെരുമ്പാമ്പിനെ കണ്ടത്. തൃക്കൂര്‍ പഞ്ചായത്ത് പ്രസിഡന്റ് സൈമണ്‍ നമ്പാടന്‍ പാലപ്പിള്ളി റേഞ്ച് ഓഫീസില്‍ അറിയിച്ചു. തുടര്‍ന്ന് റേഞ്ച് ഓഫീസര്‍ പ്രേം ഷെമീറിന്റെ നേതൃത്വത്തിലുള്ള വനംവകുപ്പ് ഉദ്യോഗസ്ഥര്‍ സ്ഥലത്തെത്തി പാമ്പിനെ കൊണ്ടുപോയി. രാത്രിയില്‍ റോഡ് മുറിച്ചു കടക്കുമ്പോള്‍ വാഹനമിടിച്ചാവാം പാമ്പ് ചത്തെതെന്ന പ്രാഥമിക നിഗമനത്തിലാണ് വനം വകുപ്പ് അധികൃതര്‍. ഇരവിഴുങ്ങിയ നിലയിലായിരുന്നു പാമ്പ് റോഡരികില്‍ കിടന്നത്. മണിക്കൂറുകള്‍ പിന്നിട്ടതോടെ സ്ഥലത്ത് ദുര്‍ഗന്ധവും വമിക്കാന്‍ തുടങ്ങിയിരുന്നു. നാട്ടുകാരാണ് പഞ്ചായത്തധികൃതരെ വിവരം അറിയിച്ചത്.
ജില്ലയില്‍ വിവിധ പ്രദേശങ്ങളില്‍ നിന്നുമായി എച്ച്‌വണ്‍ എന്‍വണ്‍ കേസുകള്‍ റിപ്പോര്‍ട്ട് ചെയ്തതിന്റെ അടിസ്ഥാനത്തില്‍ ജലദോഷം, പനി, ചുമ, കഫക്കെട്ട് തുടങ്ങി ഏതെങ്കിലും തരത്തിലുള്ള രോഗ ലക്ഷണങ്ങള്‍ ഉണ്ടായാല്‍ നിസ്സാരമായി കാണാതെ ഉടന്‍ തന്നെ അടുത്തുള്ള ആരോഗ്യ കേന്ദ്രത്തില്‍ പോയി വിദഗ്ദ സഹായം തേടണമെന്ന് ജില്ലാ മെഡിക്കല്‍ ഓഫീസര്‍ അറിയിച്ചു
വായുവിലൂടെ പകരുന്ന വൈറല്‍ പനിയാണ് എച്ച് വണ്‍ എന്‍ വണ്‍. പനി, ജലദോഷം, ചുമ, തൊണ്ടവേദന, ശ്വാസതടസ്സം എന്നിവയാണ് സാധാരണ കാണുന്ന രോഗ ലക്ഷണങ്ങള്‍. തുടക്കത്തില്‍ തന്നെ ചികിത്സിക്കുകയാണെങ്കില്‍ പ്രശ്‌നം ഗുരുതരമാകാതെ ശ്രദ്ധിക്കാന്‍ സാധിക്കും. ഈ ലക്ഷണങ്ങള്‍ പ്രത്യേകിച്ച് ഗര്‍ഭിണികള്‍, പ്രായമായവര്‍, ചെറിയ കുട്ടികള്‍, മറ്റേതെങ്കിലും രോഗമുള്ളവര്‍ തുടങ്ങിയവരില്‍ കണ്ടാല്‍ കൂടുതല്‍ ശ്രദ്ധ ചെലുത്തേണ്ടതാണ്. പലപ്പോഴും ഇങ്ങനെയുള്ള ലക്ഷണങ്ങള്‍ നിസ്സാരമായി തള്ളിക്കളയുകയും ചികിത്സ വൈകുകയും ചെയ്യുന്നതു കൊണ്ടാണ് അപകടാവസ്ഥയില്‍ എത്തുന്നതും മരണം വരെ സംഭവിക്കുകയും ചെയ്യുന്നത്. ജില്ലയിലെ …
വിപണിയിലെ വിലക്കയറ്റത്തെ പിടിച്ചുനിര്‍ത്തുന്നതിനായി സംസ്ഥാന സര്‍ക്കാരിന്റെ നേതൃത്വത്തില്‍ സപ്ലൈകോ വഴി നടത്തുന്ന ഓണ ചന്തകള്‍ക്ക് ആരംഭമായി
പുതുക്കാട് മണ്ഡലം തല ഓണം ഫെയര്‍ കെ.കെ. രാമചന്ദ്രന്‍ എംഎല്‍എ ഉദ്ഘാടനം ചെയ്തു. കൊടകര ബ്ലോക്ക് പഞ്ചായത്ത് പ്രസിഡന്റ് എം. ആര്‍. രഞ്ജിത്ത് അധ്യക്ഷത വഹിച്ചു. പുതുക്കാട് പഞ്ചായത്ത് വൈസ് പ്രസിഡന്റ് ഷൈനി ജോജു ആദ്യ വില്പന നടത്തി. താലൂക്ക് സപ്ലൈകോ ഓഫീസര്‍ പി.സി. നന്ദകുമാര്‍ സന്നിഹിതനായിരുന്നു.
