റവന്യു മന്ത്രി കെ. രാജനില് നിന്ന് കൊടകര ബ്ലോക്ക് പഞ്ചായത്ത് പ്രസിഡന്റ് കെ.എം. ചന്ദ്രന്. മറ്റ് ജനപ്രതിനിധികള്. സെക്രട്ടറി ഉള്പ്പെടെയുള്ള ഉദ്യോഗസ്ഥര് എന്നിവര് ചേര്ന്ന് പുരസ്കാരം ഏറ്റുവാങ്ങി. കൊടകര ബ്ലോക്ക് പഞ്ചായത്ത് 2024-25 സാമ്പത്തിക വര്ഷത്തില് ശുചിത്വ മാലിന്യ നിര്മ്മാര്ജ്ജന മേഖലയില് നടത്തിയ ഇടപെടലുകള്ക്കാണ് ഈ പുരസ്കാരം ലഭിച്ചത്. 2021-22, 2022-23, 2023-24 എന്നീ സാമ്പത്തിക വര്ഷങ്ങളില് സംസ്ഥാനത്തെ മികച്ച ബ്ലോക്ക് പഞ്ചായത്തിനുള്ള സ്വരാജ് ട്രോഫി ലഭിച്ചിട്ടുള്ള കൊടകര ബ്ലോക്ക് പഞ്ചായത്തിന് മറ്റൊരു അംഗീകാരം കൂടി ഈ പുരസ്കാരം വഴി ലഭ്യമായി.
സര്ക്കാരിന്റെ മാലിന്യമുക്തം നവകേരളം ജനകീയ ക്യാമ്പയിന്റെ ഭാഗമായി ജില്ലയില് മാലിന്യ സംസ്കരണ മേഖലയില് മികച്ച പ്രകടനം കാഴ്ച്ച വെച്ചതിന് കൊടകര ബ്ലോക്ക് പഞ്ചായത്ത് ഒന്നാം സ്ഥാനം കരസ്ഥമാക്കി
