കീനൂര്‍ മണികണ്ഠന്‍ എന്ന പേരില്‍ അറിയപ്പെട്ടിരുന്ന ഇലത്താള കലാകാരന്‍ തൈക്കാട്ട് രഞ്ജിത്തിന്റെ മരണകാരണം ഹൃദയാഘാതം മൂലമെന്ന് പൊലീസ് റിപ്പോര്‍ട്ട്
ഞായറാഴ്ച രാത്രി 8.30നായിരുന്നു കീനൂര്‍ മണികണ്ഠനെ കല്ലൂര്‍ പാടംവഴി സ്‌റ്റോപ്പിനുസമീപം റോഡരികില്‍ മരിച്ചനിലയില്‍ കണ്ടെത്തിയത്.റോഡരികില്‍ വീണുകിടന്ന മണികണ്ഠന്റെ സമീപത്തായി സ്‌കൂട്ടറും മറിഞ്ഞു കിടന്നിരുന്നു. വാഹനാപകടമാണെന്നാണ് ഇദ്ദേഹത്തെ ആശുപത്രിയിലെത്തിച്ച ബന്ധുക്കളും നാട്ടുകാരും കരുതിയിരുന്നത്. തുടര്‍ന്ന് ജില്ലാ ആശുപത്രിയില്‍ പോസ്റ്റ്‌മോര്‍ട്ടവും നടത്തിയിരുന്നു. സ്‌കൂട്ടറില്‍ വരുന്നതിനിടെ ഹൃദയാഘാതമുണ്ടായതാണ് മരണകാരണമെന്ന് പൊലീസില്‍ നിന്നും ലഭിക്കുന്ന വിവരം.
