തൃശ്ശൂര് സബ് കളക്ടറും ആര്.ഡി.ഒ.യുമായി എഹ്തെദ മുഫസ്സിര് ചുമതലയേറ്റു. കണ്ണൂര് അസിസ്റ്റന്റ് കളക്ടറായി ട്രെയിനിംഗ് പൂര്ത്തിയാക്കിയ ശേഷമാണ് പുതിയ നിയമനം. 2024 ബാച്ച് കേരള കേഡര് ഐ.എ.എസ്. ഉദ്യോഗസ്ഥയായ എഹ്തെദ മുഫസ്സിര് തെലുങ്കാന സ്വദേശിയും ഇക്കണോമിക്സില് ബിരുദാനന്തര ബിരുദധാരിയുമാണ്.
ഓഫീസിലെത്തിയ സബ് കളക്ടറെ ഡെപ്യൂട്ടി കളക്ടര് സി.ആര്. ജയന്തിയുടെ നേതൃത്വത്തില് സ്വീകരിച്ചു. തുടര്ന്ന് ജീവനക്കാരുമായി കൂടിക്കാഴ്ച നടത്തി. സാംസ്കാരിക തലസ്ഥാനമായ തൃശ്ശൂരില് സേവനം അനുഷ്ഠിക്കാന് കഴിഞ്ഞതില് സന്തോഷമുണ്ടെന്ന് സബ് കളക്ടര് വ്യക്തമാക്കി.
ചുമതലയേറ്റ ശേഷം സബ് കളക്ടര് എഹ്തെദ മുഫസ്സിര് ജില്ലാ കളക്ടര് ശിഖ സുരേന്ദ്രനുമായി കൂടിക്കാഴ്ച നടത്തി. അസിസ്റ്റന്റ് കളക്ടര് എ.സി. പ്രീതി ഒപ്പമുണ്ടായിരുന്നു.
