മക്കാക്കുകൾക്കിടയിൽ പുതിയ കൂട്ടുകാരെ തേടി പഞ്ച്; ഒറ്റപ്പെടലിന്റെ നോവ് മറന്ന് അവൻ കളിച്ചുതുടങ്ങി
അമ്മയുപേക്ഷിച്ച ഒരു കുഞ്ഞിക്കുരങ്ങൻ, അവന് കൂട്ടിനായി ജീവനില്ലാത്ത ഒരു പാവ… ടോക്കിയോയിലെ ഇച്ചിക്കാവ സിറ്റി മൃഗശാലയിലെ പഞ്ച് എന്ന മക്കാക്ക് കുരങ്ങ് ഇന്ന് ലോകത്തിന്റെ നോവാകുകയാണ്. എന്നാൽ ആ നൊമ്പരത്തിനൊടുവിൽ പഞ്ച് അതിജീവനത്തിന്റെ പുതിയ വഴിയിലേക്ക് നടന്നുതുടങ്ങുന്ന മനോഹരമായ കാഴ്ചയാണ് ഇപ്പോൾ പുറത്തുവരുന്നത്. കഴിഞ്ഞ ജൂലൈയിലായിരുന്നു പഞ്ചിന്റെ ജനനം. എന്നാൽ വിധി അവനെ കാത്തുവെച്ചത് വലിയൊരു ഒറ്റപ്പെടലായിരുന്നു. ജനിച്ച ഉടനെ അമ്മക്കുരങ്ങ് അവനെ ഉപേക്ഷിച്ചു. ഓരോ തവണ അരികിലേക്ക് ചെല്ലുമ്പോഴും അവനെ ആട്ടിയകറ്റി. ഒടുവിൽ മൃഗശാല ജീവനക്കാർ …