വാസുപുരം പാലത്തിനു സമീപത്തെ കൃഷി തോട്ടത്തില് രാത്രിയെത്തിയ കാട്ടുപന്നിക്കൂട്ടം വാഴകൃഷി വ്യാപകമായി നശിപ്പിച്ചു. നെല്കൃഷിക്കും നാശമുണ്ടാക്കി. നൂലുവള്ളി സ്വദേശി ശിവന് തണ്ടാശേരിയുടെ കതിരുവന്ന നെല്ച്ചെടികളാണ് കാട്ടുപന്നികൂട്ടം നശിപ്പിച്ചത്. ശിവന്റെ കൃഷിയിടത്തില് മന്ദരപ്പിള്ളി സ്വദേശി പൊനത്തി തങ്കപ്പന് കൃഷി ചെയ്ത വാഴകളും പന്നിക്കൂട്ടം കുത്തിമറിച്ചിട്ടു. പന്നിശല്യം മൂലം കര്ഷകര് പൊറുതിമുട്ടിയിരിക്കയാണെന്ന് നൂലുവള്ളിയിലെ കര്ഷകനായ ശിവന് തണ്ടാശേരി പറയുന്നു. കഴിഞ്ഞ രാത്രി അവിട്ടപ്പിള്ളിയിലും കാട്ടുപന്നിക്കൂട്ടം കൃഷി നാശം വരുത്തിയിരുന്നു. നൂലുവള്ളി സ്വദേശി അവിട്ടപ്പിള്ളി, മൂന്നുമുറി പ്രദേശങ്ങളില് കഴിഞ്ഞ ദിവസങ്ങളില് കാട്ടുപന്നികൂട്ടം ഇറങ്ങി വ്യാപകമായി കാര്ഷിക വിളകള് നശിപ്പിച്ചിരുന്നു. കൊടുങ്ങ സ്വദേശി എടത്താടന് സാബു അവിട്ടപ്പിള്ളിയില് കൃഷി ചെയ്ത വാഴ, കപ്പ എന്നീ വിളകളാണ് നശിപ്പിക്കപ്പെട്ടത്. മൂന്നുമുറി പ്രദേശത്തും കഴിഞ്ഞ ദിവസങ്ങളില് കാട്ടുപന്നികള് കൃഷി നാശം വരുത്തിയിരുന്നു. കാട്ടുപന്നികളെ അകറ്റാനായി വിവിധ മാര്ഗങ്ങള് പരീക്ഷിക്കുന്നുണ്ടെങ്കിലും അവയൊന്നും ഫലപ്രദമാകുന്നില്ലെന്ന് കര്ഷകര് പറയുന്നു
മറ്റത്തൂര് പഞ്ചായത്തിലെ വിവിധ മേഖലകളില് കാട്ടുപന്നികളുടെ ശല്യം വര്ധിച്ചു.
