കോടശേരി പഞ്ചായത്തിൽ നീണ്ട വർഷങ്ങളായി പട്ടയമില്ലാതെ വിഷമിക്കുന്ന കർഷകർക്ക് ഉടൻ പട്ടയം അനുവദിച്ച് നൽകണമെന്നാവശൃപ്പെട്ട് കോടശേരി കാരുണ്യ സോഷ്യൽ വർക്കിങ്ങ് ഗ്രൂപ്പിന്റെ ആഭിമുഖൃത്തിൽ കേന്ദ്ര വനം പരിതസ്ഥിതി വകുപ്പ് മന്ത്രി ഭൂപേന്ദർയാദവിന് 325പേർ ഒപ്പിട്ട ഭീമ ഹർജ്ജി നൽകി.
കോടശേരി വില്ലേജിലും കുറ്റിച്ചിറ വില്ലേജിലുമായി 585 അപേക്ഷകൾ പരിവേഷ് പോർട്ടലിൽ അപ്ലോഡ് ചെയ്തിട്ടുളളതായി തൃശൂർ ലാന്റ് അസൈൻമെന്റ് സ്പെഷൃൽ തഹസിൽദാർ അറിയിച്ചിരുന്നു. പട്ടയം ലഭിക്കുന്നതിലുളള കാലതാമസം ഒഴിവാക്കുവാൻ എത്രയും വേഗം നടപടി സ്വീകരിക്കണമെന്ന് നിവേദനത്തിൽ ചൂണ്ടിക്കാട്ടി.
ഗ്രൂപ്പ് രക്ഷാധികാരി ഡോ.ജോയ് കട്ടക്കയം, പ്രസിഡന്റ് കെ.എം. ജോസ്, പരമേശ്വരൻ കാമറ്റത്തി, ഓമനജോസ് എന്നിവർ നേതൃത്വം നൽകി.
