കുറ്റിപ്പുറം ദേശീയപാത വീണ്ടും അപകടക്കെണി; അമിതവേഗവും അപകടസാധ്യതയും ചർച്ചയാക്കി ബസ് ദുരന്തം
മലപ്പുറം: കുറ്റിപ്പുറം ദേശീയപാതയിലെ അപകടസാധ്യത വീണ്ടും ചർച്ചയാക്കി സ്വകാര്യ ബസ് തലകീഴായി മറിഞ്ഞ അപകടം. അപകടത്തിൽ കോഴിക്കോട് പെരുവയൽ ചെറുകുളത്തൂർ പാറ സ്വദേശി മാവന്നൂർ പടിക്കൽ വൈഷ്ണവ് (31) മരിച്ചു. മൂന്ന് പേരുടെ നില ഗുരുതരമാണ്. ആകെ 26 പേർക്ക് പരിക്കേറ്റു. ഞായറാഴ്ച രാവിലെ 11 മണിയോടെയാണ് കുറ്റിപ്പുറം കൈലാസ് ഓഡിറ്റോറിയത്തിന് സമീപം അപകടമുണ്ടായത്. കോഴിക്കോട് നിന്ന് തൃശൂരിലേക്ക് പോവുകയായിരുന്ന ‘ഡിഫെൻഡർ’ ലിമിറ്റഡ് സ്റ്റോപ്പ് സ്വകാര്യ ബസാണ് അപകടത്തിൽപ്പെട്ടത്. ഇറക്കമുള്ള ഭാഗത്ത് അമിതവേഗത്തിൽ എത്തിയ ബസ് നിയന്ത്രണം …