ഓണം വിപണിയില്‍ ന്യായവിലയില്‍ വിഷരഹിത പച്ചക്കറികളും മറ്റ് ഉത്പ്പന്നങ്ങളും എത്തിച്ച് പൊലിമ പുതുക്കാടിന്റെ മൂന്നാംഘട്ട പ്രവര്‍ത്തനങ്ങള്‍ ലക്ഷ്യപ്രാപ്തിയിലേക്ക്
പൊലിമ പുതുക്കാടിന്റെ ഭാഗമായി മൂന്നാംഘട്ട കൃഷിയുടെ മണ്ഡലംതല വിളവെടുപ്പ് നടത്തി. നെന്മണിക്കര പഞ്ചായത്തിലെ പുലക്കാട്ടുകരയില്‍ നടന്ന പരിപാടിയില്‍ കെ.കെ. രാമചന്ദ്രന്‍ എംഎല്‍എ ഉദ്ഘാടനം നിര്‍വഹിച്ചു ഗ്രാമപഞ്ചായത്ത് പ്രസിഡന്റ് ടി.എസ്. ബൈജു അധ്യക്ഷത വഹിച്ചു. ജില്ലാ പഞ്ചായത്ത് അംഗങ്ങളായ വി.എസ്. പ്രിന്‍സ്, ജോസഫ് ടാജറ്റ്, ബ്ലോക്ക് ഗ്രാമ പഞ്ചായത്ത് അംഗങ്ങള്‍, കൃഷി ഓഫീസര്‍, തലോര്‍ ബാങ്ക് പ്രസിഡന്റ് എം.കെ. സന്തോഷ്, കുടുംബശ്രീ പ്രവര്‍ത്തകര്‍ തുടങ്ങിയവര്‍ പങ്കെടുത്തു. ഓണം വിപണിയില്‍ ന്യായമായ വിലയില്‍ ജനങ്ങളിലേക്ക് വിഷ രഹിതമായ പച്ചക്കറികളും മറ്റ് …
പ്രളയത്തില്‍ തകര്‍ന്ന കാരുര്‍ചിറ ബണ്ട് റോഡ് നിര്‍മാണം പാതിവഴിയില്‍
https://youtu.be/fTkZWv5wTiI
കാപ്പാ നിയമപ്രകാരം വെള്ളിക്കുളങ്ങര സ്‌റ്റേഷന് പരിധിയിലെ ഗുണ്ടയ്‌ക്കെതിരെ നടപടി
നിരവധി ക്രിമിനല്‍ കേസുകളിലെ പ്രതിയായ കുറ്റിച്ചിറ മാരംകോട് സ്വദേശി പുത്തന്‍കുടിയില്‍ വീട്ടില്‍ മനു ബാലനെയാണ് കാപ്പ ചുമത്തി തടങ്കലിലാക്കിയത്. 2022 ല്‍ കാപ്പ ചുമത്തി ഒരു വര്‍ഷത്തേക്ക് നാടു കടത്തിയിരുന്നു. തിരിച്ചെത്തിയ ഇയാള്‍ വീണ്ടും വധശ്രമ കേസില്‍ ഉള്‍പെട്ടതിനെ തുടര്‍ന്നാണ് വീണ്ടും കാപ്പ ചുമത്തി 6 മാസത്തേക്ക് തടങ്കലില്‍ ആക്കിയത്. മനു ബാലന്‍ മൂന്നു വധശ്രമ കേസ്സുകള്‍ ഉള്‍പ്പടെ പതിനൊന്നോളം ക്രിമിനല്‍ കേസ്സുകളില്‍ പ്രതിയാണ്.
