പാലിയേക്കര ടോള്പ്ലാസയില് ടോള്ബൂത്ത് വേറെ ആര് തുറന്നു വിട്ടാലും കേസാകുമെന്ന് മന്ത്രി ഒ.ജെ. ജനീഷ് പറഞ്ഞു. തൃശൂരില് മാധ്യമപ്രവര്ത്തരോട് സംസാരിക്കുകയായിരുന്നു അദ്ദേഹം.
കേന്ദ്ര സര്ക്കാരിന്റെ ഭാഗമായതിനാല് സുരേഷ് ഗോപി തുറന്നാല് കേസാകില്ല. ഗതാഗത കുരുക്കില് ടോള് പ്ലാസ തുറന്ന എല്ലാ ജനപ്രതിനിധികളും കേസില് പ്രതികളായിട്ടുണ്ട്. ടോളില് ശാശ്വത പരിഹാരത്തിന് സുരേഷ് ഗോപി ശ്രമിക്കണമെന്നും മന്ത്രി ആവശ്യപ്പെട്ടു. ടോള് നല്കാന് ജനം തയാറാണ് പക്ഷേ, സര്വീസ് റോഡ് ഉള്പ്പെടെ സൗകര്യങ്ങള് വേണമെന്നും മന്ത്രി ഒ.ജെ. ജനീഷ് ആവശ്യപ്പെട്ടു.
ഞായറാഴ്ച ടോള് പ്ലാസയില് തിരക്കില് കേന്ദ്ര മന്ത്രി സുരേഷ് ഗോപി വാഹനങ്ങള് കടത്തി വിട്ടിരുന്നു. കൊച്ചിയിലേക്കുള്ള യാത്രാമധ്യേ പാലിയേക്കര എത്തിയപ്പോഴായിരുന്നു സംഭവം. ഇരുഭാഗങ്ങളിലുമായി രണ്ട് കിലോമീറ്ററിലധികം വാഹനങ്ങളുടെ നീണ്ട നിരയായിരുന്നു. കേന്ദ്രമന്ത്രിയുടെ നിര്ദേശപ്രകാരം മുഴുവന് ബൂത്തുകളും തുറന്നു നല്കിയിരുന്നു.
