latest news

ദേശീയപാതയിലെ മരത്താക്കര കുഞ്ഞനംപാറ സിഗ്നലില്‍ നിര്‍ത്തിയിട്ടിരുന്ന 3 വാഹനങ്ങളുടെ പുറകിലേക്ക് ചരക്ക്‌ലോറി ഇടിച്ചുകയറി അപകടം. ചരക്കുലോറിയുടെ ഡ്രൈവര്‍ക്ക് നിസാര പരുക്കേറ്റു. വ്യാഴാഴ്ച രാത്രി പത്തരയോടെയായിരുന്നു സംഭവം. എറണാകുളം ഭാഗത്തേക്കുള്ള സിഗ്നലില്‍ നിര്‍ത്തിയിട്ടിരുന്ന കണ്ടെയ്‌നര്‍ ലോറി, അതിനു പിറകിലായി ഉണ്ടായിരുന്ന കാറും ചരക്ക് ലോറിയും ആണ് അപകടത്തില്‍പ്പെട്ടത്. സിഗ്നല്‍ കാത്തുകിടക്കുകയായിരുന്ന ഈ വാഹനങ്ങളുടെ പിറകില്‍ മറ്റൊരു ചരക്ക് ലോറി നിയന്ത്രണം വിട്ട് പാഞ്ഞുകയറുകയായിരുന്നു. അപകടത്തില്‍ രണ്ട് ലോറികള്‍ക്കിടയില്‍പ്പെട്ട കാറിലെ യാത്രക്കാര്‍ കഷ്ടിച്ചാണ് രക്ഷപ്പെട്ടത്. കാറിന്റെ മുന്‍ഭാഗവും പിന്‍ഭാഗവും തകര്‍ന്നു.

പറപ്പൂക്കര മുത്രത്തിക്കരയില്‍ നിയന്ത്രണം വിട്ട കാര്‍ വീട്ടിലേക്കും കടയിലേക്കും ഇടിച്ചുകയറി. വീടിനു മുന്നില്‍ നിര്‍ത്തിയിട്ടിരുന്ന സ്‌കൂട്ടറും ബൈക്കും ഇടിച്ചു തകര്‍ത്തു. അപകടത്തില്‍ ആര്‍ക്കും പരുക്കില്ല. മുത്രത്തിക്കര സെന്ററില്‍ കാരിക്കോട് ഭാഗത്ത് ശനിയാഴ്ച പുലര്‍ച്ചെ 4 മണിയോടെയായിരുന്നു സംഭവം. നന്തിക്കര ഭാഗത്തു നിന്നും വരികയായിരുന്ന കാര്‍ നിയന്ത്രണം വിട്ടു സമീപത്തെ വീടിനു മുന്‍പില്‍ നിര്‍ത്തിയിട്ടിരുന്ന ഒരു സ്‌കൂട്ടറിലേയ്ക്കും ബൈക്കിലേയ്ക്കും ഇടിച്ചു കയറുകയായിരുന്നു. ഇടിയുടെ ആഘാതത്തില്‍ ബൈക്ക് തെറിച്ചു തൊട്ടടുത്ത കടമുറിയിലേയ്ക്കും പതിച്ചു. അപകടത്തില്‍ ഇരു വാഹനങ്ങളും തകര്‍ന്നു. കുണ്ടുകാട്

ദേശീയപാതയില്‍ നന്തിക്കര യുടേണിനു സമീപം നിയന്ത്രണംവിട്ട് മറിഞ്ഞ ടെംപോയില്‍ ആംബുലന്‍സ് ഇടിച്ച് അപകടം. ആര്‍ക്കും പരുക്കില്ല. ചൊവ്വാഴ്ച രാവിലെ 10മണിയോടെയായിരുന്നു അപകടം. തൃശൂര്‍ ഭാഗത്തേക്ക് പോയിരുന്ന ടെംപോ ബ്രേക്ക് നഷ്ടപ്പെട്ട ഡിവൈഡറിലിടിച്ച് മറിയുകയായിരുന്നു. റോഡിലേക്ക് മറിഞ്ഞ ടെംപോയില്‍ അതേ പാതയിലൂടെ വരികയായിരുന്ന ആംബുലന്‍സ് ഇടിക്കുകയായിരുന്നു. ടെംപോയിലെ ഡ്രൈവര്‍ അത്ഭുതകരമായി രക്ഷപ്പെട്ടു. ആംബുലന്‍സില്‍ ഡ്രൈവറടക്കം 2 പേരാണ് യാത്രചെയ്തിരുന്നത്. അപകടത്തെ തുടര്‍ന്ന് ദേശീയപാതയില്‍ ഗതാഗതക്കുരുക്കുണ്ടായി. പുതുക്കാട് പൊലീസ് മേല്‍നടപടികള്‍ സ്വീകരിച്ചു.