പറപ്പൂക്കര പഞ്ചായത്തിന്റെ നേതൃത്വത്തില്‍ നിര്‍ദ്ദനര്‍ക്ക് ഓണപുടവയും ഹരിത സേനാംഗങ്ങള്‍ക്ക് ബോണസും വിതരണം ചെയ്തു
ചലച്ചിത്ര താരം ജയരാജ് വാരിയര്‍ ഉദ്ഘാടനം ചെയ്തു. പഞ്ചായത്ത് വൈസ് പ്രസിഡന്റ് എം.കെ. ശൈലജ അദ്ധ്യക്ഷയായി. പ്രസിഡന്റ് ഇ.കെ. അനൂപ്, ഇരിങ്ങാലക്കുട ബ്ലോക്ക് പഞ്ചായത്ത് സ്ഥിരം സമിതി അദ്ധ്യക്ഷ കാര്‍ത്തിക ജയന്‍, സെക്രട്ടറി ജി. സബിത എന്നിവര്‍ പ്രസംഗിച്ചു.
കൊടകര ബിആര്‍സിയുടെ കീഴില്‍ പ്രവര്‍ത്തിക്കുന്ന ചെങ്ങാലൂര്‍ ഓട്ടിസം പാര്‍ക്കില്‍ എസ്എസ്എല്‍സി, പ്ലസ്ടു പരീക്ഷകളില്‍ വിജയം നേടിയ വിദ്യാര്‍ഥികളെ അനുമോദിച്ചു
പുതുക്കാട് പഞ്ചായത്ത് പ്രസിഡന്റ്‌കെ എം ബാബുരാജ് അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡന്റ് എം.ആര്‍. രഞ്ജിത്ത്, ജില്ലാ പഞ്ചായത്ത് അംഗം സരിത രാജേഷ്, പഞ്ചായത്ത് വൈസ് പ്രസിഡന്റ് ഷൈനി ജോജു, തൃശ്ശൂര്‍ ജില്ലാ പ്രോഗ്രാം ഓഫീസര്‍ കെ.ബി ബ്രിജി, ബിആര്‍സി ബിപിസി വി.ബി. സിന്ധു, ചെങ്ങാലൂര്‍ ജിഎല്‍പിഎസ് പ്രധാനധ്യാപകന്‍ എം.വി. തോമസ്, ട്രെയിനര്‍മാരായ ഫേബ കെ. ഡേവിഡ്, സി.കെ. രാധാകൃഷ്ണന്‍, സ്‌പെഷ്യല്‍ എഡ്യൂക്കേറ്റര്‍ ആന്റണി ജോസ് എന്നിവര്‍ പ്രസംഗിച്ചു. കുട്ടികള്‍ക്കായി മിനി അക്വാറിയവും വിതരണം ചെയ്തു.
പറപ്പൂക്കര പള്ളത്ത് വന്‍ സ്പിരിറ്റ് വേട്ട; 1500 ലീറ്റര്‍ സ്പിരിറ്റും 300 ലീറ്റര്‍ വ്യാജ കള്ളും പിടിച്ചെടുത്തു. ഗോഡൗണ്‍ നടത്തിപ്പുക്കാരന്‍ അറസ്റ്റില്‍. 2 വാഹനങ്ങളും പിടിച്ചെടുത്തു
ഗോഡൗണ്‍ നടത്തിപ്പുക്കാരന്‍ ഗുരുവായൂര്‍ ചൊവ്വല്ലൂര്‍പടി തൈക്കാട് സ്വദേശി അരീക്കര വീട്ടില്‍ 28 വയസുള്ള അരുണാണ് അറസ്റ്റിലായത്. സ്പിരിറ്റ് കടത്തിന് ഉപയോഗിച്ചിരുന്ന 2 വാഹനങ്ങളും വ്യാജ കള്ള് നിര്‍മാണ സാമഗ്രികളും പുതുക്കാട് പൊലീസ് പിടികൂടി. വീട് വാടകയ്‌ക്കെടുത്ത് അതീവ രഹസ്യമായി പ്രവര്‍ത്തിച്ചിരുന്ന ഗോഡൗണാണ് പൊലീസ് സംഘം കണ്ടെത്തിയത്. വീര്യം കൂടിയ വ്യാജകള്ള് തയ്യാറാക്കുന്നതിനാണ് സ്പിരിറ്റ് കൊണ്ടുവന്നിരുന്നത്. ചാലക്കുടി ഡിവൈഎസ്പി ടി.