ഫാദര്‍ ഫ്രെഡറിക് എലുവത്തിങ്കല്‍ ആഘോഷമായ തിരുനാള്‍ പാട്ടുകുര്‍ബാനയ്ക്ക് കാര്‍മികനായി. ഫാദര്‍ ഡൊമനിക് തലക്കോടന്‍ തിരുനാള്‍ സന്ദേശം നല്‍കി. തിരുനാള്‍ ദിനമായ ഞായറാഴ്ച രാവിലെ 5.45നും 7.15നും വിശുദ്ധ കുര്‍ബാന നടക്കും. രാവിലെ 10ന് ആഘോഷമായ തിരുനാള്‍ പാട്ടുകുര്‍ബാനയ്ക്ക് ഫാദര്‍ രാജു അക്കര കാര്‍മികത്വം വഹിക്കും. ഫാദര്‍ ബാസ്റ്റ്യന്‍ പുന്നോലിപറമ്പില്‍ തിരുനാള്‍ സന്ദേശം നല്‍കും. വൈകുന്നേരം 4.30ന് ഫാദര്‍ ഡിറ്റോ കൂള കാര്‍മികനായ വിശുദ്ധ കുര്‍ബാനയ്ക്ക് ശേഷം തിരുനാള്‍ പ്രദക്ഷിണം ഉണ്ടായിരിക്കുന്നതാണ്. 15ന് എട്ടാമിട ചടങ്ങുകള്‍ നടക്കും.
വെണ്ടോര്‍ സെന്റ് മേരീസ് പള്ളിയിലെ പരിശുദ്ധ ദൈവമാതാവിന്റെ ഊട്ടുതിരുനാള്‍ ആഘോഷിച്ചു
