എസ് എസ് എൽ സി ഫലം പ്രഖ്യാപിച്ചപ്പോൾ മറ്റത്തൂർ പഞ്ചായത്തിൽ രണ്ടും, കൊടകരയിൽ മൂന്നും പറപ്പൂക്കരയിൽ ഒന്നും അളഗപ്പനഗർ പഞ്ചായത്തിൽ ഒന്നും വരന്തരപ്പിള്ളി പഞ്ചായത്തിൽ നാലും സ്‌കൂളുകളിൽ 100 % ശതമാനം വിജയം

298 പേരെ പരീക്ഷക്കിരുത്തി 55 എ പ്ലസ് ഉൾപ്പെടെ മുഴുവൻ പേരും വിജയിച്ച വരന്തരപ്പിള്ളി സി ജെ എം മസ്‌കൂളാണ് മുന്നിൽ. 279 പേർ പരീക്ഷ എഴുതി 60 എ പ്ലസ് ഉൾപ്പെടെ മുഴുവൻ പേരും വിജയിച്ച മറ്റത്തൂർ ശ്രീ കൃഷ്ണ ഹൈ സ്കൂൾ തോട്ടു പുറകിൽ ഉണ്ട്. 171 പേർ പരീക്ഷക്കിരുന്ന് 24 ഫുൾ എ പ്ലസ് ഉൾപ്പെടെ മുഴുവൻ പേരും വിജയം കണ്ട വരന്തരപ്പിള്ളി സെന്റ് ജോസഫ്സ് സ്കൂൾ മൂന്നാം സ്ഥാനത്തുണ്ട്. 165 പേർ പരീക്ഷ എഴുതി 33 ഫുൾ എ പ്ലസ് ഉൾപ്പെടെ മുഴുവൻ പേരും വിജയം കണ്ട നന്ദിക്കര ഗവ സ്കൂൾ, 138 പേർ പരീക്ഷ എഴുതി 53 ഫുൾ എ പ്ലസ് ഉൾപ്പെടെ മുഴുവൻ പേരും വിജയിച്ച കൊടകര സെന്റ് ഡോൺ ബോസ്കോ, 122 പേർ പരീക്ഷ എഴുതി 24 പേർ ഫുൾ എ പ്ലസ് ഉൾപ്പെടെ 100 % വിജയം നേടിയ കൊടകര ഗവ ബോയ്സ് സ്കൂൾ, എഴുതിയ 102 പേരിൽ 36 എ പ്ലസ് ഉൾപ്പെടെ മുഴുവൻ പേരും വിജയിച്ച ചെമ്പൂച്ചിറ ഗവ സ്കൂൾ, 96 കുട്ടികൾ പരീക്ഷക്കിരുത്തി 33 എ പ്ലസ് ഉൾപ്പെടെ മുഴുവൻ പേരും വിജയിച്ച മൂപ്ലിയം ഗവ സ്കൂൾ, 62 പേർ പരീക്ഷ എഴുതി 9 ഫുൾ എ പ്ലസ് ഉൾപ്പെടെ എല്ലാവരും വിജയിച്ച കൊടകര ഗവ ഗേൾസ് സ്കൂൾ, 41 കുട്ടികൾ പരീക്ഷ എഴുതി 6 ഫുൾ എ പ്ലസ് ഉൾപ്പെടെ എല്ലാവരും വിജയിച്ച എ പി എച്ച് എസ് ആമ്പല്ലൂർ, 23 പേരിൽ ഒരു ഫുൾ എ പ്ലസ് ഉൾപ്പെടെ എല്ലാവരും വിജയിച്ച കന്നാറ്റുപാടം ഗവ സ്കൂൾ എന്നിവയാണ് 100 ശതമാനം വിജയം നേടിയ മറ്റ് സ്കൂളുകൾ.