Local News

കൊടകര ബാറിലെ പാർക്കിങ് ഏരിയയിൽവെച്ച് ഹെൽമറ്റ് കൊണ്ട് തലയ്ക്കടിച്ച് ഗുരുതരമായി പരുക്കേൽപ്പിച്ച കേസിൽ റൗഡിയും കൂട്ടാളിയും അറസ്റ്റിലായി. കൊടകര മനകുളങ്ങര സ്വദേശികളായ ചാഴിക്കുളം വീട്ടിൽ ആദിത്യൻ (22) എനാശേരി വീട്ടിൽ ആഷിത് (21) എന്നിവരെയാണ് കൊടകര പൊലീസ് അറസ്റ്റ് ചെയ്തത്. ഒന്നാം പ്രതിയായ ആദിത്യൻ ക്രിമിനൽ കേസുകളിൽ പ്രതിയും പൊലീസ് റൗഡി ലിസ്റ്റിൽ പേരുള്ളയാളുമാണ്. ഒക്ടോബർ 19-ന് രാത്രി 8:30-ഓടെ കൊടകര ഗോൾഡൻ ബാറിന് മുന്നിലെ പാർക്കിങ് ഏരിയയിലായിരുന്നു സംഭവം. നെല്ലായി വയലൂർ സ്വദേശിയായ കിഴക്കുടൻ വീട്ടിൽ

ബീഡി ചോദിച്ചിട്ട് നല്‍കാത്തതിലുള്ള വൈരാഗ്യത്താല്‍ അന്യസംസ്ഥാന തൊഴിലാളിയായ യുവാവിനെ കത്തികൊണ്ട് കുത്തിപ്പരുക്കേല്‍പ്പിച്ച കേസില്‍ പ്രതിയെ കൈപ്പമംഗലം പൊലീസ് അറസ്റ്റ് ചെയ്തു. കൈപ്പമംഗലം മൂന്നുപീടിക സ്വദേശി തേവര്‍പുരയ്ക്കല്‍ വീട്ടില്‍ രാജപ്പന്‍ ആണ് അറസ്റ്റിലായത്. ബീഹാര്‍ സ്വദേശിയായ വികാസ് കുമാറിനാണ് ആക്രമണത്തില്‍ പരുക്കേറ്റത്. കൈപ്പമംഗലം അറവുശാല കള്ള് ഷാപ്പിന് മുന്‍വശത്ത് വെച്ചായിരുന്നു സംഭവം. കൈപ്പമംഗലം പൊലീസ് സ്‌റ്റേഷന്‍ എസ്.ഐ രഞ്ജിത്ത്, എസ്‌ഐ അവിനാഷ് കുമാര്‍ എന്നിവരടങ്ങിയ അന്വേഷണ സംഘമാണ് പ്രതിയെ പിടികൂടിയത്.

വധശ്രമക്കേസിലെ പ്രതിയെ വടക്കേക്കാട് പൊലീസ് ബെം​ഗളൂരുവിൽനിന്നും അറസ്റ്റ് ചെയ്തു. കഴിഞ്ഞ ജൂലൈ എട്ടിന് ആല്‍ത്തറയിലുള്ള ദേവാസുര ബാറിന്റെ മുന്നിൽവെച്ച് വടക്കേക്കാട് കോതോട്ട് വിഷ്ണു യാദവിനെ കത്തികൊണ്ട് വെട്ടിക്കൊലപ്പെടുത്താന്‍ ശ്രമിച്ച കേസിലെ രണ്ടാംപ്രതി കുഴിങ്ങര പൊന്തയില്‍ സുബി (അബുക്ക-32) നെയാണ് ഞായറാഴ്ച ബെം​ഗളൂരുവിലെ റെയില്‍വേ സ്റ്റേഷന്‍ പരിസരത്തുനിന്നും അറസ്റ്റ് ചെയ്തത്. ഇതോടെ ഈ കേസിലെ എല്ലാ പ്രതികളെയും വടക്കേക്കാട് പൊലീസ് അറസ്റ്റ് ചെയ്തു. സംഭവത്തിനുശേഷം ചെന്നൈ, ബെം​ഗളൂരു എന്നിവിടങ്ങളില്‍ ഒളിവില്‍ കഴിഞ്ഞുവരികയായിരുന്നു പ്രതി. ഇയാളെ പിടികൂടാനായി ഗുരുവായൂര്‍ എ.സി.പി

പഴയന്നൂരിൽ 45 ഗ്രാം കഞ്ചാവുമായി രണ്ടുപേർ പിടിയിൽ. പഴയന്നൂർ കല്ലേപ്പാടം സ്വദേശി ചെല്ലപറമ്പിൽ വീട്ടിൽ ശിഹാബ്, കുമ്പള സ്വദേശി പാറിക്കൽ വീട്ടിൽ അബ്ദുൽ റഹ്മാൻ എന്നിവരാണ് പിടിയിലായത്.

