വിഷുവിനെ വരവേൽക്കാൻ ചെട്ടിച്ചാൽ പാടം ഒരുങ്ങി; കണിവെള്ളരി വിളവെടുപ്പിൽ ആറാം വർഷവും നേട്ടം കൊയ്ത് രാജൻ
വിഷുക്കാലത്തെ വരവേൽക്കാൻ മറ്റത്തൂരിലെ പാടശേഖരങ്ങളിൽ കണിവെള്ളരി വിളവെടുപ്പ് സജീവമാകുന്നു. കടുത്ത ചൂടിനെ അതിജീവിച്ച്, തുടർച്ചയായ ആറാം വർഷവും ചെട്ടിച്ചാൽ പാടത്ത് മികച്ച രീതിയിൽ വെള്ളരിക്കൃഷി നടത്തി മാതൃകയാവുകയാണ് കർഷകനായ രാജൻ പനങ്കൂട്ടത്തിൽ. മറ്റത്തൂർ മൂന്നുമുറിക്കടുത്തുള്ള ചെട്ടിച്ചാൽ പാടശേഖരമിപ്പോൾ മഞ്ഞപ്പട്ടുടുത്ത അവസ്ഥയിലാണ്. വിപണിയിൽ വിഷു കണിക്കായി വെള്ളരിക്ക് ഡിമാൻഡ് ഏറുന്ന സമയത്ത് വിളവെടുപ്പിന്റെ തിരക്കിലാണ് കർഷകനായ രാജൻ പനങ്കൂട്ടത്തിൽ. തന്റെ രണ്ടരയേക്കറോളം വരുന്ന നിലത്ത് നെൽകൃഷിക്ക് ശേഷമുള്ള ഇടവിളയായാണ് രാജൻ കണിവെള്ളരി കൃഷി ചെയ്യുന്നത്. മികച്ച വിളവ് തരുന്ന …