എസ്. സിനോജും സംഘവും ചേര്‍ന്നാണ് സ്പിരിറ്റ് വേട്ട നടത്തിയത്. ഓണത്തോടനുബന്ധിച്ച് വ്യാജമദ്യ ഉല്‍പാദനവും വിതരണവും ഉണ്ടാകുവാന്‍ ഇടയുണ്ടെന്ന് ലഭിച്ച …
തൃശൂരിൽ ബസ് പാടത്തേക്ക് മറിഞ്ഞ് അപകടം, 30 ലേറെ പേർക്ക് പരിക്ക്, യാത്രക്കാരിൽ ഭൂരിഭാഗവും വിദ്യാർത്ഥികൾ
കണിമംഗലത്ത് ബസ് പാടത്തേക്ക് മറിഞ്ഞ് അപകടം. തൃപ്പയാറിൽ നിന്നും പുറപ്പെട്ട് തൃശൂർ ഭാഗത്തേക്ക് സർവീസ് നടത്തുന്ന ക്രൈസ്റ്റ് എന്ന ബസാണ് കണിമംഗലത്ത് വെച്ച് പാടത്തേക്ക് മറിഞ്ഞത്. അപകടത്തിൽ നിരവധിപ്പേർക്ക് പരിക്കേറ്റു. രാവിലെയായതിനാൽ അമ്പതിലേറെ യാത്രക്കാർ ബസിലുണ്ടായിരുന്നു. ഇവരിൽ 30 പേരെ സമീപത്തെ സ്വകാര്യ ആശുപത്രിയിലേക്ക് മാറ്റി. സ്കൂൾ, കോളജ് വിദ്യാർഥികളും രാവിലെ ജോലി ആവശ്യങ്ങൾക്കായി പോകുന്നവരുമായിരുന്നു ബസിലുണ്ടായിരുന്ന യാത്രക്കാരിൽ ഭൂരിഭാഗവും. ഇവരിൽ ഒരാളുടെ പരിക്ക് സാരമുള്ളതാണ്. റോഡ് പണി നടക്കുന്ന സ്ഥലമാണെന്നാണ് യാത്രക്കാരിൽ നിന്നും ലഭിക്കുന്ന വിവരം.
പുതുക്കാട് ഗ്രാമപഞ്ചായത്തിന്റെ നവീകരിച്ച ഓഫീസിന്റെ ഉദ്ഘാടനവും കര്‍ഷകദിനാഘോഷവും സംഘടിപ്പിച്ചു
കെ.കെ. രാമചന്ദ്രന്‍ എംഎല്‍എ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് കെ.എം. ബാബുരാജ് അധ്യക്ഷത വഹിച്ചു. പഞ്ചായത്തിലെ മികച്ച കര്‍ഷകരെ യോഗത്തില്‍ ആദരിച്ചു. വൈസ് പ്രസിഡന്റ് ഷൈനി ജോജു, പഞ്ചായത്തംഗങ്ങളായെ സെബി കൊടിയന്‍, രതി ബാബു, ഷാജു കാളിയേങ്കര, ആന്‍സിജോബി, രശ്മി ശ്രീ ഷോബ്, പ്രീതി ബാലകൃഷ്ണന്‍, ടീന തോബി, ഫിലോമിന ഫ്രാന്‍സീസ്, സി.പി. സജീവന്‍, സെക്രട്ടറി ഉമ ഉണ്ണികൃഷ്ണന്‍ എന്നിവര്‍ പ്രസംഗിച്ചു.
