ചുങ്കത്ത് ഗ്രൂപ്പ് ചെയര്മാനും പ്രമുഖ വ്യവസായിയുമായ സി.പി. പോള് അന്തരിച്ചു. 83 വയസായിരുന്നു. ചാലക്കുടിയിലെ വസതിയില് വെച്ചായിരുന്നു അന്ത്യം. അസുഖ ബാധിതനായി ചികിത്സയിലായിരുന്നു. സംസ്കാരം തിങ്കളാഴ്ച മൂന്നിന് ചാലക്കുടി ഫോറോന പള്ളിയില് നടക്കും. ചാലക്കുടി, കൊല്ലം, കരുനാഗപ്പള്ളി, തൃശൂര്, കൊച്ചി, അങ്കമാലി, ഇരിങ്ങാലക്കുട ഉള്പ്പെടെ പത്തു ജ്വല്ലറികളുടെ ഉടമയാണ്. കുന്ദംകുളം സ്വദേശിയായിരുന്ന ചുങ്കത്ത് പോള് പതിറ്റാണ്ടുകള്ക്ക് മുമ്പ് ചാലക്കുടിയില് സ്ഥിരതാമസം ആരംഭിക്കുകയും ചാലക്കുടിയില് ഹാര്ഡ് വെയര് വ്യാപാരം ആരംഭിക്കുകയുമായിരുന്നു. പിന്നീട് ആണ് അദ്ദേഹം സ്വര്ണ വ്യാപാര രംഗത്തേയ്ക്ക് കടക്കുന്നത്. നന്മ നിറഞ്ഞ ചാലക്കുടി എന്ന പുസ്തകം എഴുതിയിട്ടുണ്ട്.
ചുങ്കത്ത് ഗ്രൂപ്പ് ചെയര്മാന് സി.പി. പോള് അന്തരിച്ചു