ചാലക്കുടിയിൽ ഓപ്പറേഷൻ തൂഫാന്റെ ഭാഗമായി നടത്തിയ പരിശോധനയിൽ 4.270 ഗ്രാം എം.ഡി.എം.എയുമായി അഞ്ച് യുവാക്കൾ അറസ്റ്റിൽ. അതിരപ്പിള്ളി റോഡിലെ ജീവൻ ടൂറിസ്റ്റ് ഹോമിൽ ഞായാഴ്ച പുലർച്ചെ ഒരു മണിയോടെ നടത്തിയ റെയ്ഡിലാണ് നാല് യുവാക്കളെ പിടികൂടിയത്. ഈസ്റ്റ് ചാലക്കുടി ഓമംഗലത്ത് വീട്ടിൽ ആദിത്യൻ, പോട്ട വാഴക്കുന്ന് ഇയ്യാനി വീട്ടിൽ നിഖിൽ, കൊടകര പറക്കാട്ടുകര മലയിൽ തട്ടാൻ വീട്ടിൽ അരവിന്ദ്, കൊരട്ടി കോനൂർ പുത്തൻപുരയ്ക്കൽ വീട്ടിൽ ആശ്വിൻ എന്നിവരാണ് ടൂറിസ്റ്റ് ഹോമിൽ നിന്ന് അറസ്റ്റിലായത്. ഇവർക്ക് ലഹരിവസ്തു നൽകിയെന്ന

കൊരട്ടിയിൽ വീട്ടിൽ അതിക്രമിച്ചു കയറി യുവാവിനെ കത്തികൊണ്ട് കുത്തി പരുക്കേൽപിച്ച കേസിൽ പ്രതി അറസ്റ്റിൽ. കാടുകുറ്റി പാമ്പൂത്തറ പുത്തുരത്ത് വീട്ടിൽ അശ്വിൻ (25) ആണ് കൊരട്ടി പൊലീസിന്റെ പിടിയിലായത്. ​കഴിഞ്ഞ ജൂൺ 11-ന് രാത്രി 9.15 മണിയോടെയായിരുന്നു സംഭവം. കൊരട്ടി കാടുകുറ്റി സ്വദേശി വടക്കൂടൻ വീട്ടിൽ ഗോകുൽ ഷാജു (26) കുടുംബസമേതം താമസിക്കുന്ന വീടിന്റെ സിറ്റൗട്ടിലേക്ക് അതിക്രമിച്ചു കയറിയ പ്രതി, ഗോകുലിനെ മുറ്റത്തേക്ക് വലിച്ചിറക്കി അസഭ്യം പറയുകയും കൈവശമുണ്ടായിരുന്ന കത്തി ഉപയോഗിച്ച് തലയിൽ കുത്തി പരുക്കേൽപിക്കുകയുമായിരുന്നു. ഒരാഴ്ച

കൊരട്ടി പള്ളിയില്‍ കുട്ടിയുടെ സ്വര്‍ണ്ണപാദസരം കവര്‍ന്ന കേസില്‍ ഒമ്പത് മോഷണക്കേസുകളിലെ പ്രതിയായ സ്ത്രീ പിടിയില്‍. കൊരട്ടി പള്ളിയില്‍ വെച്ച് കുട്ടിയുടെ 75,000 രൂപയോളം വിലവരുന്ന സ്വര്‍ണ പാദസരം മോഷ്ടിച്ച കേസില്‍ ഒമ്പത് മോഷണക്കേസുകളില്‍ പ്രതിയായ സ്ത്രീ തൃശ്ശൂര്‍ റൂറല്‍ ഷാഡോ പൊലീസിന്റെ പിടിയിലായി. തൃശ്ശൂര്‍ കിള്ളന്നൂര്‍ തിരൂര്‍ സ്വദേശി പല്ലന്‍ വീട്ടില്‍ സജനയെയാണ് സംഭവസ്ഥലത്തുനിന്ന് തന്നെ പൊലീസ് അറസ്റ്റ് ചെയ്തത്. ഞായറാഴ്ച വൈകീട്ട് നാലരയോടെ പള്ളിയുടെ അള്‍ത്താരയ്ക്ക് സമീപത്തുവെച്ചായിരുന്നു സംഭവം. കാക്കുളിശ്ശേരി ഐരാണിക്കുളം സ്വദേശി കൊടിയന്‍ വീട്ടില്‍