ചിങ്ങം ഒന്ന്. പ്രതീക്ഷയുടെ പൊന്‍പുലരിയിലേക്ക് കണ്‍തുറക്കുകയാണ് ഓരോ മലയാളിയും
മലയാളികളുടെ പുതുവര്‍ഷദിനമാണ് ചിങ്ങം ഒന്ന്. പഞ്ഞ കര്‍ക്കടകം മാറി ചിങ്ങപ്പുലരി പിറക്കുന്നതോടെ സമൃദ്ധിയും ഐശ്വര്യവും നിറയുന്ന ദിനങ്ങളാണ് മലയാളിക്ക്. സന്തോഷ പൂര്‍ണമായ പുതുവര്‍ഷത്തിലേക്കാണ് പൊന്നിന്‍ ചിങ്ങപ്പുലരിയെ മലയാളി വരവേല്‍ക്കുന്നത്. ദുരിതങ്ങളും കഷ്ടപ്പാടുകളും നിറഞ്ഞ പഞ്ഞ കർക്കിടകം പെയ്തൊഴിഞ്ഞു. ഐശ്വര്യത്തിന്റെയും സമൃദ്ധിയുടെയും പൂവിളികൾ ഉണർത്തി ചിങ്ങം പിറന്നു. ഓണക്കാലത്തിന്റെ വരവറിയിച്ചാണ് ചിങ്ങ മാസത്തിൻ്റെ തുടക്കം. ഇനിയങ്ങോട്ടുള്ള ഉത്സവ നാളുകളിൽ പൊന്നോണപുലരിയെ വരവേൽക്കാനായി പ്രകൃതി പൂത്തുലയും. കൃഷി ചെയ്യാൻ ഉചിതമായ മാസമായിട്ടാണ് ചിങ്ങം അറിയപ്പെടുന്നത്. കർക്കടകത്തിലെ എല്ലാ ദാരിദ്ര്യവും ചിങ്ങം …
ചിങ്ങം ഒന്ന്. പ്രതീക്ഷയുടെ പൊന്‍പുലരിയിലേക്ക് കണ്‍തുറക്കുകയാണ് ഓരോ മലയാളിയും Read More »
നിര്‍ദ്ദനനായ രോഗിക്ക് കൈങ്ങായി വെള്ളിക്കുളങ്ങര ജനമൈത്രി പൊലീസ്
സ്വാതന്ത്യദിനാഘോഷത്തിന്റെ ഭാഗമായി വെള്ളിക്കുളങ്ങര ജനമൈത്രി പൊലീസിന്റെ നേതൃത്വത്തില്‍ മറ്റത്തൂര്‍ ഗ്രാമപഞ്ചായത്തിലെ വെള്ളിക്കുളങ്ങര കട്ടിപ്പൊക്കത്ത് പാലിയേറ്റീവ് ഗുണഭോക്താവായ ഒരു വ്യക്തിക്ക് കട്ടിലും കിടക്കയും നല്‍കി. അസുഖം മൂലം രണ്ട് കണ്ണിന്റെയും കാഴ്ച നഷ്ടപ്പെട്ടയാളിനാണ് സ്‌നേഹോപഹാരം നല്‍കിയത്. ഭാര്യയും മൂന്ന് കുട്ടികളും ഉള്‍പ്പെടുന്നതാണ് ഇദ്ദേഹത്തിന്റെ കുടുംബം. കോടാലി അന്നാം പാടം നിള റെസിഡന്‍ഷ്യല്‍ കൂട്ടായ്മ അംഗം ശിവന്‍ വള്ളിവട്ടമാണ് കട്ടിലും കിടക്കയും സ്‌പോണ്‍സര്‍ ചെയ്തത്. പഞ്ചായത്തംഗം കെ.ആര്‍. ഔസേഫും പാലിയേറ്റീവ് നഴ്‌സ് പി.എ. സിസിലിയുമാണ് ഇവരുടെ ദയനീയ അവസ്ഥ ജനമൈത്രീ …
നിര്‍ദ്ദനനായ രോഗിക്ക് കൈങ്ങായി വെള്ളിക്കുളങ്ങര ജനമൈത്രി പൊലീസ് Read More »
പുതുക്കാട് പഞ്ചായത്തും താലൂക്കാശുപത്രിയും ചേര്‍ന്ന് സംഘടിപ്പിച്ച ജീവിത ശൈലീ രോഗ നിര്‍ണ്ണയ നിയന്ത്രണ ചികിത്സാ പദ്ധതിയായ തൃശൂര്‍ ഹെല്‍ത്ത് ലൈന്‍ ഉദ്ഘാടനം പഞ്ചായത്ത് പ്രസിഡന്റ് കെ.എം. ബാബുരാജ് നിര്‍വ്വഹിച്ചു
സ്ഥിരം സമിതി അദ്ധ്യക്ഷ രതി ബാബു അദ്ധ്യക്ഷയായിരുന്നു. പഞ്ചായത്തംഗം ഷാജു കാളിയേങ്കര, സെക്രട്ടറി ഉമ ഉണ്ണികൃഷ്ണന്‍, ഡോ. ലീന, ഹെല്‍ത്ത് ഇന്‍സ്‌പെക്ടര്‍ സി.എസ്. സഹദേവന്‍, പി.സി. സുബ്രന്‍ എന്നിവര്‍ പ്രസംഗിച്ചു.