latest news

കൈപ്പമംഗലം ചെന്ത്രാപ്പിന്നിയില്‍ മൊബൈല്‍ ഷോപ്പിലെത്തിയ യുവാവിനെ മദ്യലഹരിയില്‍ കുത്തിപ്പരിക്കേല്‍പ്പിക്കുകയും പണം തട്ടിയെടുക്കുകയും ചെയ്ത കേസില്‍ രണ്ടുപേരെ കൈപ്പമംഗലം പൊലീസ് അറസ്റ്റ് ചെയ്തു. കണ്ണനാംകുളം ഏറാക്കല്‍ വീട്ടില്‍ സൂരജ്, പൊന്നൂക്കര പുറങ്ങാപറമ്പില്‍ വീട്ടില്‍ വിഷ്ണു എന്നിവരാണ് പൊലീസിന്റെ പിടിയിലായത്. കഴിഞ്ഞദിവസം വൈകിട്ട് ഏഴുമണിയോടെയായിരുന്നു സംഭവം. ചെന്ത്രാപ്പിന്നി പടിഞ്ഞാറുള്ള മൊബൈല്‍ ഷോപ്പിലെത്തിയ ചാമക്കാല സ്വദേശി യദുവിനെ പ്രതികള്‍ ഗുണ്ടാപ്പിരിവ് ആവശ്യപ്പെട്ട് ആക്രമിക്കുകയായിരുന്നു. മദ്യലഹരിയിലായിരുന്ന ഇവര്‍ കടയിലുണ്ടായിരുന്ന കത്രിക ഉപയോഗിച്ച് യദുവിനെ കുത്തുകയായിരുന്നു. ആക്രമണത്തിന് ശേഷം യദുവിന്റെ കൈവശമുണ്ടായിരുന്ന 1000 രൂപയും

സി.സി. മുകുന്ദൻ എംഎൽഎയായിരിക്കെ വ്യാജ ഒപ്പിട്ട് പണം തട്ടി എന്ന പരാതി. പേഴ്സണൽ സ്റ്റാഫ് അംഗമായിരുന്ന മസൂദ് കെ വിനോദ് പിടിയിൽ. അന്തിക്കാട് പൊലീസ് ആണ് മസൂദിനെ പിടികൂടിയത്. ഒളിവിൽ കഴിയുന്നതിനിടയിലാണ് മസൂദ് പൊലീസ് വലയിലായത്. സി.സി. മുകുന്ദന്റെ വ്യാജ ഒപ്പിട്ട് പണം തട്ടി എന്നതാണ് മസൂദിനെതിരെ ഉള്ള പരാതി. പൊലീസ് കേസടുത്ത് മാസങ്ങൾ കഴിഞ്ഞിട്ടും മസൂദിനെ അറസ്റ്റ് ചെയ്തിരുന്നില്ല. ഹൈക്കോടതി കഴിഞ്ഞാഴ്ച മസൂദിന്റെ മുൻകൂർ ജാമ്യ അപേക്ഷ തള്ളിയിരുന്നു. വി.എസ്. സുനിൽകുമാറിന്റെ പേഴ്സണൽ സ്റ്റാഫ് അംഗമായിരുന്ന

തൃശ്ശൂരില്‍ അനാശാസ്യ കേന്ദ്രത്തില്‍ ക്രൂരമര്‍ദ്ദനമേറ്റ് ഒരാള്‍ കൊല്ലപ്പെട്ട സംഭവത്തില്‍ മുഖ്യപ്രതി പിടിയില്‍. അസം സ്വദേശി നൂര്‍ ആലം ആണ് പിടിയിലായത്. ഈസ്റ്റ് സിഐയുടെ നേതൃത്വത്തിലുള്ള അന്വേഷണസംഘം അസമില്‍ നിന്നാണ് പ്രതിയെ പിടികൂടിയത്. ഒഡീഷ സ്വദേശി ധന്‍പത് നായ്ക് ആണ് കൊല്ലപ്പെട്ടത്. കേസില്‍ രണ്ടു സ്ത്രീകളും നാലു പുരുഷന്മാരും അടക്കം ആറുപേര്‍ നേരത്തെ അറസ്റ്റില്‍ ആയിരുന്നു. ഇക്കഴിഞ്ഞ 18ന് രാത്രി 10 മണിയോടെ തൃശ്ശൂര്‍ നഗരത്തിലെ കോരപ്പത്ത് ലൈനിലുള്ള വാടകവീട്ടില്‍ പ്രവര്‍ത്തിച്ചിരുന്ന അനാശാസ്യ കേന്ദ്രത്തിലായിരുന്നു സംഭവം. കൊല്ലപ്പെട്ട ദന്‍പത്

കൊടുങ്ങല്ലൂരില്‍ ഓട്ടോറിക്ഷകളില്‍ നിന്ന് ബാറ്ററി മോഷ്ടിച്ച പ്രതി പിടിയില്‍. എടവിലങ്ങ് രാമന്‍കുളം സ്വദേശി മങ്കര വീട്ടില്‍ ജെമിനെയാണ് കൊടുങ്ങല്ലൂര്‍ പൊലീസ് പിടികൂടിയത്. കൊടുങ്ങല്ലൂര്‍ എരിശ്ശേരി പാലത്തിന് സമീപത്ത് പാര്‍ക്ക് ചെയ്തിരുന്ന അഞ്ച് ഓട്ടോറിക്ഷകളില്‍ നിന്ന് ബാറ്ററികള്‍ മോഷ്ടിച്ച സംഭവത്തിലാണ് അറസ്റ്റ്. കൊടുങ്ങല്ലൂര്‍ പൊലീസ് സ്‌റ്റേഷന്‍ എസ് ഐ സൗമ്യ, എസ് ഐ അറാഫത്ത്, സി പി ഒ മാരായ ശ്യാംകുമാര്‍, ഷെമീര്‍, വിഷ്ണു എന്നിവരാണ് അന്വേഷണ സംഘത്തിലുണ്ടായിരുന്നത്.