അന്താരാഷ്ട്ര വനിതാ ദിനത്തോടനുബന്ധിച്ച് പുതുക്കാട് പഞ്ചായത്തിലെ വനിതാ ജനപ്രതിനിധികളെ ആദരിച്ച് ജെ.സി.ഐ തൃശ്ശൂർ ഗ്രീൻ സിറ്റി. പുതുക്കാട് പഞ്ചായത്ത് ഹാളിൽ നടന്ന ആഘോഷ പരിപാടികൾ കൊടകര ബ്ലോക്ക് പഞ്ചായത്ത് പ്രസിഡന്റ് അശ്വതി വിബി ഉദ്ഘാടനം ചെയ്തു.
ജെ.സി.ഐ തൃശ്ശൂർ ഗ്രീൻ സിറ്റി വനിതാ വിഭാഗത്തിന്റെ നേതൃത്വത്തിലാണ് വനിതാ ദിനാഘോഷം സംഘടിപ്പിച്ചത്. തദ്ദേശ സ്വയംഭരണ തിരഞ്ഞെടുപ്പിൽ വിജയിച്ച പുതുക്കാട് പഞ്ചായത്തിലെ 10 വനിതാ അംഗങ്ങളെ ചടങ്ങിൽ പ്രത്യേകമായി ആദരിച്ചു. രാഷ്ട്രീയ-സാമൂഹിക മേഖലകളിൽ തങ്ങളുടെ മുദ്ര പതിപ്പിച്ച വനിതകൾക്ക് സംഘടന ഉപഹാരങ്ങൾ കൈമാറി. ലേഡി ജെ.സി ചെയർപേഴ്സൺ വിൻസി മെവിൻ, ജെ.സി.ഐ സോൺ 20 പ്രസിഡന്റ് ജെ.സി ജെയ്സൺ, ജെ.സി.ഐ തൃശ്ശൂർ ഗ്രീൻ സിറ്റി പ്രസിഡന്റ് മേരിയാൻ ജോസാൻ്റോ, സെക്രട്ടറി ഹെലന ലിന്റോ, ട്രഷറർ റോസ്ലിന്റ് റിജോ, പ്രോഗ്രാം ഡയറക്ടർ ജിഷ സജി എന്നിവർ പ്രസംഗിച്ചു.
