ശനിയാഴ്ച രാവിലെയാണ് പെരുമ്പാമ്പിനെ കണ്ടത്. തൃക്കൂര് പഞ്ചായത്ത് പ്രസിഡന്റ് സൈമണ് നമ്പാടന് പാലപ്പിള്ളി റേഞ്ച് ഓഫീസില് അറിയിച്ചു. തുടര്ന്ന് റേഞ്ച് ഓഫീസര് പ്രേം ഷെമീറിന്റെ നേതൃത്വത്തിലുള്ള വനംവകുപ്പ് ഉദ്യോഗസ്ഥര് സ്ഥലത്തെത്തി പാമ്പിനെ കൊണ്ടുപോയി. രാത്രിയില് റോഡ് മുറിച്ചു കടക്കുമ്പോള് വാഹനമിടിച്ചാവാം പാമ്പ് ചത്തെതെന്ന പ്രാഥമിക നിഗമനത്തിലാണ് വനം വകുപ്പ് അധികൃതര്. ഇരവിഴുങ്ങിയ നിലയിലായിരുന്നു പാമ്പ് റോഡരികില് കിടന്നത്. മണിക്കൂറുകള് പിന്നിട്ടതോടെ സ്ഥലത്ത് ദുര്ഗന്ധവും വമിക്കാന് തുടങ്ങിയിരുന്നു. നാട്ടുകാരാണ് പഞ്ചായത്തധികൃതരെ വിവരം അറിയിച്ചത്.
തൃക്കൂര് പള്ളിയറ പാടംവഴിയിലെ റോഡരികില് പെരുമ്പാമ്പിനെ ചത്തനിലയില് കണ്ടെത്തി
