വരന്തരപ്പിള്ളി കള്ളിച്ചിത്ര ആദിവാസി ഭൂസമര നേതാവ് എം.എന്.പുഷ്പന് (58) അന്തരിച്ചു. തൃശൂര് ഗവ. മെഡിക്കല് കോളജ് ആശുപത്രിയില് ചികിത്സയിലിരിക്കെ ബുധനാഴ്ച ഉച്ചയോടെയാണ് മരിച്ചത്. സംസ്കാരം വ്യാഴാഴ്ച രാവിലെ 10ന് വീട്ടുവളപ്പില്. ആദിവാസി മേഖലയില് നിരവധി ഭൂസമരങ്ങള്ക്ക് നേതൃത്വം നല്കുകയും അതുവഴി നിരവധി ആദിവാസി കുടുംബങ്ങള്ക്ക് കൃഷിഭൂമി ലഭ്യമാക്കാന് നേതൃത്വം നല്കുകയും ചെയ്തിട്ടുണ്ട്. ദീര്ഘകാലം പട്ടികവര്ഗസഹകരണ സംഘം പ്രസിഡന്റായിരുന്നു. മുന്പ് സിപിഐ-എംഎല് നേതൃത്വ നിരയിലുമുണ്ടായിരുന്നു. കള്ളിച്ചിത്ര ആദിവാസി നഗറില് മുല്ലങ്ങല് നാരായണന്റെയും കാര്ത്യായനിയുടെയും മകനാണ്. ഭാര്യ: പ്രേമ. സിവില് സര്വീസ് വിദ്യാര്ഥിനിയായ ആതിരയും, അക്ഷയ് ദാസും മക്കളാണ്.
ആദിവാസി ഭൂസമര നേതാവ് എം.എൻ. പുഷ്പൻ അന്തരിച്ചു
